2010-06-11

ਕੰਪਿਊਟਰ ਮਾਹੀਆ




ਕੀ-ਬੋਰਡ ਦੀ 'ਕੀਅ' ਮਾਹੀਆ 
ਕੰਪਿਊਟਰ ਤੈਥੋਂ ਸਿੱਖ ਗਈ ਆਂ 
ਤੂੰ ਜੁਗ-ਜੁਗ ਜੀਅ ਮਾਹੀਆਂ

ਨੀ ਕੰਪਿਊਟਰ ਤੈਨੂੰ ਸਿੱਖਣਾ ਪਿਆ 
ਵਿਗਿਆਨ ਦੇ ਯੁਗ ਅੰਦਰ 
ਤਕਨੀਕ ਅੱਗੇ ਝੁਕਣਾ ਪਿਆ

ਕੰਪਿਊਟਰ ਮਸ਼ੀਨ ਸੱਜਣਾ 
ਲੈ ਦੇ ਮੈਨੂੰ ਲੈਪਟਾਪ ਵੇ 
ਭਾਵੇਂ ਵਿਕ ਜਾਏ ਜਮੀਨ ਸਜਣਾ

ਕੰਪਿਊਟਰ ਚਲਾਈ ਜਾਹ ਤੂੰ 
ਵੀਡੀਓ ਗੇਮ ਜਿਹੀ ਜਿੰਦਗੀ 
ਗੱਡੀ ਤੇਜ ਭਜਾਈ ਜਾਹ ਤੂੰ

ਵੇ ਮੈਂ ਚੈਟਿੰਗ ਪਈ ਕਰਦੀ ਆਂ 
ਚੈਟਿੰਗ ਦਾ ਸ਼ੌਂਕ ਬੜਾ 
ਨਾ ਕਰਾਂ ਤਾਂ ਮੈਂ ਮਰਦੀ ਆਂ

ਨੀ ਤੂੰ ਨੈੱਟ ਪਿਆ ਸਿੱਖਦੀ ਏਂ 
ਨਿੱਤ ਆਵੇ ਮੇਲ ਤੇਰੀ 
ਕਦੇ ਚਿੱਠੀਆਂ ਨਾ ਲਿਖਦੀ ਏਂ

ਨੈੱਟ ਕੈਫੇ ਉੱਤੇ ਜਾ ਰਹੀ ਆਂ 
ਸਿੱਖਦੀ ਮੈਂ ਨੈੱਟ ਸਰਫਿੰਗ 
ਜ਼ਿੰਦ ਆਪਣੀ ਬਣਾ ਰਹੀ ਆਂ