2015-07-11

ਕਿਤਾਬ ਦਾ ਲੇਆਊਟ ਬਣਾਉਣ ਲਈ ਮਾਈਕਰੋਸਾਫ਼ਟ ਪਬਲਿਸ਼ਰ ਦੀ ਵਰਤੋਂ

20150712
ਕਿਤਾਬਾਂ ਦੇ ਪੰਨੇ ਡਿਜ਼ਾਈਨ ਕਰਨ ਜਾਂ ਲੇਆਊਟ ਬਣਾਉਣ ਲਈ ਪਿਛਲੇ ਲੰਬੇ ਸਮੇਂ ਤੋਂ ਪੇਜ ਮੇਕਰ ਜਾਂ ਕੋਰਲ ਡਰਾਅ ਦੀ ਵਰਤੋਂ ਕੀਤੀ ਜਾ ਰਹੀ ਹੈ | ਇਹ ਦੋਵੇਂ ਸਾਫ਼ਟਵੇਅਰ ਇਕ ਆਮ ਵਿਅਕਤੀ ਲਈ ਸਿੱਖਣੇ ਔਖੇ ਨਹੀਂ | ਆਮ ਤੌਰ 'ਤੇ ਇਹ ਸਾਫ਼ਟਵੇਅਰ ਪੇਸ਼ੇਵਾਰ ਵਰਤੋਂਕਾਰ ਹੀ ਵਰਤਦੇ ਹਨ | ਪੇਜ ਮੇਕਰ ਪੰਜਾਬੀ (ਗੁਰਮੁਖੀ) ਦੇ ਮਿਆਰੀ ਫੌਾਟ ਯੂਨੀਕੋਡ (ਰਾਵੀ) ਨੂੰ ਸਪੋਰਟ ਨਹੀਂ ਕਰਦਾ | ਇਕ ਰਵਾਇਤ ਅਨੁਸਾਰ ਸਤਲੁਜ ਜਾਂ ਅਸੀਸ ਫੌਾਟ ਨੂੰ ਹੀ ਛਪਾਈ ਲਈ ਉੱਤਮ ਮੰਨਿਆ ਜਾਂਦਾ ਹੈ |
ਮਾਈਕਰੋਸਾਫ਼ਟ ਆਫ਼ਿਸ ਦੇ ਭਾਗ ਮਾਈਕਰੋਸਾਫ਼ਟ ਪਬਲਿਸ਼ਰ ਨੂੰ ਬੜੀ ਆਸਾਨੀ ਨਾਲ ਵਰਤ ਕੇ ਕਿਤਾਬਾਂ ਆਦਿ ਦੇ ਲੇਆਊਟ ਦੀ ਤਿਆਰੀ ਕੀਤੀ ਜਾ ਸਕਦੀ ਹੈ | ਇਹ ਯੂਨੀਕੋਡ (ਰਾਵੀ) ਫੌਾਟ ਨੂੰ ਪੂਰੀ ਤਰ੍ਹਾਂ ਸਪੋਰਟ ਕਰਦਾ ਹੈ ਤੇ ਇਸ ਲਈ ਪੇਜ ਮੇਕਰ ਜਾਂ ਕੋਰਲ ਡਰਾਅ ਵਾਂਗ ਪੇਸ਼ੇਵਾਰ ਸਿਖਲਾਈ ਦੀ ਜ਼ਰੂਰਤ ਨਹੀਂ ਪੈਂਦੀ | ਮਾਈਕਰੋਸਾਫ਼ਟ ਵਰਡ ਦੀ ਵਰਤੋਂ ਕਰਨ ਵਾਲਾ ਵਰਤੋਂਕਾਰ ਥੋੜ੍ਹੀ ਜਿਹੀ ਕੋਸ਼ਿਸ਼ ਕਰਕੇ ਇਸ ਵਿਚ ਕਿਤਾਬ ਤਿਆਰ ਕਰਨ ਦੀ ਜਾਂਚ ਸਿੱਖ ਸਕਦਾ ਹੈ | ਇਸ ਵਿਚ ਮਾਸਟਰ ਪੇਜ ਬਣਾਉਣਾ ਹੈੱਡਰ, ਫੂਟਰ, ਪੰਨਾ ਨੰਬਰ ਲਗਾਉਣਾ, ਜਿਸਤ ਅਤੇ ਟਾਂਕ ਪੰਨਾ ਅੰਕਾਂ ਲਈ ਅਲੱਗ-ਅਲੱਗ ਮਾਸਟਰ ਪੰਨੇ ਵਰਤਣੇ, ਟੈਕਸ ਬਕਸੇ 'ਚ ਮੈਟਰ ਪਾਉਣਾ ਤੇ ਉਸ ਨੂੰ ਅਗਲੇ ਪੰਨਿਆਂ 'ਚ ਸੁੱਟਣਾ ਅਤੇ ਤਸਵੀਰਾਂ ਆਦਿ ਨਾਲ ਨਜਿੱਠਣਾ ਆਦਿ ਬਹੁਤ ਆਸਾਨ ਹੈ | 
ਐਾਡਰਾਈਡ ਕੀ-ਬੋਰਡ
ਮੋਬਾਈਲ ਤਕਨਾਲੋਜੀ ਦੇ ਵਿਕਾਸਕਾਰ ਸਵਿਫਟ-ਕੀਅ ਨੇ ਹੁਣ ਆਪਣੀ ਟਾਈਪਿੰਗ ਐਪ ਵਿਚ ਪੰਜਾਬੀ (ਗੁਰਮੁਖੀ) ਨੂੰ ਵੀ ਸ਼ਾਮਿਲ ਕਰ ਲਿਆ ਹੈ | ਇਸ ਕੰਪਨੀ ਵੱਲੋਂ ਕੁੱਲ 15 ਭਾਰਤੀ ਖੇਤਰੀ ਜ਼ੁਬਾਨਾਂ ਵਿਚ ਟਾਈਪ ਕਰਨ ਦੀ ਸੁਵਿਧਾ ਚਾਲੂ ਕੀਤੀ ਗਈ ਹੈ | ਇਸ ਐਪ ਨੂੰ ਗੂਗਲ ਐਪ ਸਟੋਰ ਤੋਂ ਮੋਬਾਈਲ ਅਤੇ ਟੇਬਲੇਟ ਲਈ ਮੁਫ਼ਤ ਡਾਊਨਲੋਡ ਕੀਤਾ ਜਾ ਸਕਦਾ ਹੈ | 
ਵਟਸਐਪ ਦੀ ਮੁਫ਼ਤ ਫ਼ੋਨ ਸੇਵਾ
ਵਟਸਐਪ ਵੱਲੋਂ ਪਿਛਲੇ ਮਹੀਨੇ ਸ਼ੁਰੂ ਕੀਤੀ ਮੁਫ਼ਤ ਫੋਨ ਸੇਵਾ ਕਾਰਨ ਭਾਰਤੀ ਟੈਲੀਕਾਮ ਕੰਪਨੀਆਂ ਪ੍ਰੇਸ਼ਾਨੀ 'ਚ ਹਨ | ਟੈਲੀਕਾਮ ਕੰਪਨੀਆਂ ਲਈ ਵਟਸਐਪ ਦੀ ਇਹ ਨਵੀਂ ਸੁਵਿਧਾ ਇਕ ਵੱਡੀ ਵੰਗਾਰ ਬਣ ਕੇ ਸਾਹਮਣੇ ਆਈ ਹੈ |
ਪੰਜਾਬੀ ਕੰਪਿਊਟਰ ਬਾਰੇ ਸਰਟੀਫਿਕੇਟ ਕੋਰਸ
ਪੰਜਾਬ ਯੂਨੀਵਰਸਿਟੀ ਦੇ ਪੰਜਾਬੀ ਕੰਪਿਊਟਰ ਸਹਾਇਤਾ ਕੇਂਦਰ ਨੇ ਪੰਜਾਬੀ ਸਾਫ਼ਟਵੇਅਰਾਂ ਬਾਰੇ ਪੰਜਾਬੀ 'ਚ ਸਿਖਲਾਈ ਦੇਣ ਲਈ ਤਿੰਨ ਮਹੀਨਿਆਂ ਦਾ ਸਰਟੀਫਿਕੇਟ ਕੋਰਸ ਸ਼ੁਰੂ ਕੀਤਾ ਹੈ | 

No comments:

Post a Comment

Note: Only a member of this blog may post a comment.

ਹੁਣੇ-ਹੁਣੇ ਪੋਸਟ ਹੋਈ

ਆਓ ਹਿੰਦੀ ਵਿਚ ਟਾਈਪ ਕਰੀਏ/Let us type in Hindi

ਬਹੁਤ ਸਾਰੇ ਲੋਕ ਪੰਜਾਬੀ ਟਾਈਪਿੰਗ ਦੇ ਨਾਂ ਤੋਂ ਕੰਨੀ ਕਤਰਾਉਂਦੇ ਹਨ। ਕਈਆਂ ਦੇ ਮਨਾਂ ਅੰਦਰ ਟਾਈਪਰਾਈਟਰ ਵਾਲੀ ਔਖੀ ਟਾਈਪ ਵਿਧੀ ਧੁਰ ਤੱਕ ਵਸੀ ਹੋਈ ਹੈ। ਅਖੇ, ਅਸੀਂ ਤਾਂ ...