ਰੋਬੋਟਸ ਦਰਮਿਆਨ ਖੇਡ ਮੁਕਾਬਲੇ

ਰੋਬੋਟ ਭਾਵ ਮਸ਼ੀਨੀ ਇਨਸਾਨ ਤਿਆਰ ਕਰਨ ਵਿੱਚ ਜਾਪਾਨ ਸਭ ਤੋਂ ਅੱਗੇ ਹੈ। ਜਾਪਾਨੀ ਰੋਬੋਟ ਦੌੜ ਸਕਦੇ ਹਨ, ਖੇਡ ਸਕਦੇ ਹਨ ਤੇ ਮਨੁੱਖਾਂ ਵਾਂਗ ਹੋਰ ਕਈ ਕੰਮ ਕਰ ਸਕਦੇ ਹਨ। ਪਿਛਲੇ ਦਿਨੀਂ ਜਰਮਨੀ ਦੀਆਂ ਦੋ ਯੂਨੀਵਰਸਿਟੀਆਂ ਦੇ ਰੋਬੋਟਾਂ ਦਰਮਿਆਨ ਬੜਾ ਰੌਚਕ ਮੁਕਾਬਲਾ ਹੋਇਆ। ਯੂ-ਟਿਊਬ ’ਤੇ ਉਪਲੱਬਧ ਇਕ ਵੀਡੀਓ ਵਿੱਚ ਕਈ ਰੋਬੋਟ ਖੇਡਦੇ ਵੇਖੇ ਜਾ ਸਕਦੇ ਹਨ। ‘ਸਟੈਂਡਰਡ ਪਲੈਟਫਾਰਮ ਲੀਗ’ ਵੱਲੋਂ ਕਰਵਾਏ ਇਸ ਫੁੱਟਬਾਲ ਮੈਚ ਵਿੱਚ ਰੋਬੋਟ ਬਾਖ਼ੂਬੀ ਕਿੱਕ ਮਾਰਦੇ ਹਨ ਤੇ ਬਿਨਾ ਕਿਸੇ ਇਨਸਾਨ ਦੇ ਸਹਾਰੇ ਉਹ ਫੁੱਟਬਾਲ ਦਾ ਪਿੱਛਾ ਵੀ ਕਰਦੇ ਹਨ। ਜਾਪਾਨ ਦੀ ‘ਸਾਫਟਬੈਂਕ ਰੋਬੋਟਿਕਸ’ ਨਾਂ ਦੀ ਕੰਪਨੀ ਵੱਲੋਂ ਬਣਾਏ ਇਹ ਰੋਬੋਟ ਡਿੱਗ ਜਾਣ ਤਾਂ ਖ਼ੁਦ ਖੜ੍ਹੇ ਵੀ ਹੋ ਸਕਦੇ ਹਨ।
*  ਕਾਰ ਵਿੱਚ ਬਦਲ ਜਾਂਦਾ ਹੈ ਮਨੁੱਖ ਰੂਪੀ ਰੋਬੋਟ: ਰੋਬੋਟ ਬਣਾਉਣ ਵਾਲੀ ਇਕ ਜਾਪਾਨੀ ਕੰਪਨੀ ਵੱਲੋਂ ਬਣਾਇਆ ਇਕ ਬੰਦੇ ਵਰਗਾ ਰੋਬੋਟ ਖ਼ੁਦ ਨੂੰ ਦੋ ਸੀਟਾਂ ਵਾਲੀ ਕਾਰ ਵਿੱਚ ਬਦਲ ਲੈਂਦਾ ਹੈ। 1695 ਕਿਲੋਗ੍ਰਾਮ ਭਾਰਾ ਇਹ ਰੋਬੋਟ 100 ਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲ ਸਕਦਾ ਹੈ। ਕਾਰ ਦਾ ਰੂਪ ਧਾਰਨ ਕਰਨ ਮਗਰੋਂ ਇਸ ਦੀ ਰਫ਼ਤਾਰ 60 ਕਿਲੋਮੀਟਰ ਪ੍ਰਤੀ ਘੰਟਾ ਹੋ ਜਾਂਦੀ ਹੈ।
*  ਟਵਿੱਟਰ ਦਾ ਪਾਸਵਰਡ ਬਦਲਣ ਦੀ ਸਲਾਹ: ਆਏ ਦਿਨ ਸੋਸ਼ਲ ਮੀਡੀਆ ਸਾਈਟਾਂ ਦੇ ਪਾਸਵਰਡ ਚੋਰੀ ਹੋਣ ਅਤੇ ਡੇਟਾ ਲੀਕ ਹੋਣ ਦੀਆਂ ਖ਼ਬਰਾਂ ਆ ਰਹੀਆਂ ਹਨ, ਜਿੱਥੇ ਫੇਸਬੁੱਕ ਉੱਤੇ ਵਰਤੋਂਕਾਰਾਂ ਦਾ ਨਿੱਜੀ ਡੇਟਾ ਲੀਕ ਕਰਨ ਦੇ ਦੋਸ਼ ਲੱਗੇ ਹਨ, ਉੱਥੇ ਹੁਣ ਟਵਿੱਟਰ ਵੀ ਇਸ ਨੂੰ ਗੰਭੀਰਤਾ ਨਾਲ ਲੈ ਰਿਹਾ ਹੈ। ਟਵਿੱਟਰ ਨੇ ਜਨਤਕ ਤੌਰ ’ਤੇ ਪੁਸ਼ਟੀ ਕੀਤੀ ਹੈ ਕਿ ਉਹ ਆਪਣੇ 33 ਕਰੋੜ ਵਰਤੋਂਕਾਰਾਂ ਦੇ ਨਿੱਜੀ ਡੇਟਾ ਦੀ ਸੁਰੱਖਿਆ ਪ੍ਰਤੀ ਬੇਹੱਦ ਸੰਜੀਦਾ ਹੈ, ਪਰ ਸਾਈਬਰ ਅਪਰਾਧੀਆਂ ਦੀਆਂ ਚਾਲਾਂ ਹੁਣ ਟਵਿੱਟਰ ਨੂੰ ਪ੍ਰੇਸ਼ਾਨ ਕਰਨ ਲੱਗ ਪਈਆਂ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਪਿਛਨੇ ਦਿਨੀਂ ਟਵਿੱਟਰ ਵਰਤੋਂਕਾਰਾਂ ਦੇ ਪਾਸਵਰਡ ‘ਪ੍ਰਭਾਵਿਤ’ ਹੋਏ ਹਨ। ਉਂਜ, ਇਸ ਦਾ ਕਾਰਨ ਟਵਿੱਟਰ ਦੇ ਅੰਦਰੂਨੀ ਪ੍ਰੋਗਰਾਮ ਵਿੱਚ ਤਰੁਟੀ ਮੰਨਿਆ ਜਾ ਰਿਹਾ ਹੈ। ਟਵਿੱਟਰ ਵੱਲੋਂ ਵਰਤੋਂਕਾਰਾਂ ਨੂੰ ਸਲਾਹ ਦਿੱਤੀ ਜਾ ਰਹੀ ਹੈ ਕਿ ਉਹ ਜਲਦੀ ਤੋਂ ਜਲਦੀ ਆਪਣੇ ਖਾਤੇ ਦਾ ਪਾਸਵਰਡ ਬਦਲ ਲੈਣ। ਟਵਿੱਟਰ ਦੇ ਬੁਲਾਰੇ ਨੇ ਸੁਰੱਖਿਆ ਦਾ ਭਰੋਸਾ ਜਿਤਾਇਆ ਤੇ ਕਿਹਾ ਕਿ ਹਾਲਾਂਕਿ ਵਰਤੋਂਕਾਰਾਂ ਦੇ ਡੇਟਾ ਨਾਲ ਕੋਈ ਛੇੜ-ਛਾੜ ਨਹੀਂ ਹੋਈ ਹੈ ਤੇ ਉਨ੍ਹਾਂ ਤਰੁਟੀ ਲੱਭ ਕੇ ਉਸ ਨੂੰ ਠੀਕ ਕਰ ਦਿੱਤਾ ਹੈ।

*  ਚੀਨ ਨੇ ਉਡਾਏ ਡਰੋਨ: ਡਰੋਨ ਦਾ ਨਾਂ ਤੁਸੀ ਜ਼ਰੂਰ ਸੁਣਿਆ ਹੋਵੇਗਾ। ਇਹ ਭੱਜਣ ਜਾਂ ਉੱਡਣ ਵਾਲੇ ਕੁਝ ਖ਼ਾਸ ਰੋਬੋਟ ਜਾਂ ਯੰਤਰ ਹੁੰਦੇ ਹਨ। ਪਿਛਲੇ ਦਿਨੀਂ ਡਰੋਨ ਬਣਾਉਣ ਵਾਲੀ ਇਕ ਚੀਨੀ ਕੰਪਨੀ ‘ਈ-ਹੈਂਗ ਈ-ਗਰੇਟ’ ਨੇ 13 ਮਿੰਟਾਂ ਵਿੱਚ 1374 ਡਰੋਨ ਉਡਾ ਕੇ ਗਿੰਨੀਜ਼ ਬੁੱਕ ਵਿੱਚ ਨਾਮ ਦਰਜ ਕਰਾ ਲਿਆ ਹੈ। ਇਨ੍ਹਾਂ ਡਰੋਨਾਂ ਵਿੱਚ ਊਠ ਅਤੇ ਰੇਲ ਗੱਡੀ ਵਰਗੇ ਵੱਡੇ ਡਰੋਨ ਵੀ ਸ਼ਾਮਲ ਸਨ। ਦੱਸਣਯੋਗ ਹੈ ਕਿ ਇੰਨੀ ਵੱਡੀ ਗਿਣਤੀ ’ਚ ਡਰੋਨਾਂ ਨੇ ਉਡਾਣ ਭਰਦਿਆਂ ਖ਼ਾਸ ਤਰ੍ਹਾਂ ਦੇ ਆਕਾਰ ਬਣਾ ਕੇ ਲੋਕਾਂ ਦੀ ਖ਼ੂਬ ਵਾਹ-ਵਾਹ ਖੱਟੀ। ਇਸ ਖੇਤਰ ਵਿੱਚ ਦੱਖਣੀ ਕੋਰੀਆ ਅਤੇ ਇਟਲੀ ਪਹਿਲਾਂ ਹੀ ਰਿਕਾਰਡ ਬਣਾ ਚੁੱਕਾ ਹੈ। 1218 ਡਰੋਨ ਉਡਾਉਣ ਵਾਲਾ ਰਿਕਾਰਡ ਇੰਟੇਲ ਕੰਪਨੀ ਦੇ ਨਾਮ ਸੀ। ਇਟਲੀ ਵਿੱਚ ਇੱਕੋ ਸਮੇਂ 1372 ਡਰੋਨ ਗਰੁੱਪ  ਡਾਂਸ ਕਰਕੇ ਵਿਸ਼ਵ ਰਿਕਾਰਡ ਬਣਾ ਚੁੱਕੇ ਹਨ, ਪਰ ਹੁਣ ਚੀਨ 1374 ਡਰੋਨ ਉਡਾ ਕੇ ਪਿਛਲੇ ਰਿਕਾਰਡ ਤੋੜਨ ਵਿੱਚ ਕਾਮਯਾਬ ਹੋ ਗਿਆ ਹੈ।
*  ਅਸ਼ਲੀਲ ਫ਼ਿਲਮਾਂ ਦਾ ਸਿਹਤ ’ਤੇ ਮਾੜਾ ਅਸਰ: ਅਸ਼ਲੀਲ ਫ਼ਿਲਮਾਂ ਦਾ ਸਾਡੀ ਸਿਹਤ ’ਤੇ ਮਾੜਾ ਅਸਰ ਪੈਂਦਾ ਹੈ। ਅਮਰੀਕਾ ਵਿੱਚ ਹੋਈ ਇੱਕ ਖੋਜ ਤੋਂ ਸਾਹਮਣੇ ਆਇਆ ਕਿ ਉੱਥੋਂ ਦੇ 50 ਫ਼ੀਸਦੀ ਪੁਰਸ਼ ਅਤੇ 30 ਫ਼ੀਸਦੀ ਔਰਤਾਂ ਮਾੜੇ ਦਰਜੇ ਦੀਆਂ ਵੀਡੀਓਜ਼ ਵੇਖਦੇ ਹਨ। ਇੰਟਰਨੈੱਟ ਤੇ ਯੂ-ਟਿਊਬ ਆਦਿ ਦੇ ਆਉਣ ਨਾਲ ਭਾਰਤ ਵਿੱਚ ਵੀ ਇਹ ‘ਬਿਮਾਰੀ’ ਤੇਜ਼ੀ ਨਾਲ ਵਧ ਰਹੀ ਹੈ। ਅੰਕੜਿਆਂ ਤੋਂ ਪਤਾ ਲੱਗਦਾ ਹੈ ਕਿ ਭਾਰਤ ਪਿਛਲੇ 2-3 ਸਾਲਾਂ ਵਿੱਚ ਅਸ਼ਲੀਲ ਫ਼ਿਲਮਾਂ ਵੇਖਣ ਵਾਲੇ ਦੇਸ਼ਾਂ ਵਿੱਚ ਦਸਵੇਂ ਤੋਂ ਤੀਜੇ ਥਾਂ ’ਤੇ ਆ ਗਿਆ ਹੈ। ਪੰਜਾਬ ਦੇ ਮਾਮਲੇ ਵਿੱਚ ਗੂਗਲ ਰੁਝਾਨ ਦੇਖੀਏ ਤਾਂ ਨਤੀਜੇ ਵੀ ਕਾਫ਼ੀ ਨਿਰਾਸ਼ਾਯੋਗ ਹਨ। ਮਨੁੱਖ ਵਿੱਚ ਇੱਕ ਔਕਸੀਟੋਸਿਨ ਨਾਂ ਦਾ ਹਾਰਮੋਨ ਹੁੰਦਾ ਹੈ, ਜਿਸ ਨੂੰ ‘ਪਿਆਰ ਵਾਲਾ ਹਾਰਮੋਨ’ ਆਖਦੇ ਹਨ। ਇਸੇ ਹਾਰਮੋਨ ਕਾਰਨ ਹੀ ਪੁਰਸ਼ ਤੇ ਔਰਤਾਂ ਆਪਸੀ ਖਿੱਚ ਦੇ ਬੰਧਨ ਵਿੱਚ ਬੱਝੇ ਰਹਿੰਦੇ ਹਨ, ਪਰ ਅਸ਼ਲੀਲ ਫ਼ਿਲਮਾਂ ਵੇਖਣ ਨਾਲ ਇਹ ਹਾਰਮੋਨ ਕਮਜ਼ੋਰ ਪੈਣ ਲੱਗਦਾ ਹੈ। ਅਜਿਹੀਆਂ ਫ਼ਿਲਮਾਂ ਦਾ ਸਭ ਤੋਂ ਵੱਧ ਅਸਰ ਦਿਮਾਗ਼ ’ਤੇ ਪੈਂਦਾ ਹੈ। ਮਨੁੱਖ ਹੌਲੀ-ਹੌਲੀ ਇਕੱਲਾ ਮਹਿਸੂਸ ਕਰਨ ਲੱਗਦਾ ਹੈ ਤੇ ਮਾਨਸਿਕ ਤਣਾਅ ਹੇਠ ਆ ਜਾਂਦਾ ਹੈ।

ਮਸ਼ਹੂਰ ਪੋਸਟਾਂ

ਬੋਲਾਂ ਅਤੇ ਫੋਟੋ ਰੂਪ ਵਾਲੇ ਮੈਟਰ ਨੂੰ ਬਦਲੋ ਟਾਈਪ ਰੂਪ ਵਿਚ/Speech to text and OCR

ਵਿੰਡੋਜ਼ ਤੇ ਐੱਮਐੱਸ ਆਫ਼ਿਸ ਬਾਰੇ 197 ਸਵਾਲ (ਜਵਾਬ ਸਮੇਤ)

ਪੀਪੀਟੀ

ਔਨਲਾਈਨ ਸ਼ਾਪਿੰਗ: ਸਾਈਬਰ ਠੱਗਾਂ ਤੋਂ ਚੋਕਸ ਰਹਿਣ ਦੀ ਲੋੜ/Online Shopping: Awareness

Punjabi Typing: NIYAM TE NUKTE: Book launched

ਪੰਜਾਬੀ ਕੰਪਿਊਟਰ ਬਾਰੇ 146 ਸਵਾਲ (ਜਵਾਬ ਸਮੇਤ)

CURRICULUM VITAE