2016-01-28

‘ਹਿੰਨ-ਖੋਜ’ ਦਾ ਅੰਗਰੇਜ਼ੀ-ਹਿੰਦੀ ਸ਼ਬਦ-ਕੋਸ਼/HinKhoj Hindi-English Dictionaryby Dr. C P Kamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 29-01-2016
ਹਿੰਨ-ਖੋਜ ਵੱਲੋਂ ਤਿਆਰ ਕੀਤਾ ਅੰਗਰੇਜ਼ੀ-ਹਿੰਦੀ ਸ਼ਬਦ-ਕੋਸ਼ (HinKhoj Hindi-English Dictionary) ਇੱਕ ਮੁਫ਼ਤ ਮੋਬਾਈਲ ਆਦੇਸ਼ਕਾਰੀ ਹੈ। ਇਹ ਅੰਗਰੇਜ਼ੀ ਸ਼ਬਦਾਂ ਅਤੇ ਉਨ੍ਹਾਂ ਦੇ ਅਰਥਾਂ ਨੂੰ ਵਿਆਕਰਣਕ ਜਾਣਕਾਰੀ (ਨਾਂਵ, ਪਡ਼ਨਾਂਵ, ਕਿਰਿਆ ਅਤੇ ਵਿਸ਼ੇਸ਼ਣ ਆਦਿ) ਸਮੇਤ ਦੇਵਨਾਗਰੀ ਉੱਤੇ ਰੋਮਨ ਵਿੱਚ ਪੇਸ਼ ਕਰਦੀ ਹੈ। ਇਸ ਵਿੱਚ ਅੰਗਰੇਜ਼ੀ ਅਤੇ ਹਿੰਦੀ ਦੇ ਸ਼ਬਦਾਂ ਨੂੰ ਨਾਲੋ-ਨਾਲ ਸੁਣਨ ਦੀ ਸਮਰੱਥਾ ਵੀ ਹੈ।
ਸ਼ਬਦ ਖੋਜ ਸਮੇਂ ਪਹਿਲੇ ਕੁੱਝ ਅੱਖਰ ਪਾਉਣ ਉਪਰੰਤ ਵੱਖ ਵੱਖ ਸ਼ਬਦਾਂ ਦੀ ਸੁਝਾਅ ਸੂਚੀ ਦਿਸਣ ਲੱਗਦੀ ਹੈ। ਇਸ ਸੂਚੀ ਵਿੱਚੋਂ ਕਿਸੇ ਸ਼ਬਦ ਦੀ ਚੋਣ ਕਰਕੇ ਉਸ ਦੇ ਅਰਥ ਦੇਖੇ ਜਾ ਸਕਦੇ ਹਨ।
ਇਹ ਆਦੇਸ਼ਕਾਰੀ ਸ਼ਬਦ ਦੀ ਪਰਿਭਾਸ਼ਾ, ਸਮ-ਅਰਥੀ ਸ਼ਬਦ ਅਤੇ ਵਿਰੋਧੀ ਸ਼ਬਦ ਵੀ ਪੇਸ਼ ਕਰਦੀ ਹੈ। ਇਸ ਵਿੱਚ ਸ਼ਬਦਾਂ ਦਾ ਵਿਆਪਕ ਅੰਕਡ਼ਾ-ਆਧਾਰ ਉਪਲਭਧ ਹੈ। ਇਸ ਵਿੱਚ ਸ਼ਬਦ ਅਟਕਲ-ਪੱਚੂ-ਖੇਡ, ਸ਼ਬਦ-ਜੋਡ਼-ਸੋਧਕ, ਦਿਹਾਡ਼ੇ ਦਾ ਸ਼ਬਦ, ਸ਼ਬਦਾਂ ਨੂੰ ਸੁਰੱਖਿਅਤ ਕਰਨ ਅਤੇ ਪਿਛੋਕਡ਼ ਦੀ ਸਹੂਲਤ ਵੀ ਉਪਲਭਧ ਹੈ। ਇਹ ਵਾਕਾਂਸ਼ਾਂ ਦਾ ਅਨੁਵਾਦ ਕਰਨ ਅਤੇ ਉਨ੍ਹਾਂ ਨੂੰ ਉਦਾਹਰਣਾਂ ਸਹਿਤ ਪੇਸ਼ ਕਰਨ ਦੀ ਵਿਸ਼ੇਸ਼ਤਾ ਰੱਖਦੀ ਹੈ। ਇਹ ਸਮੇਂ ਸਮੇਂ ’ਤੇ ਖੋਜਕਾਰਾਂ ਵੱਲੋਂ ਉੱਨਤ ਕੀਤੀ ਜਾਂਦੀ ਹੈ। ਇਸ ਨੂੰ ਇੱਕ ਅੰਗਰੇਜ਼ੀ-ਹਿੰਦੀ ਅਨੁਵਾਦਕ ਅਤੇ ਤਬਾਦਲਾਕਾਰ ਵਜੋਂ ਵੀ ਵਰਤਿਆ ਜਾ ਸਕਦਾ ਹੈ।
ਤਕਨੀਕੀ ਸ਼ਬਦਾਵਲੀ:
ਘਰੇਲੂ-ਸਮਾਂ (-ਸੀਮਾ)-ਰੇਖਾ: Home Lime Line (ਹੋਮ ਟਾਈਮ ਲਾਈਨ);
ਘੁਮਾਉਣਾ: Scroll (ਸਕਰੌਲ);
ਘੁਮਾਊ (-ਪੱਧਤੀ)-ਵਿਧਾ: Scroll Mode (ਸਕਰੌਲ ਮੋਡ);
ਘੁਮਾਊ-ਢੰਗ: Scroll Mode (ਸਕਰੌਲ ਮੋਡ);
ਘੁਮਾਊ-ਪੱਟੀ: Scroll Bar (ਸਕਰੌਲ ਬਾਰ);
ਘੁਮਾਣਾ: Scroll (ਸਕਰੌਲ);
ਚੱਕ (-ਚੰਮੇਡ਼, -ਛੱਡ)-ਰੱਖ: Cut-Paste (ਕੱਟ-ਪੇਸਟ);
ਚੱਕਰ-ਵੰਡ-ਚਿਤਰ: Pi Chart (ਪਾਈ ਚਾਰਟ);
ਚਕਲੀ: Disk (ਡਿਸਕ);
ਚਕਲੀ (-ਚਾਲਕ)-ਲਿਖਾ-ਪਡ਼੍ਹੀ-ਜੰਤਰ: Disk Drive (ਡਿਸਕ ਡਰਾਈਵ);
ਚੱਕਵਾਂ: Portable (ਪੋਰਟੇਬਲ);
ਚੰਬੇਡ਼ਨਾ: Paste (ਪੇਸਟ)•

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 29-01-2016

2016-01-24

ਵੱਖ-ਵੱਖ ਆਕਾਰਾਂ ਦਾ ਗਿਆਨ 'ਕਿਡਜ਼ ਸ਼ੇਪਸ' 'ਤੇ/ Kids Shapes by Dr. C P Kamboj



ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 22-01-2016
ਛੋਟੇ ਬੱਚਿਆਂ ਨੂੰ ਵੱਖ-ਵੱਖ ਆਕ੍ਰਿਤੀਆਂ/ਸ਼ਕਲਾਂ ਬਾਰੇ ਗਿਆਨ ਦੇਣ ਲਈ ਕਿਡਜ਼ ਸ਼ੇਪਸ (Kids Shapes) ਨਾਂ ਦੀ ਆਦੇਸ਼ਕਾਰੀ ਉਪਲਭਧ ਹੈ। ਇਸ ਨੂੰ ਗੂਗਲ ਐਪ ਸਟੋਰ ਤੋਂ ਮੁਫ਼ਤ 'ਚ ਉਤਾਰਿਆ ਜਾ ਸਕਦਾ ਹੈ।
ਇਹ ਆਦੇਸ਼ਕਾਰੀ ਕੱਚੀ ਜਮਾਤ ਦੇ ਬੱਚਿਆਂ ਦੀ ਦਿਮਾਗੀ ਸਮਰੱਥਾ ਅਤੇ ਸਿੱਖਣ ਦੀ ਯੋਗਤਾ ਨੂੰ ਧਿਆਨ 'ਚ ਰੱਖ ਕੇ ਬਣਾਈ ਗਈ ਹੈ। ਆਦੇਸ਼ਕਾਰੀ ਵਿਚ ਚੱਕਰ, ਅੰਡਾਕਾਰ, ਵਰਗ, ਆਇਤ, ਤਿਕੋਣ ਆਦਿ ਸ਼ਕਲਾਂ ਨੂੰ ਉਦਾਹਰਣਾਂ ਸਮੇਤ ਪੇਸ਼ ਕੀਤਾ ਗਿਆ ਹੈ। ਬੱਚੇ ਦੇ ਧਿਆਨ ਨੂੰ ਕੇਂਦਰਿਤ ਕਰਨ ਲਈ ਖਿੱਚ-ਭਰਪੂਰ ਚਿਤਰ ਅਤੇ ਰੌਲਾ-ਰਹਿਤ ਆਵਾਜ਼ ਦਾ ਸਹਾਰਾ ਲਿਆ ਗਿਆ ਹੈ। ਉਦਾਹਰਣ ਲਈ ਵਰਗ ਨੂੰ ਸਮਝਾਉਣ ਲਈ ਚੌਰਸ ਖਿੜਕੀ, ਸਰ੍ਹਾਣਾ, ਸ਼ਤਰੰਜ ਆਦਿ ਨੂੰ ਵਿਖਾਇਆ ਗਿਆ ਹੈ। ਇਸੇ ਤਰ੍ਹਾਂ ਤਿਕੋਣ ਲਈ ਨੈਪਕਿਨ ਪੇਪਰ, ਸੈਂਡਵਿਚ ਆਦਿ ਨੂੰ ਪੇਸ਼ ਕੀਤਾ ਗਿਆ ਹੈ।
'ਫਾਈਂਡ ਸ਼ੇਪਸ' (ਸ਼ਕਲ ਲੱਭੋ) ਵਾਲੇ ਲਿੰਕ 'ਤੇ ਦਾਬ ਕਰਨ ਨਾਲ ਸਤਹ 'ਤੇ ਤਿੰਨ ਸ਼ਕਲਾਂ ਨਜ਼ਰ ਆਉਂਦੀਆਂ ਹਨ। ਬੱਚੇ ਨੂੰ ਕੋਈ ਇੱਕ ਸ਼ਕਲ ਚੁਣਨ ਲਈ ਬੋਲਿਆ ਜਾਂਦਾ ਹੈ ਤੇ ਬੱਚਾ ਉਂਗਲੀ ਦੀ ਛੋਹ ਰਾਹੀਂ ਢੁਕਵੀਂ ਸ਼ਕਲ ਦੀ ਚੋਣ ਕਰਦਾ ਹੈ।
'ਮੋਰ ਗੇਮਜ਼' (ਹੋਰ ਖੇਡਾਂ) ਵਾਲੇ ਲਿੰਕ 'ਤੇ 3 ਸੰਕਿਟ ਲਈ ਛੂਹ ਕੇ ਰੱਖਣ ਨਾਲ ਛੋਟੇ ਬੱਚਿਆਂ ਲਈ ਭਾਂਤ-ਭਾਂਤ ਦੀਆਂ ਖੇਡਾਂ ਖੁੱਲ੍ਹ ਜਾਂਦੀਆਂ ਹਨ। ਇਨ੍ਹਾਂ ਖੇਡਾਂਾਂ 'ਚ ਸਪੇਸ ਐਂਡ ਕਲਰਜ਼ (ਥਾਂ ਅਤੇ ਰੰਗ), ਪ੍ਰੀ-ਸਕੂਲ ਪਜ਼ਲਜ਼ (ਸਕੂਲ-ਪੂਰਬ-ਅੜਾਉਣੀਆਂ),ਜੀਵੰਤ-ਚਿੱਤਰ (ਐਨੀਮੇਸ਼ਨਜ਼), ਅੰਕ ਅਤੇ ਹਿਸਾਬ (ਨੰਬਰ ਐਂਡ ਮੈਥ), ਕਲਰਜ਼ (ਰੰਗ), ਕਨੈੱਕਟ ਦਾ ਡੌਟਸ (ਨੁਕਤੇ ਜੋੜੋ), ਏਬੀਸੀ ਲੈਟਰਜ਼ (ਅੱਖਰ), ਏਬੀਸੀ ਟਰੇਨਸ (ਲੜੀ), ਲਰਨ ਟੂ ਰੀਡ (ਪੜ੍ਹਨਾ ਸਿੱਖੋ), ਕਲਰਿੰਗ ਬੁੱਕ (ਰੰਗਕਾਰੀ ਪੁਸਤਕ), ਪੇਂਟਿੰਗ (ਚਿਤਰਕਾਰੀ) ਆਦਿ ਸ਼ਾਮਿਲ ਹੈ। ਇਹਨਾਂ ਵਿਚੋਂ ਲੋੜੀਂਦੀ ਖੇਡ 'ਤੇ ਦਾਬ ਕਰਕੇ ਉਸ ਨੂੰ ਲਾਗੂ ਕੀਤਾ ਜਾ ਸਕਦਾ ਹੈ।
ਤਕਨੀਕੀ ਸ਼ਬਦਾਵਲੀ  
ਚਲ-ਚਿਤਰ: Video (ਵੀਡੀਓ)
ਚਲ-ਚਿਤਰ-ਚਾਲਕ: Video Player (ਵੀਡੀਓ ਪਲੇਅਰ)
ਚੜ੍ਹਾਉਣਾ: Upload (ਅੱਪਲੋਡ)
ਚਾਲ, ਚਾਲਕ: Drive (ਡਰਾਈਵ)
ਚਾਲੂ-ਸਤਹ (-ਚਿਤਰ)-ਪੱਤਰ: Screen Saver (ਸਕਰੀਨ ਸੇਵਰ)
ਚਾਲੂ-ਕਰਨਾ: Activate (ਐਕਟੀਵੇਟ)
ਚਿੱਠਾ: Blog (ਬਲੌਗ)
ਚਿਤਰ: Photo (ਫੋਟੋ)
ਚਿਤਰ (-ਅੰਸ਼)-ਅਣੂ: Pixel (ਪਿਕਸਲ)
ਚਿਤਰ (-ਸੰਗ੍ਰਹਿ)-ਸੰਗ੍ਰਹਿ-ਪੁਸਤਕ: Album (ਐਲਬਮ)
ਚਿਤਰ-ਅਣੂ-ਘਣਤਾ: Resolution (ਰੈਜ਼ੋਲੂਸ਼ਨ)
ਚਿਤਰ-ਸੰਪਾਦਕ: Picture Editor (ਪਿਕਚਰ ਐਡੀਟਰ)
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 22-01-2016

2016-01-18

'ਫਨ ਈਜ਼ੀ ਲਰਨ' ਰਾਹੀਂ ਰੋਚਕ ਅੰਦਾਜ਼ 'ਚ ਸਿੱਖੋ ਹਿੰਦੀ/ Fun Easy by Dr. C P Kamboj




ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 15-01-2016
ਜੇਕਰ ਤੁਸੀਂ ਮਨ-ਪਰਚਾਵੇ ਰਾਹੀਂ ਰਾਸ਼ਟਰੀ ਭਾਸ਼ਾ ਹਿੰਦੀ ਸਿੱਖਣਾ ਚਾਹੁੰਦੇ ਹੋ ਤਾਂ ਫਨ ਈਜ਼ੀ ਲਰਨ (Fun Easy Learn)  ਤੁਹਾਡੀ ਮਦਦ ਕਰ ਸਕਦੀ ਹੈ। ਆਦੇਸ਼ਕਾਰੀ ਵਿਚ ਹਿੰਦੀ ਦੇ 6000 ਸ਼ਬਦ ਸ਼ਾਮਿਲ ਹਨ। ਇਹ ਬੱਚਿਆਂ ਦੀ ਰੁਚੀ ਨੂੰ ਧਿਆਨ ਵਿਚ ਰੱਖ ਕੇ ਬਣਾਈ ਗਈ ਹੈ। ਇਸ ਰਾਹੀਂ ਵੱਖ-ਵੱਖ ਵਿਸ਼ਿਆਂ ਬਾਰੇ ਸ਼ਬਦਾਵਲੀ ਸਿੱਖਣਾ ਬਹੁਤ ਸੌਖਾ ਹੈ।
ਆਦੇਸ਼ਕਾਰੀ ਵਿਚ ਦਰਜ 15 ਵਿਸ਼ਿਆਂ ਨੂੰ 140 ਉਪ-ਵਿਸ਼ਿਆਂ ਵਿਚ ਵੰਡਿਆ ਗਿਆ ਹੈ ਜਿਨ੍ਹਾਂ ਬਾਰੇ ਅੱਗੇ ਵੱਖ-ਵੱਖ ਖੇਡਾਂ ਰਾਹੀਂ ਗਿਆਨ ਹਾਸਲ ਕੀਤਾ ਜਾ ਸਕਦਾ ਹੈ। ਆਦੇਸ਼ਕਾਰੀ ਵਿਚ ਦਰਜ ਵੱਖ-ਵੱਖ ਵਿਸ਼ਿਆਂ ਦੇ ਨਾਂ ਹਨ- ਪੜ੍ਹਾਈ, ਕੰਮ, ਆਵਾਜਾਈ, ਖੇਡਾਂ, ਵਿਹਲ, ਵਾਤਾਵਰਣ, ਹਵਾਲਾ, ਪੜਚੋਲ ਪ੍ਰਬੰਧਕ, ਲੋਕ, ਦਿੱਖ, ਸਿਹਤ, ਘਰ, ਸੇਵਾਵਾਂ, ਖਰੀਦ-ਵੇਚ, ਭੋਜਨ ਅਦਿ।
ਵਿਸ਼ੇ ਦੀ ਚੋਣ ਕਰਨ ਉਪਰੰਤ ਹੇਠਲੇ ਪਾਸੇ ਤਸਵੀਰਾਂ ਸਮੇਤ ਉਪ-ਵਿਸ਼ੇ ਖੁੱਲ੍ਹਦੇ ਹਨ। ਇਨ੍ਹਾਂ ਵਿਚੋਂ ਲੋੜੀਂਦੇ ਉਪ-ਵਿਸ਼ੇ ਨੂੰ ਚੁਣਨ ਉਪਰੰਤ ਵੱਖ-ਵੱਖ ਖੇਡਾਂ ਜਿਵੇਂ ਕਿ ਚਿਤਰ ਲੱਭਣਾ, ਸ਼ਬਦ ਚੁਣਨਾ, ਸੁਣ ਕੇ ਚੁਣਨਾ, ਸ਼ਬਦ ਮਿਲਾਣ, ਸੁਣ ਕੇ ਲਿਖਣਾ, ਸ਼ਬਦਾਵਲੀ ਆਦਿ ਵਿਚੋਂ ਕਿਸੇ ਦੀ ਚੋਣ ਕੀਤੀ ਜਾ ਸਕਦੀ ਹੈ। ਉਦਾਹਰਣ ਲਈ ਪੜ੍ਹਾਈ (ਵਿਸ਼ਾ), ਵਿਗਿਆਨ (ਉਪ-ਵਿਸ਼ਾ) ਅਤੇ ਸ਼ਬਦ ਮਿਲਾਣ (ਖੇਡ) ਦੀ ਚੋਣ ਕਰਨ ਉਪਰੰਤ ਖੱਬੇ ਹੱਥ ਦਿੱਤੇ ਹਿੰਦੀ ਸ਼ਬਦਾਂ ਨੂੰ ਸੱਜੇ ਹੱਥ ਵਾਲੇ ਅੰਗਰੇਜ਼ੀ ਸ਼ਬਦਾਂ ਨਾਲ ਮਿਲਾਣ ਕੀਤਾ ਜਾ ਸਕਦਾ ਹੈ। ਇਹ ਮੁਫ਼ਤ 'ਚ ਉਪਲਭਧ ਆਦੇਸ਼ਕਾਰੀ ਕੱਚੀ ਜਮਾਤ ਦੇ ਬੱਚਿਆਂ ਲਈ ਇੱਕ ਮਹੱਤਵਪੂਰਨ ਸੁਗਾਤ ਹੈ।
ਤਕਨੀਕੀ ਸ਼ਬਦਾਵਲੀ  
ਖੁਲ੍ਹਾ-ਚਿਤਰ-ਲੇਖਣ: Free Hand Drawing (ਫਰੀ ਹੈਂਡ ਡਰਾਇੰਗ)
ਖੋਜ (-ਇੰਜਣ)-ਟਿਕਾਣਾ, ਖੋਜਗਾਹ: Search Engine (ਸਰਚ ਇੰਜਣ)
ਖੋਜਣਾ: Search (ਸਰਚ)
ਖੋਜ-ਨਤੀਜੇ: Search Results (ਸਰਚ ਰਿਜਲਟਜ਼)
ਖੋਜ-ਪੱਟੀ: Search Bar (ਸਰਚ ਬਾਰ)
ਗਣਕ-ਜੰਤਰ: Computer (ਕੰਪਿਊਟਰ)
ਗਣਕ-ਜੰਤਰ-ਭਾਸ਼ਾ: Programming Language (ਪ੍ਰੋਗਰਾਮਿੰਗ ਲੈਂਗੂਏਜ)
ਗਣਕੀ-ਢਾਬਾ: Cafe (ਕੈਫੈ)
ਗਣਕੀ-ਭਾਸ਼ਾ: Programming Language (ਪ੍ਰੋਗਰਾਮਿੰਗ ਲੈਂਗੂਏਜ)
ਗਤੀ-ਰੋਧਕ: Brake (ਬਰੇਕ)
ਗੱਲਬਾਤ: Phone Call (ਫੋਨ ਕਾਲ)
ਗਲਿਆਰਾ: Gallery (ਗੈਲਰੀ)
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 15-01-2016 

2016-01-07

ਆਦੇਸ਼ਕਾਰੀ ਰਾਹੀਂ ਸਿੱਖੋ ਹਿੰਦੀ ਬੋਲਣਾ (Hindi Speaking by Dr. C P Kamboj)


ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 01-01-2016


ਕਿਸੇ ਭਾਸ਼ਾ ਵਿਚ ਬੋਲਣਾ ਸਿੱਖਣ ਲਈ ਆਦੇਸ਼ਕਾਰੀਆਂ ਦੀ ਬਹੁਤ ਵੱਡੀ ਘਾਟ ਹੈ ਪਰ ਟਾਕ ਹਿੰਦੀ (Talk Hindi) ਆਦੇਸ਼ਕਾਰੀ ਰਾਹੀਂ ਹਿੰਦੀ ਬੋਲਣ ਦੀ ਸਿਖਲਾਈ ਲਈ ਜਾ ਸਕਦੀ ਹੈ। ਇਹ ਆਦੇਸ਼ਕਾਰੀ ਇੱਕ ਤਰਾਂ ਦੀ ਅੰਗਰੇਜ਼ੀ-ਹਿੰਦੀ ਅਨੁਵਾਦ ਆਦੇਸ਼ਕਾਰੀ ਹੈ ਜੋ ਹਿੰਦੀ ਦੇ ਅਰਥਾਂ ਨੂੰ ਦਿਖਾਉਣ ਦੇ ਨਾਲ-ਨਾਲ ਬੋਲ ਕੇ ਸੁਣਾਉਂਦੀ ਹੈ।
ਇਸ ਵਿਚ ਅੰਗਰੇਜ਼ੀ-ਹਿੰਦੀ ਦੇ ਮਹੱਤਵਪੂਰਨ ਸ਼ਬਦਾਂ, ਵਾਕਾਂਸ਼ਾਂ ਅਤੇ ਵਾਕਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸ ਵਿਚ ਸਪਸ਼ਟ ਆਵਾਜ਼ ਵਾਲਾ ਉਚਾਰ ਅੰਕੜਾ-ਆਧਾਰ (Voice Database) ਵਰਤਿਆ ਗਿਆ ਹੈ।
ਇਸ ਆਦੇਸ਼ਕਾਰੀ ਦੇ ਦੋ ਅਲੱਗ-ਅਲੱਗ ਸੰਸਕਰਣ ਉਪਲਭਧ ਹਨ। ਇੱਕ ਮੁਫ਼ਤ, ਜਿਸ ਵਿਚ ਤਿੰਨ ਸ਼੍ਰੇਣੀਆਂ-ਮੁੱਢਲੀ (Basic), ਮੌਜ-ਮਸਤੀ (fun) ਅਤੇ ਯਾਤਰਾ (Travel) ਹਨ ਤੇ ਦੂਸਰਾ ਮੁੱਲ ਦਾ। ਮੁੱਲ ਦੇ ਸੰਸਕਰਣ ਵਿਚ ਇੱਕ ਵੱਡੇ ਅੰਕੜਾ ਆਧਾਰ ਨੂੰ ਸ਼ਾਮਿਲ ਕੀਤਾ ਗਿਆ ਹੈ।
ਆਦੇਸ਼ਕਾਰੀ ਵਿਚ ਸ਼ਾਮਿਲ ਕੀਤੇ ਵਾਕਾਂਸ਼ ਸਾਡੀ ਅਸਲ ਜ਼ਿੰਦਗੀ ਨਾਲ ਨੇੜਲਾ ਸਬੰਧ ਰੱਖਦੇ ਹਨ। ਇੱਕ ਵਾਰ ਉਤਾਰਨ ਉਪਰੰਤ ਇਸ ਨੂੰ ਅੰਤਰਜਾਲ ਤੋਂ ਬਿਨਾਂ ਜਾਲ-ਨਿਸ਼ੇਧ (Offline) ਚਲਾਇਆ ਜਾ ਸਕਦਾ ਹੈ। ਇਸ ਵਿਚ ਐਪ-ਟੂ-ਐੱਸਡੀ ਸਮਰਥਨ ਹੈ ਜਿਸ ਦਾ ਅਰਥ ਹੈ ਕਿ ਇਸ ਨੂੰ ਫੋਨ ਤੋਂ ਯਾਦ-ਪੱਤੇ ਵਿਚ ਭੇਜਿਆ ਜਾ ਸਕਦਾ ਹੈ।
ਤਕਨੀਕੀ ਸ਼ਬਦਾਵਲੀ  
  • ਗਾਹਕ-ਪਛਾਣ-ਪੱਤਾ: SIM Card (ਸਿੰਮ ਕਾਰਡ)
  • ਗੀਤ-ਸੂਚੀ: Playlist (ਪਲੇਅ ਲਿਸਟ)
  • ਗੁਲਾਈ (-ਗਰਾਫ)-ਵੰਡ-ਚਿਤਰ: Pi Chart (ਪਾਈ ਚਾਰਟ)
  • ਗੂੜ੍ਹਾ: Bold (ਬੋਲਡ)
  • ਗੋਲ਼ਾਕਾਰੀ: Bulleting (ਬੂਲੇਟਿੰਗ)
  • ਘੱਟ (-ਦਬਾਵੀ)-ਦਾਬ: Less-Tap (ਲੈੱਸ-ਟੈਪ)
  • ਘੱਟ-ਦੂਰੀ-ਤਬਾਦਲਾ-ਤਕਨੀਕ: Blue Tooth (ਬਲੂ ਟੂਥ)
  • ਘੰਟੀ: Call (ਕਾਲ)
  • ਘੰਟੀ: Phone Call (ਫੋਨ ਕਾਲ)
  • ਘੰਟੀ-ਸੂਚੀ: Call Log (ਕਾਲ ਲੌਗ)
  • ਘੰਟੀ-ਧੁਨ: Ring Tone (ਰਿੰਗ ਟੋਨ)
  • ਘੰਟੀ-ਰੋਕ: Call Block (ਕਾਲ ਬਲੌਕ)