2016-09-20

ਗੂਗਲ ‘ਕੀਪ’ ਰਾਹੀਂ ਬਣਾਓ ਨੋਟਸ/google-keep-cpkamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  16-09-2016
ਸਮਾਰਟ ਫੋਨ ਵਿੱਚ ਨੋਟਸ ਬਣਾਉਣ ਵਾਲੀਆਂ ਐਪਸ ਦੀ ਗਿਣਤੀ ਕਾਫ਼ੀ ਜ਼ਿਆਦਾ ਹੈ। ਇਸ ਕਰਕੇ ਕਈ ਵਾਰ ਵਰਤੋਂਕਾਰ ਦੁਚਿੱਤੀ ਵਿੱਚ ਪੈ ਜਾਂਦਾ ਹੈ ਕਿ ਉਹ ਕਿਹੜੀ ਐਪ ਵਰਤੇ। ਐਪ ਦੀ ਚੋਣ ਕਰਨ ਦਾ ਸਿੱਕੇਬੰਦ ਤਰੀਕਾ ਇਹ ਹੈ ਕਿ ਉਹ ਐਪ ਵਰਤੋ ਜਿਹੜੀ ਤੁਹਾਡੇ ਫੋਨ ਅਕਾਊਂਟ ਨਾਲ ਸਿੰਕਰੋਨਾਈਜ਼ (ਸਮਕਾਲੀਕ੍ਰਿਤ) ਹੋ ਜਾਵੇ। ਇਸ ਸਬੰਧ ਵਿੱਚ ਖ਼ੁਦ ਗੂਗਲ ਦੀਆਂ ਬਣਾਈਆਂ ਐਪਸ ਨੂੰ ਤਰਜੀਹ ਦੇਣੀ ਚਾਹੀਦੀ ਹੈ। ਨੋਟਸ ਉਤਾਰਨ ਲਈ ਵੀ ਗੂਗਲ ਦੀ ਆਪਣੀ ਐਪ ਹੈ ਜਿਸ ਨੂੰ ਕੀਪ ਕਿਹਾ ਜਾਂਦਾ ਹੈ। ਇਹ ਐਪ ਐਂਡਰਾਇਡ ਦੇ 4.0 ਜਾਂ ਇਸ ਤੋਂ ਉੱਪਰਲੇ ਸੰਸਕਰਨਾਂ ਵਿੱਚ ਕੰਮ ਕਰਦੀ ਹੈ। ਗੂਗਲ ਐਪ ਸਟੋਰ ਤੋਂ 10 ਕਰੋੜ ਤੋਂ ਵੱਧ ਲੋਕ ਇਸ ਐਪ ਨੂੰ ਡਾਊਨਲੋਡ ਕਰ ਚੁੱਕੇ ਹਨ।
ਕੀਪ ਰਾਹੀਂ ਤੁਸੀਂ ਆਪਣੇ ਦਿਮਾਗ ਵਿੱਚ ਚੱਲ ਰਹੇ ਵਿਚਾਰਾਂ ਨੂੰ ਰਿਕਾਰਡ ਕਰ ਸਕਦੇ ਹੋ। ਕਿਸੇ ਮੀਟਿੰਗ ਜਾਂ ਖ਼ਾਸ ਸਮੇਂ ਦਾ ਚੇਤਾ ਕਰਾਉਣ ਲਈ ਰੀਮਾਈਂਡਰ ਲਗਾ ਸਕਦੇ ਹੋ। ਖਿੱਚੀ ਹੋਈ ਫੋਟੋ ਜਾਂ ਸਕਰੀਨ ਸ਼ੌਟ ਨੂੰ ਨੋਟਸ ਦੇ ਰੂਪ ਵਿੱਚ ਸਾਂਭ ਸਕਦੇ ਹੋ। ਵਟਸਐਪ ਅਤੇ ਫੇਸਬੁੱਕ ਆਦਿ ਸੋਸ਼ਲ ਮੀਡੀਆ ’ਤੇ ਪਾਈਆਂ ਹੋਈਆਂ ਕੰਮ ਦੀਆਂ ਪੋਸਟਾਂ ਨੂੰ ਕੀਪ ਵਿੱਚ ਕਾਪੀ-ਪੇਸਟ ਕਰ ਸਕਦੇ ਹੋ। ਕੀਪ ਵਿੱਚ ਚੈੱਕ ਲਿਸਟ ਬਣਾਉਣ ਦੀ ਸੁਵਿਧਾ ਵੀ ਹੈ। ਬਾਜ਼ਾਰ, ਦਫ਼ਤਰ ਜਾਂ ਰੋਜ਼ਾਨਾ ਦੇ ਕੰਮਾਂ ਨੂੰ ਚੈੱਕ ਲਿਸਟ ਦੇ ਰੂਪ ਵਿੱਚ ਨੋਟ ਕਰ ਲਓ। ਕੀਪ ਵਿੱਚ ਲਿਸਟ ਦਾ ਸਹੀ ਤਰੀਕੇ ਨਾਲ ਪ੍ਰਬੰਧ ਕਰਨ ਦੀ ਸੁਵਿਧਾ ਹੈ। ਲਿਸਟ ਦੇ ਚੈੱਕ ਬਕਸੇ ’ਤੇ ਕਲਿੱਕ ਕਰਕੇ ਆਈਟਮ ਨੂੰ ਕੱਟਿਆ ਜਾ ਸਕਦਾ ਹੈ। ਇਸ ਤਰ੍ਹਾਂ ਕਦਮ-ਦਰ-ਕਦਮ ਲਿਖੀ ਕਾਰਜ ਸੂਚੀ ਵਿੱਚੋਂ ਸੰਪੂਰਨ ਹੋਏ ਕੰਮਾਂ ਨੂੰ ਹਟਾਇਆ ਜਾ ਸਕਦਾ ਹੈ।
ਕੀਪ ਦੇ ਰਿਕਾਰਡ ਨੂੰ ਆਪਣੇ ਦੋਸਤਾਂ ਨਾਲ ਸਾਂਝਾ ਕਰਨ ਦੀ ਸੁਵਿਧਾ ਵੀ ਸ਼ੁਮਾਰ ਹੈ। ਕੀਪ ਵਿੱਚ ਆਪਣੀ ਰਿਕਾਰਡ ਕੀਤੀ ਆਵਾਜ਼ ਦੇ ਨੋਟ ਵੀ ਬਣਾਏ ਜਾ ਸਕਦੇ ਹਨ। ਐਪ ਦੇ ਵੱਖ ਵੱਖ ਨੋਟਿਸਾਂ ਨੂੰ ਸੁਚੱਜੇ ਤਰੀਕੇ ਨਾਲ ਸਾਂਭਣ ਲਈ ਬੈਕਗਰਾਊਂਡ ਰੰਗ ਦੇਣ ਦੀ ਸੁਵਿਧਾ ਹੈ। ਤੁਸੀਂ ਇੱਕੋ ਵਿਸ਼ੇ ਨਾਲ ਸਬੰਧਿਤ ਸਾਰੇ ਨੋਟਿਸਾਂ ਨੂੰ ਇੱਕੋ ਜਿਹਾ ਬੈਕਗਰਾਊਂਡ ਰੰਗ ਦੇ ਸਕਦੇ ਹੋ। ਇਸ ਵਿੱਚ ਰਿਕਾਰਡ ਸਰਚ ਕਰਨ ਦੇ ਕਈ ਤਰੀਕੇ ਹਨ ਜਿਵੇਂ ਕਿ ਪਾਠ ਟਾਈਪ ਕਰ ਕੇ ਸਰਚ ਕਰਨਾ, ਰੰਗਾਂ ਦੇ ਆਧਾਰ ’ਤੇ ਸਰਚ ਕਰਨਾ ਆਦਿ ਪ੍ਰਮੁੱਖ ਹਨ।
ਕੀਪ ਐਂਡਰਾਇਡ ਆਧਾਰਿਤ ਸਮਾਰਟ ਫੋਨਾਂ, ਟੈਬਲੇਟ ਕੰਪਿਊਟਰਾਂ ਅਤੇ ਡੈਸਕਟਾਪ ਕੰਪਿਊਟਰਾਂ ਉੱਤੇ ਕੰਮ ਕਰ ਸਕਦੀ ਹੈ। ਕੀਪ ਵਿਜ਼ਟਜ਼ (widgets) ਨੂੰ ਆਪਣੇ ਫੋਨ ਵਿੱਚ ਚਾਲੂ ਕਰਨ ਲਈ ਸਭ ਤੋਂ ਪਹਿਲਾਂ ਸਕਰੀਨ ਦੇ ਖਾਲੀ ਹਿੱਸੇ ਵਿੱਚ ਲੌਂਗ ਟੱਚ ਅਰਥਾਤ ਲੰਬੇ ਸਮੇਂ ਲਈ ਦਬਾ ਕੇ ਰੱਖੋ। ਸਕਰੀਨ ਸੁੰਗੜ ਕੇ ਛੋਟੀ ਹੋ ਜਾਵੇਗੀ ਤੇ ਹੁਣ ਹੇਠੋਂ ਵਿਜ਼ਟਜ਼ ਬਟਣ ’ਤੇ ਕਲਿੱਕ ਕਰ ਦਿਓ। ਤੁਹਾਡੇ ਕੰਪਿਊਟਰ ਵਿੱਚ ਇੰਸਟਾਲ ਸਾਰੇ ਵਿਜ਼ਟਜ਼ ਨਜ਼ਰ ਆਉਣ ਲੱਗਣਗੇ। ਇੱਥੋਂ ਕੀਪ ਦੀ ਚੋਣ ਕਰੋ ਤੇ ਇਸ ਨੂੰ ਖਿਸਕਾ ਕੇ ਸਹੀ ਥਾਂ ’ਤੇ ਲੈ ਆਓ।
ਗੂਗਲ ਨੇ ਤੁਹਾਡੇ ਪਰਸਨਲ ਕੰਪਿਊਟਰ ’ਤੇ ਕੀਪ ਦੀ ਵਰਤੋਂ ਦੇ ਰਾਹ ਖੋਲ੍ਹ ਦਿੱਤੇ ਹਨ। ਇਸ ਲਈ ਤੁਹਾਡੇ ਕੰਪਿਊਟਰ ਉੱਤੇ ‘ਗੂਗਲ ਕਰੋਮ’ ਨਾਂ ਦਾ ਵੈੱਬ ਬ੍ਰਾਊਜ਼ਰ ਇੰਸਟਾਲ ਹੋਣਾ ਜ਼ਰੂਰੀ ਹੈ। ਇੰਟਰਨੈੱਟ ਤੋਂ ਕੰਪਿਊਟਰ ਦਾ ਕੀਪ ਸਾਫਟਵੇਅਰ ਲੱਭਣ ਲਈ ਸਰਚ ਇੰਜਣ ਵਿੱਚ ਟਾਈਪ ਕਰੋ- ਗੂਗਲ ਕੀਪ ਫਾਰ ਕਰੋਮ। ਇਸ ਨੂੰ ਇੰਸਟਾਲ ਕਰਨ ਉਪਰੰਤ ਤੁਸੀਂ ਆਪਣੇ ਕੰਪਿਊਟਰ ਅਤੇ ਸਮਾਰਟ ਫੋਨ ਤੋਂ ਇਕੱਠਿਆਂ ਹੀ ‘ਕੀਪ’ ਚਲਾ ਸਕਦੇ ਹੋ। ਜੇ ਤੁਹਾਡੇ ਕੰਪਿਊਟਰ ਅਤੇ ਫੋਨ ਇੰਟਰਨੈੱਟ ਨਾਲ ਜੁੜੇ ਹੋਏ ਹਨ ਤਾਂ ਤੁਸੀਂ ਦੋਹਾਂ ਨੂੰ ਸਿੰਕ (ਸਿੰਕਰੋਨਾਈਜ਼) ਕਰ ਸਕਦੇ ਹੋ। ਇਸ ਨਾਲ ਤੁਸੀਂ ਕੰਪਿਊਟਰ ’ਤੇ ਕੀਤੇ ਬਦਲਾਵਾਂ ਨੂੰ ਸਮਾਰਟ ਫੋਨ ’ਤੇ ਅਤੇ ਇਸ ਦੇ ਉਲਟ ਆਪਣੇ ਕੰਪਿਊਟਰ ’ਤੇ ਅੱਪਡੇਟ ਹੋਇਆ ਵੇਖ ਸਕਦੇ ਹੋ। 
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  16-09-2016

2016-09-10

ਐਂਡਰਾਇਡ ਆਦੇਸ਼ਕਾਰੀਆਂ ਦੀ ਨਾਮ ਸੂਚੀ-2/android-apps2-cp-kamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  09-09-2016

10809cd _phoneਮੀਡੀਆ ਅਤੇ ਸਚਿੱਤਰ: ਐਮਐੱਕਸ ਪਲੇਅਰ, ਵੀਐੱਲਸੀ ਪਲੇਅਰ, ਹਾਈਡ ਪਿਕਚਰ, ਐੱਚਡੀ ਵੀਡੀਓ ਪਲੇਅਰ, ਐੱਮਪੀ-3 ਕਟਰ, ਬਿੱਟ ਟੋਰੇਂਟ, ਰਿੰਗਟੋਨ ਮੇਕਰ, ਵੀਡੀਓ ਟਿਊਬ, ਐਂਡਰਾਇਡ ਵੀਡੀਓ, ਵੀਡੀਓ ਐਡੀਟਰ, ਡੀ.ਜੇ. ਪਲੇਅਰ, ਕੇਐੱਮ ਪਲੇਅਰ, ਲਾਈਵ ਇੰਡੀਅਨ ਚੈਨਲ, ਮੋਬਾਈਲ ਟੀਵੀ, ਐਂਡਰਾਇਡ ਵੀਡੀਓ ਐਡੀਟਰ, ਵੀਡੀਓ ਕਟਰ ਅਤੇ ਸਲਾਈਡ ਸ਼ੇਅਰ ਪ੍ਰੈਜ਼ੈਨਟੇਸ਼ਨ।
ਦਵਾਈਆਂ: ਫਾਰਮੇਸੀ, ਡਰੱਗ ਸ਼ਬਦ-ਕੋਸ਼, ਮੈਡਸਕੇਪ, ਮੈਡੀਕਲ ਐਂਡ ਡਰੱਗਜ਼, ਮੈਡੀਕਲ ਸ਼ਬਦ-ਕੋਸ਼, ਆਯੁਰਵੈਦਿਕ ਹੋਮ, ਆਯੁਰਵੈਦਿਕ ਐਂਡ ਹਰਬਲ, ਔਰਗਨ 3-ਡੀ, ਹੇਅਰ ਕੇਅਰ ਟਿਪਸ, ਈ-ਡੈਂਟਲ ਵਰਲਡ ਅਤੇ ਬਲੱਡ ਪ੍ਰੈਸ਼ਰ।
ਗੀਤ-ਸੰਗੀਤ: ਐੱਮਪੀ-3 ਕਿਊਟਰ, ਸਾਵਾਨ- ਹਿੰਦੀ ਅਤੇ ਬਾਲੀਵੁੱਡ ਗੀਤ, ਗਾਨਾ- ਹਿੰਦੀ ਗੀਤ, ਬਾਲੀਵੁੱਡ ਸੌਂਗਜ਼, ਡੀਜੇ ਸਟੂਡੀਓ, ਇਕੁਇਲਾਈਜ਼ਰ, ਸਾਊਂਡ ਕਲਾਊਡ, ਏਆਰ ਰਹਿਮਾਨ ਔਫੀਸ਼ੀਅਲ, ਰੀਅਲ ਗਿਟਾਰ ਫਰੀ, ਮੋਸਟ ਪਾਪੂਲਰ ਰਿੰਗਟੋਨਜ਼, ਓਲਡ ਹਿੰਦੀ ਸੌਂਗਜ਼, ਤਬਲਾ, ਮਾਈ ਪਿਆਨੋ, ਸੌਂਗਜ਼, ਰੀਅਲ ਡਰੰਮ, ਡੀਜੇ ਪੰਜਾਬ, ਕਿਸ਼ੋਰ ਕੁਮਾਰ ਅਤੇ ਹਿੰਦੀ ਭਜਨ।
ਅਖ਼ਬਾਰਾਂ ਅਤੇ ਰਸਾਲੇ: ਨਿਊਜ਼ ਹੰਟ, ਦਾ ਟਾਈਮਜ਼ ਆਫ ਇੰਡੀਆ, ਆਜ ਤੱਕ, ਦਾ ਹਿੰਦੂ, ਇਕਨਾਮਿਕ ਟਾਈਮਜ਼, ਐੱਨਡੀ ਟੀਵੀ, ਦੈਨਿਕ ਭਾਸਕਰ, ਆਲ ਹਿੰਦੀ ਨਿਊਜ਼, ਹਿੰਦੀ ਨਿਊਜ਼ ਡੇਲੀ ਜਾਗਰਨ, ਪ੍ਰਤੀਯੋਗਤਾ ਦਰਪਣ, ਬੀਬੀਸੀ ਨਿਊਜ਼, ਸਮਾਨਿਆ ਗਿਆਨ ਦਰਪਣ, ਜੀ ਨਿਊਜ਼, ਅਮਰ ਉਜਾਲਾ, ਬੀਬੀਸੀ ਹਿੰਦੀ, ਦਾ ਟ੍ਰਿਬਿਊਨ ਅਤੇ ਇੰਡੀਆ ਨਿਊਜ਼ ਪੇਪਰ।
ਤਕਨੀਕੀ ਸ਼ਬਦਾਵਲੀ: ਬਿਜਲ (-ਕਾਰੋਬਾਰੀ-ਪੱਤਾ)-ਕੰਮ-ਕਾਰ-ਪੱਤਾ: Electronic Business Card (ਇਲੈਕਟ੍ਰੋਨਿਕ ਬਿਜ਼ਨੈਸ ਕਾਰਡ); ਬਿਜਲਈ: Electrical (ਇਲੈਕਟ੍ਰੀਕਲ); ਬਿਜਲ-ਡਾਕ: E-mail (ਈ-ਮੇਲ); ਬਿਜਲ-ਲੈਣ-ਦੇਣ-ਪੱਤਾ: Electronic Business Card (ਇਲੈਕਟ੍ਰੋਨਿਕ ਬਿਜ਼ਨੈਸ ਕਾਰਡ); ਬਿਜਲਾਣਵੀ: Electronic (ਇਲੈਕਟ੍ਰੋਨਿਕ); ਬਿਜਲਾਣਵੀ-ਸਬੰਧ-ਨਸ਼ਟ-ਹੋਣਾ: Electronic Short Circuit (ਇਲੈਕਟ੍ਰੋਨਿਕ ਸ਼ਾਰਟ ਸਰਕਟ); ਬੁਲਾਵਾ (-ਘੰਟੀ): Call (ਕਾਲ)
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  09-09-2016

2016-09-05

ਐਂਡਰਾਇਡ ਆਦੇਸ਼ਕਾਰੀ ਦੀ ਨਾਮ-ਸੂਚੀ-1/apps-dir-cpkamboj


ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  05-09-2016

ਸੰਚਾਰ/ਪ੍ਰਸਾਰ:
ਫੇਸਬੁੱਕ ਮੈਸੇਂਜਰ, ਵਟਸ ਐਪ, ਹਾਈਕ ਮੈਸੇਂਜਰ, ਟਰੂ ਕਾਲਰ, ਵੀਬਰ, ਯੂਸੀ ਬ੍ਰਾਊਜ਼ਰ, ਸਕਾਈਪ, ਓਪੇਰਾ, ਯਾਹੂ ਮੇਲ, ਫਾਇਰਫੌਕਸ ਬ੍ਰਾਊਜ਼ਰ, ਓਪੇਰਾ ਬ੍ਰਾਊਜ਼ਰ, ਕਾਲ ਰਿਕਾਰਡਰ ਅਤੇ ਲਾਈਵ ਐੱਸਐੱਮਐੱਸ।
ਸਿੱਖਿਆ:
ਇੰਗਲਿਸ਼ ਸਪੀਕਿੰਗ ਕੋਰਸ, ਪਰੀਕਸ਼ਾ, ਜੀਕੇ-2014, ਇੰਗਲਿਸ਼ ਗਰੈਮਰ, ਬੈਂਕਰਜ਼ ਅੱਡਾ, ਜੀਕੇ ਹਿੰਦੀ, ਮੈਥ ਟਰਿਕਸ, ਭਾਰਤ ਸਮਾਨਿਅ ਗਿਆਨ, ਲਾਅ ਆਫ ਇੰਡੀਆ, ਜੋਸ਼ ਕਰੰਟ ਅਫੇਅਰਜ਼, ਐਜੂਕੇਸ਼ਨਲ ਗੇਮਜ਼ ਫਾਰ ਕਿੱਡਸ, ਵਿਗਿਆਨ, ਸਮਾਨਿਅ ਗਿਆਨ ਪ੍ਰਸ਼ਨੋਤਰੀ, ਗੌਰਮੈਂਟ ਜੌਬ ਅਲਰਟ ਅਤੇ ਭੂਗੋਲ।
 ਮਨੋਰੰਜਨ/ਮਨ-ਪ੍ਰਚਾਵਾ:
ਕੇਬੀਸੀ ਔਫੀਸੀਅਲ, ਅਰਨ ਟਾਕ ਟਾਈਮ, ਟਾਕਿੰਗ ਟੌਮ ਕੈਟ, ਫੋਟੋ ਬੈਕਗਰਾਊਂਡ ਚੇਂਜ, ਮਾਈ ਲਾਈਵ ਵਾਲ ਪੇਪਰ, ਫੋਟੋ ਰੈਪ, ਸੋਨੀ ਲਾਈਵ ਅਤੇ ਫੇਸ ਚੇਂਜਰ।
ਵਿੱਤ ਅਤੇ ਬੈਂਕਿੰਗ:
ਸਟੇਟ ਬੈਂਕ ਫਰੀਡਮ, ਸਟੇਟ ਬੈਂਕ ਐਨੀਵੇਅਰ, ਐੱਚਡੀਐੱਫਸੀ ਮੋਬਾਈਲ ਬੈਂਕਿੰਗ, ਮਨੀ ਕੰਟਰੋਲ ਮਾਰਕੀਟ, ਮਾਈ ਯੂਨੀਵਰਸ, ਐੱਲਆਈਸੀ, ਸਟੌਕ ਵਾਚ ਅਤੇ ਪੀਐੱਨਬੀ ਐੱਮ ਬੈਂਕਿੰਗ।
ਉਤਪਾਦ:
ਸੁਪਰ ਬਰਾਈਟ ਐੱਲਈਡੀ, ਡੀਯੂ ਬੈਟਰੀ ਸੇਵਰ, ਐਡੋਬ ਰੀਡਰ, ਈਐੱਸ ਫਾਈਲ ਐਕਸਪਲੋਰਰ, ਕੈਮ ਸਕੈਨਰ, ਮੋਬਾਈਲ ਲੋਕੇਸ਼ਨ ਟਰੈਕਰ, ਫਾਈਲ ਟਰਾਂਸਫ਼ਰ, ਮਾਈਕਰੋਸਾਫਟ ਆਫਿਸ ਮੋਬਾਈਲ, ਐੱਮਸੀਐਫੇ ਮੋਬਾਈਲ ਸਕਿਉਰਿਟੀ, ਡਰੌਪ ਬਕਸਾ, ਟੀਮ ਵੀਵਰ, ਕਾਲਰ ਨੇਮ ਅਨਾਊਂਸਰ, ਫਾਈਲ ਮੈਨੇਜਰ, ਵਿੱਨ ਜ਼ਿਪ, ਗੂਗਲ ਡੌਕਸ, ਐਂਡਰਾਇਡ ਅਸਿਸਟੈਂਟ, ਪੀਡੀਐੱਫ ਰੀਡਰ, ਆਟੋ ਕੈਡ 360 ਅਤੇ ਐਡਵਾਂਸ ਟਾਸਕ ਮੈਨੇਜਰ।
ਖ਼ਰੀਦ-ਵੇਚ:
ਫਲਿੱਕਰ, ਮੋਬਾਈਲ ਡੀਟੀਐੱਚ ਰੀਚਾਰਜ ਐਂਡ ਸ਼ਾਪਿੰਗ, ਮਿੰਤਰਾ, ਸਨੈਪਡੀਲ, ਅਮੇਜਨ, ਜਾਬੰਗ, ਏਬੇਅ, ਰੀਚਾਰਜ ਪਲਾਨ, ਪੇਅ ਬਿੱਲਸ ਅਤੇ ਹੋਮ ਸ਼ਾਪ।
ਸਮਾਜਿਕ:
ਫੇਸਬੁਕ, ਟਵੀਟਰ, ਇੰਸਟਾਗ੍ਰਾਮ, ਟੋਮਸ ਮੈਸੇਂਜਰ, ਟੈਂਗੋ ਮੈਸੇਂਜਰ, ਵੇਅਟੂਐੱਸਐੱਮਐੱਸ, ਸਨੈਪਚੈਟ, ਜੀਵਨ ਸਾਥੀ, ਸ਼ਾਦੀ ਡਾਟ ਕਾਮ; ਭਾਰਤ ਮੈਟਰੀਮੋਨੀਅਲ, ਵਾਇਸ ਚੇਂਜਰ ਕਾਲਿੰਗ, ਹਿੰਦੀ ਐੱਸਐੱਮਐੱਸ ਸਟੇਟਸ, ਪੰਜਾਬੀ ਸਟੇਟਸ, ਸਿੱਖ ਵਰਲਡ ਅਤੇ ਵਟਸ ਐਪ।
ਖੇਡਾਂ:
ਪਰੋ ਕਬੱਡੀ, ਆਈਪੀਐੱਲ, ਸਟਾਰਟ ਸਪੋਰਟਸ, ਵਨ ਫੁੱਟਬਾਲ, ਕ੍ਰਿਕੇਟ ਸਕੋਰ, ਮਾਈ ਕ੍ਰਿਕੇਟ ਅਤੇ ਲਾਈਵ ਕ੍ਰਿਕੇਟ।
ਸੰਦ:
ਕਲੀਨ ਮਾਸਟਰ, ਐਪ ਲੁੱਕ, 360 ਸਿਕਿਉਰਿਟੀ, ਆਟੋਮੈਟਿਕ ਕਾਲ ਰਿਕਾਰਡਰ, ਡੀਯੂ ਸਪੀਡ ਬੂਸਟਰ, ਬੈਟਰੀ ਡਾਕਟਰ, ਮੋਬਾਈਲ ਸਕਿਉਰਿਟੀ, ਗੂਗਲ ਟਰਾਂਸਲੇਸ਼ਨ, ਗੂਗਲ ਹਿੰਦੀ ਇਨਪੁਟ, ਫਲੈਸ਼ ਲਾਈਟ, ਫਲੈਸ਼, ਅਲਰਟ, ਗੋਅ ਕੀ-ਬੋਰਡ, ਇੰਡੀਅਨ ਕਾਲਰ ਡਿਟੇਲ, ਏਪੀਕੇ ਸ਼ੇਅਰ, ਗੈਲਰੀ ਲੌਕ, ਸੁਪਰ ਬੈਕ-ਅਪ, ਸਪੀਡ ਟੈੱਸਟ, ਕੰਪਾਸ, ਮੋਬਾਈਲ ਨੰਬਰ, ਬਲੂ ਟੁੱਥ ਐਪ ਅਤੇ ਫੋਲਡਰ ਲੌਕ।
ਮੌਸਮ:
ਗੋ ਵੈਦਰ ਫੋਰਕਾਸਟ, ਵੈਦਰ, ਵੈਦਰ ਐਂਡ ਕਲਾਊਡ, ਯਾਹੂ ਵੈਦਰ, 3-ਡੀ ਡਿਜੀਟਲ ਵੈਦਰ ਕਲਾਕ, ਵੈਦਰ ਵਿਜੇਟ, ਟੈਂਪਰੇਚਰ ਅਤੇ ਥਰਮਾਮੀਟਰ।
ਵਿਜਿਟਸ:
ਵਟਸ ਐਪ, ਫੇਸਬੁਕ, ਟਰੂ ਕਾਲਰ, ਕਲੀਨ ਮਾਸਟਰ, ਫਲਿਕਰ, ਸੁਪਰ ਬਰਾਈਟ ਐੱਲਈਡੀ, ਟਵੀਟਰ, ਐਂਟੀ ਵਾਇਰਸ ਸਕਿਉਰਿਟੀ, ਵੀਐੱਲਸੀ ਐਂਡਰਾਇਡ, ਆਕਸਫੋਰਡ ਡਿਕਸ਼ਨਰੀ, ਯੂਸੀ ਜਾਲ-ਖੋਜਕ ਅਤੇ ਯਾਹੂ ਮੇਲ।
ਤਕਨੀਕੀ ਸ਼ਬਦਾਵਲੀ:
ਬਿਜ-, ਬਿਜਲਾਣਵੀ: E-/Electronic (ਈ-/ਇਲੈਕਟ੍ਰੋਨਿਕ); ਬਿਜ-ਛਾਪ: E-print (ਈ-ਪ੍ਰਿੰਟ); ਬਿਜ-ਡਾਕ-ਪਤਾ: E-mail 1ddress (ਈ-ਮੇਲ ਐਡਰੈੱਸ); ਬਿਜ-ਦਸਤਾਵੇਜ: Electronic Document (ਇਲੈਕਟ੍ਰੋਨਿਕ ਡਾਕੂਮੈਂਟ); ਬਿਜ-ਮਿਸਲ: Electronic File (ਇਲੈਕਟ੍ਰੋਨਿਕ ਫਾਈਲ).
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  05-09-2016

2016-08-30

ਪੰਜਾਬੀ ਦੇ ਤਕਨੀਕੀ ਵਿਕਾਸ ਦੇ ਅੰਬਰ ਦਾ ਧਰੂ ਤਾਰਾ : ਅੱਖਰ ਸਾਫਟਵੇਅਰ/akhar-cpkamboj

ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 28-07-2016
ਇੰਡੀਕ ਵਰਡ ਪ੍ਰੋਸੈੱਸਰ 'ਅੱਖਰ-2016' ਭਾਰਤੀ ਭਾਸ਼ਾਵਾਂ ਲਈ ਇਕ ਵਰਦਾਨ ਸਾਬਤ ਹੋਵੇਗਾ ਹੈ | ਇਸ ਨੂੰ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਪੰਜਾਬੀ ਭਾਸ਼ਾ ਤਕਨਾਲੋਜੀ ਦੇ ਖੋਜ ਕੇਂਦਰ ਦੇ ਡਾਇਰੈਕਟਰ ਤੇ ਉੱਘੇ ਕੰਪਿਊਟਰ ਵਿਗਿਆਨੀ ਡਾ: ਗੁਰਪ੍ਰੀਤ ਸਿੰਘ ਲਹਿਲ ਦੀ ਅਗਵਾਈ ਹੇਠ ਤਿਆਰ ਕੀਤਾ ਗਿਆ ਹੈ | ਇਹ ਸਾਫ਼ਟਵੇਅਰ ਯੂਨੀਕੋਡ ਪ੍ਰਣਾਲੀ ਵਿਚ ਕੰਮ ਕਰਨ ਦੇ ਸਮਰੱਥ ਹੈ | ਪੰਜਾਬੀ, ਸ਼ਾਹਮੁਖੀ (ਪੰਜਾਬੀ), ਹਿੰਦੀ, ਅੰਗਰੇਜ਼ੀ, ਉਰਦੂ ਅਤੇ ਸੰਸਕਿ੍ਤ ਭਾਸ਼ਾਵਾਂ ਵਿਚ ਕੰਮ ਕਰਨ ਲਈ ਇਸ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ | ਇਸ ਸਾਫ਼ਟਵੇਅਰ ਦਾ ਰਸਮੀ ਲੋਕ ਅਰਪਣ 9 ਸਤੰਬਰ ਨੂੰ ਕੀਤਾ ਜਾ ਰਿਹਾ ਹੈ | ਅੱਖਰ ਵਿਚ ਵੱਖ-ਵੱਖ ਭਾਸ਼ਾਵਾਂ ਦੀਆਂ ਲਿੱਪੀਆਂ ਅਤੇ ਉਨ੍ਹਾਂ ਦੇ ਕੀ-ਬੋਰਡ ਲੇਆਊਟ ਚੁਣਨ ਦੀ ਸੁਵਿਧਾ ਹੈ | ਮਿਸਾਲ ਵਜੋਂ ਤੁਸੀਂ ਗੁਰਮੁਖੀ, ਸ਼ਾਹਮੁਖੀ ਅਤੇ ਦੇਵਨਾਗਰੀ ਲਿੱਪੀ ਵਿਚ ਲਿਖਣ ਲਈ ਆਪਣੀ ਪਸੰਦ ਦਾ ਕੀ-ਬੋਰਡ ਲੇਆਊਟ ਵਰਤ ਸਕਦੇ ਹੋ | ਅੱਖਰ-2016 ਵਿਚ ਰੋਮਨ ਵਿਧੀ ਰਾਹੀਂ ਟਾਈਪ ਕਰਨ ਦੀ ਸ਼ਕਤੀਸ਼ਾਲੀ ਸੁਵਿਧਾ ਹੈ | ਇਸ ਵਿਚ ਰਵਾਇਤੀ/ਗੈਰ-ਮਿਆਰੀ ਫੌਾਟਾਂ ਨੂੰ ਯੂਨੀਕੋਡ ਵਿਚ ਕਨਵਰਟ ਕਰਨ ਦੀ ਦਮਦਾਰ ਸੁਵਿਧਾ ਹੈ | ਅੱਖਰ ਵਿਚ ਸ਼ਕਤੀਸ਼ਾਲੀ ਸਪੈੱਲ ਚੈੱਕਰ ਹੈ, ਜੋ ਗ਼ਲਤ ਅੱਖਰ-ਜੋੜ ਵਾਲੇ ਸ਼ਬਦਾਂ ਨੂੰ ਇਕ-ਇਕ ਕਰਕੇ ਲੱਭਦਾ ਹੈ ਤੇ ਉਨ੍ਹਾਂ ਨੂੰ ਠੀਕ ਕਰਨ ਲਈ ਸਹੀ ਸ਼ਬਦਾਂ ਨੂੰ ਸੁਝਾਅ ਵਜੋਂ ਪੇਸ਼ ਕਰਦਾ ਹੈ | ਅੱਖਰ ਰਾਹੀਂ ਲਿੱਪੀ ਦੇ ਨਾਂਅ 'ਤੇ ਉਸਰੀਆਂ ਕੰਧਾਂ ਨੂੰ ਢਹਿ-ਢੇਰੀ ਕਰਨ ਲਈ ਗੁਰਮੁਖੀ-ਸ਼ਾਹਮੁਖੀ, ਉਰਦੂ-ਪੰਜਾਬੀ ਸਮੇਤ 11 ਲਿੱਪੀ ਜੋੜਿਆਂ ਨੂੰ ਆਪਸ ਵਿਚ ਬਦਲਣ ਦੀ ਸੁਵਿਧਾ ਹੈ | ਇਸ ਵਿਚ ਗਰੈਮਰ ਚੈੱਕਰ ਅਤੇ ਭਾਸ਼ਾ ਅਨੁਵਾਦ ਦੀ ਸੁਵਿਧਾ ਵੀ ਹੈ | ਓ.ਸੀ.ਆਰ. ਅੱਖਰ ਦਾ ਇਕ ਤਾਕਤਵਰ ਟੂਲ ਹੈ, ਜੋ ਫ਼ੋਟੋ ਰੂਪ ਵਾਲੇ ਮੈਟਰ ਨੂੰ ਟਾਈਪ ਰੂਪ ਵਿਚ ਬਦਲਣ ਦਾ ਕੰਮ ਕਰਦਾ ਹੈ | ਇਸ ਵਿਚ ਅੰਗਰੇਜ਼ੀ ਤੋਂ ਪੰਜਾਬੀ ਅਤੇ ਪੰਜਾਬੀ ਤੋਂ ਅੰਗਰੇਜ਼ੀ ਕੋਸ਼ ਦੀ ਸੁਵਿਧਾ ਦਰਜ ਹੈ | ਸ਼ਬਦ ਉੱਤੇ ਡਬਲ ਕਲਿੱਕ ਰਾਹੀਂ ਵੀ ਗੁਰਮੁਖੀ, ਸ਼ਾਹਮੁਖੀ ਅਤੇ ਅੰਗਰੇਜ਼ੀ ਦੇ ਸ਼ਬਦਾਂ ਦੇ ਅਰਥ ਵੇਖੇ ਜਾ ਸਕਦੇ ਹਨ | ਅੱਖਰ ਦਾ ਇਕ ਵਿਸ਼ੇਸ਼ ਟੂਲ ਲਿਖੇ ਹੋਏ ਅੰਗਰੇਜ਼ੀ ਦੇ ਪਾਠ ਨੂੰ ਬੋਲ ਕੇ ਸੁਣਾਉਣ ਦੀ ਸਮਰੱਥਾ ਰੱਖਦਾ ਹੈ | ਪੰਜਾਬੀ ਭਾਸ਼ਾ ਦੇ ਕੰਪਿਊਟਰੀਕਰਨ ਦੇ ਬਾਬਾ ਬੋਹੜ ਡਾ: ਲਹਿਲ ਅਨੁਸਾਰ ਇਸ ਸਾਫਟਵੇਅਰ ਦਾ ਵਿਕਾਸ ਸ੍ਰੀ ਅੰਕੁਰ ਰਾਣਾ, ਡਾ: ਤੇਜਿੰਦਰ ਸਿੰਘ ਸਮੇਤ 20 ਖੋਜਕਾਰਾਂ ਦੀ ਟੀਮ ਦੀ ਕਈ ਵਰਿ੍ਹਆਂ ਦੀ ਅਣਥੱਕ ਮਿਹਨਤ ਦਾ ਸਿੱਟਾ ਹੈ | ਉਨ੍ਹਾਂ ਕਿਹਾ ਕਿ ਇਹ ਸਾਫਟਵੇਅਰ ਸਰਕਾਰੀ ਦਫ਼ਤਰਾਂ ਵਿਚ ਪੰਜਾਬੀ ਦੀ ਵਰਤੋਂ ਕਰਨ ਵਾਲਿਆਂ ਨੂੰ ਉਤਸ਼ਾਹਿਤ ਕਰੇਗਾ ਤੇ ਇਸ ਨਾਲ ਪੇਸ਼ੇਵਾਰ ਭਾਸ਼ਾ ਅਨੁਵਾਦਕਾਂ, ਕਲੈਰੀਕਲ ਸਟਾਫ਼, ਡਾਟਾ ਐਾਟਰੀ ਓਪਰੇਟਰਾਂ, ਅਧਿਆਪਕਾਂ, ਖੋਜਾਰਥੀਆਂ, ਵਿਦਿਆਰਥੀਆਂ, ਭਾਸ਼ਾ ਵਿਗਿਆਨੀਆਂ ਤੇ ਭਾਸ਼ਾ ਸਿਖਾਂਦਰੂਆਂ ਨੂੰ ਲਾਭ ਹੋਵੇਗਾ |
* 9 ਸਤੰਬਰ ਨੂੰ ਕੀਤਾ ਜਾਵੇਗਾ ਲੋਕ-ਅਰਪਣ
* ਪੰਜਾਬੀ, ਸ਼ਾਹਮੁਖੀ, ਹਿੰਦੀ, ਅੰਗਰੇਜ਼ੀ, ਉਰਦੂ ਅਤੇ ਸੰਸਕ੍ਰਿਤ ਭਾਸ਼ਾਵਾਂ ਵਿਚ ਕੰਮ ਕਰਨ ਦੇ ਸਮਰੱਥ
* ਪੰਜਾਬੀ ਵਿਚ ਟਾਈਪ ਕਰਨ ਲਈ ਇਕ ਦਰਜਨ ਕੀ-ਬੋਰਡ ਖਾਕੇ ਉਪਲਬਧ
* ਪੰਜਾਬੀ ਵਿਚ ਰੋਮਨਾਇਜ਼ਡ ਟਾਈਪਿੰਗ ਦੀ ਦਮਦਾਰ ਸੁਵਿਧਾ
* ਅੱਖਰ ਦੇ ਸੂਝਵਾਨ ਤੇ ਸ਼ਕਤੀਸ਼ਾਲੀ ਫੌਂਟ ਕਨਵਰਟਰ ਰਾਹੀਂ ਅਗਿਆਤ ਫੌਂਟਾਂ ਵਾਲੀ ਫਾਈਲ ਨੂੰ ਪਲਟਾਉਣ ਦੀ ਵਿਸ਼ੇਸ਼ਤਾ
* ਸਪੈੱਲ ਅਤੇ ਗਰੈਮਰ ਚੈੱਕਰ ਦੀ ਸਹੂਲਤ
* ਗੁਰਮੁਖੀ-ਸ਼ਾਹਮੁਖੀ, ਉਰਦੂ-ਪੰਜਾਬੀ ਸਮੇਤ 11 ਲਿਪੀ ਜੋੜਿਆਂ ਨੂੰ ਆਪਸ ਵਿਚ ਬਦਲਣ ਦੀ ਸੁਵਿਧਾ
* ਓਪਰੀਆਂ ਭਾਸ਼ਾਵਾਂ ਨੂੰ ਆਪਣੀ ਜ਼ੁਬਾਨ ਵਿਚ ਬਦਲ ਕੇ ਪੜ੍ਹਨ ਦੀ ਸਹੂਲਤ
* ਫ਼ੋਟੋ ਰੂਪ ਵਾਲੇ ਮੈਟਰ ਨੂੰ ਟਾਈਪ ਰੂਪ ਵਿਚ ਬਦਲਣ ਲਈ ਆਲਾ ਦਰਜੇ ਦਾ ਓ.ਸੀ.ਆਰ.
* ਖੁੱਲ੍ਹੀ ਹੋਈ ਫਾਈਲ ਦੇ ਸ਼ਬਦਾਂ 'ਤੇ ਡਬਲ ਕਲਿੱਕ ਰਾਹੀਂ ਅਰਥ ਜਾਂ ਵਿਆਕਰਨ ਬਾਰੇ ਜਾਣਕਾਰੀ ਹਾਸਲ ਕਰਨ ਦੀ ਸਹੂਲਤ
* 'ਅੱਖਰ' ਦੇਵੇਗਾ ਸਰਕਾਰੀ ਦਫ਼ਤਰਾਂ ਵਿਚ ਪੰਜਾਬੀ ਦੀ ਵਰਤੋਂ ਨੂੰ ਹੁਲਾਰਾ।
ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 28-07-2016

2016-08-24

ਕਿਵੇਂ ਕਰੀਏ ਗੂਗਲ ਦੀ ਸਹੀ ਵਰਤੋਂ/Google-by-cp-kamboj


ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  19-08-2016

ਅੱਜ ਗੂਗਲ ਖੋਜ ਦਾ ਜਾਦੂ ਸਮੁੱਚੇ ਕੰਪਿਊਟਰ ਜਗਤ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਅੱਜ ਦੀ ਨੌਜਵਾਨ ਪੀੜ੍ਹੀ ਕੁਝ ਵੀ ਚੇਤੇ ਰੱਖਣ ਦੀ ਥਾਂ ’ਤੇ ਉਸ ਨੂੰ ਗੂਗਲ ਤੋਂ ਲੱਭਣ ਨੂੰ ਤਰਜੀਹ ਦਿੰਦੀ ਹੈ। ਇਸ ਰਾਹੀਂ ਦੁਨੀਆਂ ਦੇ ਲੱਖਾਂ ਅੰਤਰਜਾਲਾਂ ਦੇ ਡੂੰਘੇ ਸਮੁੰਦਰ ਵਿੱਚੋਂ ਪਲਾਂ ਵਿੱਚ ਹੀ ਆਪਣੇ ਕੰਮ ਦੀ ਜਾਣਕਾਰੀ ਲੱਭੀ ਜਾ ਸਕਦੀ ਹੈ। ਅਸਲ ਵਿੱਚ ਇਹ ਕੰਪਿਊਟਰ ਦੀ ਨਾਮਵਰ ਕੰਪਨੀ ‘ਗੂਗਲ’ ਦਾ ਮਹੱਤਵਪੂਰਨ ਉਤਪਾਦ ਹੈ। ਇਸ ਬਾਰੇ ਤਕਨੀਕੀ ਖੋਜ ਲਾਰੀ ਪੇਜ (Larry Page) ਅਤੇ ਸਰਜੀ ਬਰਿਨ (Sergey Brin) ਨੇ 1997 ਵਿੱਚ ਕੀਤੀ।
 ਗੂਗਲ ਖੋਜ ਪ੍ਰਮੁੱਖ ਖੇਤਰੀ ਬੋਲੀਆਂ ’ਚ ਕਰਨੀ ਸੰਭਵ ਹੈ। ਯੂਨੀਕੋਡ ਪ੍ਰਣਾਲੀ ਦੀ ਖੋਜ ਨਾਲ ਖੇਤਰੀ ਭਾਸ਼ਾਵਾਂ ਵਿੱਚ ਜਾਲ-ਟਿਕਾਣੇ ਬਣਾਉਣ ਅਤੇ ‘ਗੂਗਲ’ ਰਾਹੀਂ ਖੋਜ ਕਰਨ ਦੇ ਕੰਮ ਨੂੰ ਹੁਲਾਰਾ ਮਿਲਿਆ ਹੈ। ਗੂਗਲ ਖੋਜ ਵਰਤੋਂਕਾਰ ਦੀਆਂ ਖੋਜ ਆਦਤਾਂ ਨੂੰ ਧਿਆਨ ’ਚ ਰੱਖ ਕੇ ਨਤੀਜੇ ਦਿੰਦੀ ਹੈ। ਗੂਗਲ ਖੋਜ ਬਕਸੇ ਦੇ ਹੇਠਾਂ ਕੁਝ ਅੱਖਰ ਟਾਈਪ ਕਰਨ ਉਪਰੰਤ ਸੁਝਾਅ ਸੂਚੀ ਨਜ਼ਰ ਆਉਂਦੀ ਹੈ। ਇਸ ਨਾਲ ਖੋਜ ਕੀਤਾ ਜਾਣ ਵਾਲਾ ਵਾਕਾਂਸ਼ ਪੂਰਾ ਟਾਈਪ ਕਰਨ ਦੀ ਲੋੜ ਨਹੀਂ ਪੈਂਦੀ ਤੇ ਸਮੇਂ ਦੀ ਬੱਚਤ ਹੁੰਦੀ ਹੈ। ਗੂਗਲ ਖੋਜ ਕੀਤੇ ਜਾਣ ਵਾਲੇ ਸ਼ਬਦਾਂ ਤੇ ਵਾਕਾਂਸ਼ਾਂ ਆਦਿ ਨਾਲ ਸਬੰਧਿਤ ਜਾਲ-ਪੰਨਿਆਂ ਦੀ ਸੂਚੀ ਜਾਰੀ ਕਰਦੀ ਹੈ। ਇਸ ਸੂਚੀ ਦਾ ਇੱਕ ਵਿਸ਼ੇਸ਼ ਕ੍ਰਮ ਹੁੰਦਾ ਹੈ ਜਿਸ ਨੂੰ ‘ਪੇਜ ਰੈਂਕ’ ਕਿਹਾ ਜਾਂਦਾ ਹੈ। ਇਹ ਢੰਗ ਤਕਨੀਕ ਲੱਭੇ ਜਾਣ ਵਾਲੇ ਸ਼ਬਦ ਨੂੰ ਨਿਸ਼ਾਨਾ ਬਣਾ ਕੇ ਅੰਤਰਜਾਲਾਂ ਦੀ ਸੂਚੀ ’ਚ ਸਭ ਤੋਂ ਢੁਕਵਾ ਅੰਤਰਜਾਲ ਸਿਖ਼ਰ ’ਤੇ ਦਿਖਾਉਂਦੀ ਹੈ।
 ਵਿਸ਼ੇਸ਼ਤਾਵਾਂ:
 * ਗੂਗਲ ਖੋਜ ਵਿੱਚ ਜੂਨ 2011 ਤੋਂ ਲਗਾਤਾਰ ਆਵਾਜ਼-ਖੋਜ ਦੀ ਸਹੂਲਤ ਉਪਲਭਧ ਹੈ।
 * ਗਿਆਨ ਗਰਾਫ ਭੂ-ਖੋਜ ਦੀ ਸਹੂਲਤ ਰਾਹੀਂ ਖੋਜ ਰੁਝਾਨਾਂ ਅਤੇ ਖੋਜ ਨਾਲ ਸਬੰਧਿਤ ਭੂਗੋਲਿਕ ਜਾਂ ਕਿਸੇ ਹੋਰ ਆਧਾਰ ’ਤੇ ਅੰਕੜੇ ਇਕੱਤਰ ਕੀਤੇ ਜਾ ਸਕਦੇ ਹਨ।
 * ਗੂਗਲ ਤਕਨੀਕ ਖੋਜ ਲਈ ਟਾਈਪ ਕੀਤੇ ਵਾਕਾਂਸ਼ ਨੂੰ ਸ਼ਬਦਾਂ ਵਿੱਚ ਤੋੜ ਕੇ ਬੂੱਲੀਅਨ ਓਪਰੇਟਰਾਂ ਦੀ ਮਦਦ ਨਾਲ ਖੋਜ ਕਰਦੀ ਹੈ। ਇਸ ਨਾਲ ਵੱਡੀ ਗਿਣਤੀ ’ਚ ਖੋਜ ਨਤੀਜੇ ਪ੍ਰਾਪਤ ਹੁੰਦੇ ਹਨ।
 * ਗੂਗਲ ਖੋਜ ਵਿੱਚ ਗੂਗਲ ਡੂਡਲਸ ਦੀ ਖ਼ਾਸ ਵਿਸ਼ੇਸ਼ਤਾ ਹੈ। ਇਸ ਵਿਸ਼ੇਸ਼ਤਾ ਦਾ ਮੰਤਵ ਵਰਤੋਂਕਾਰਾਂ ਦਾ ਇਕੱਲਾ ਮਨ-ਪਰਚਾਵਾ ਕਰਨਾ ਹੀ ਨਹੀਂ ਸਗੋਂ ਮਹਾਨ ਵਿਗਿਆਨੀਆਂ, ਮਹੱਤਵਪੂਰਨ ਵਰ੍ਹੇ ਗੰਢਾਂ, ਜਸ਼ਨਾਂ, ਤਿਉਹਾਰਾਂ ਆਦਿ ਦੀ ਯਾਦ ਦਿਵਾਉਣਾ ਵੀ ਹੈ।
 * ਗੂਗਲ ਖੋਜ ਬਕਸੇ ਵਿੱਚ ਟਾਈਪ ਕੀਤੇ ਸ਼ਬਦ/ਅੱਖਰ ਦੇ ਆਧਾਰ ’ਤੇ ਕੁਝ ਸ਼ਬਦ/ਵਾਕਾਂਸ਼ ਸੁਝਾਅ ਸੂਚੀ ’ਚ ਦਿਖਾਏ ਜਾਂਦੇ ਹਨ। ਇਹ ਖੋਜ ਕਰਨ ’ਚ ਵਰਤੋਂਕਾਰ ਦੀ ਮਦਦ ਕਰਦੇ ਹਨ। ਇਸ ਵਿਸ਼ੇਸ਼ ਤਕਨੀਕ ਨੂੰ ‘ਇੰਸਟੈਂਟ ਸਰਚ’ (ਚੁਟਕੀ ਲੱਭਤ) ਦਾ ਨਾਂ ਦਿੱਤਾ ਜਾਂਦਾ ਹੈ। ਇਹ ਤਕਨੀਕ ਗੂਗਲ ਨੇ ਸਭ ਤੋਂ ਪਹਿਲਾਂ 8 ਸਤੰਬਰ 2010 ਨੂੰ ਅਮਰੀਕਾ ਵਿੱਚ ਚਾਲੂ ਕੀਤੀ।
11808CD _CUSTOM_GOOGLE_SEARCH* ਗੂਗਲ ਰਾਹੀਂ ਬਿਨਾਂ ਕਿਸੇ ਵਾਧੂ ਟਿਕਾਣਿਆਂ ਦੀ ਫਰੋਲਾ-ਫਰੋਲੀ ਦੇ ਸਿੱਧਾ ਟੀਚੇ ’ਤੇ ਪਹੁੰਚਣਾ ਇੱਕ ਵਿਸ਼ੇਸ਼ ਤਕਨੀਕ ਜਾਂ ਤਜਰਬੇ ਦੀ ਮੰਗ ਕਰਦਾ ਹੈ। ਜੇ ਪਹਿਲੀ ਕੋਸ਼ਿਸ਼ ’ਚ ਤੁਹਾਨੂੰ ਲੱਭੇ ਜਾ ਰਹੇ ਵਾਕਾਂਸ਼ ਦਾ ਸਹੀ ਸੁਮੇਲ ਮਿਲ ਜਾਂਦਾ ਹੈ ਤਾਂ ਗੂਗਲ I’m Feeling Lucky’’ ਦਾ ਸਨੇਹਾ ਪੇਸ਼ ਕਰਦਾ ਹੈ।
 ਗੂਗਲ ਖੋਜ ਲਈ ਨੁਸਖੇ: ਗੂਗਲ ਖੋਜ ਇੱਕ ਸ਼ਕਤੀਸ਼ਾਲੀ ਖੋਜ ਇੰਜਣ ਹੈ। ਗੂਗਲ ਰਾਹੀਂ ਸਵਾਲਾਂ ਦੇ ਜਵਾਬ ਲੱਭਣ ਲਈ ਅਨੇਕਾਂ ਵਿਸ਼ੇਸ਼ਤਾਵਾਂ ਹਨ ਪਰ ਆਮ ਵਰਤੋਂਕਾਰ ਇਨ੍ਹਾਂ ਤੋਂ ਪੂਰੀ ਤਰ੍ਹਾਂ ਅਣਜਾਣ ਹਨ। ਆਪਣੇ ਖੋਜ ਦੇ ਖੇਤਰ ਨੂੰ ਵਿਸ਼ੇ ’ਤੇ ਕੇਂਦਰਿਤ ਕਰਨ ਲਈ ਕਈ ‘ਕੁੰਜੀ-ਸ਼ਬਦ (Key word)’ ਵਰਤੇ ਜਾਂਦੇ ਹਨ। ਆਓ ਇਨ੍ਹਾਂ ਬਾਰੇ ਜਾਣੀਏ:
 ਟਾਈਮ:
ਇਸ ਦੀ ਵਰਤੋਂ ਕਿਸੇ ਦੇਸ਼ ਜਾਂ ਸਥਾਨ ਦਾ ਸਮਾਂ ਦੇਖਣ ਲਈ ਕੀਤੀ ਜਾਂਦੀ ਹੈ। ਉਦਾਹਰਣ: Time USA
 ਟਾਈਮਰ:
ਇਹ ਲਹਿੰਦੇ ਕ੍ਰਮ ’ਚ ਸਮੇਂ ਦੀ ਗਿਣਤੀ ਕਰਨ ਵਾਲਾ (Count Down) ਟਾਈਮਰ ਹੈ। ਉਦਾਹਰਣ: Timer
 ਸਕੋਰ:
ਦੁਨੀਆਂ/ਦੇਸ਼ ’ਚ ਖੇਡੇ ਜਾ ਰਹੇ ਕਿਸੇ ਮਹੱਤਵਪੂਰਨ ਮੈਚ ਦਾ ਨਤੀਜਾ ਦੇਖਣ ਲਈ। ਉਦਾਹਰਣ: Scores
 ਪੈਮਾਇਸ਼:
ਗਿਣਤੀ/ਮਿਣਤੀ ਦੀਆਂ ਇਕਾਈਆਂ ਦੇ ਰੂਪਾਂਤਰਣ ਲਈ। ਉਦਾਹਰਣ: 10.5 cm in inches, ਇਹ 10.5 ਸੈਂਟੀਮੀਟਰ ਨੂੰ ਇੰਚਾਂ ਵਿੱਚ ਦਿਖਾਵੇਗਾ।
 ਕਰੰਸੀ:
ਕਰੰਸੀ/ਮੁਦਰਾ ਦੇ ਤਬਾਦਲੇ ਲਈ। ਉਦਾਹਰਣ: 17 rupes in dollar, ਇਹ ਰੁਪਏ ਨੂੰ ਡਾਲਰ ’ਚ ਬਦਲ ਕੇ ਦਿਖਾਵੇਗਾ।
 ਕੈਲਕੂਲੇਟਰ:
ਗਣਨਾਵਾਂ ਕਰਨ ਲਈ।
 ਸ਼ਬਦ ਵਿਆਖਿਆ:
ਕਿਸੇ ਸ਼ਬਦ ਦੀ ਸੰਖੇਪ ਵਿਆਖਿਆ ਜਾਣਨ ਲਈ। ਉਦਾਹਰਣ: Define: Computer
 ਨਕਸ਼ੇ:
ਕਿਸੇ ਦੇਸ਼, ਸ਼ਹਿਰ, ਕਸਬੇ ਤੇ ਪਿੰਡ ਆਦਿ ਦਾ ਨਕਸ਼ਾ ਵੇਖਣ ਲਈ। ਉਦਾਹਰਣ: Punjab Map
 ਚਲ-ਚਿਤਰ:
ਸਿਨੇਮੇ ’ਚ ਲੱਗੀਆਂ ਫ਼ਿਲਮਾਂ ਦਾ ਵੇਰਵਾ। ਉਦਾਹਰਣ: Movie
 ਆਬਾਦੀ:
ਕਿਸੇ ਦੇਸ਼/ਸ਼ਹਿਰ ਦੀ ਅਬਾਦੀ ਨੂੰ ਚਿਤਰਮਈ/ਅੰਕੜਾ ਚਿੱਤਰ ਰੂਪ ’ਚ ਦੇਖਣ ਲਈ। ਉਦਹਾਰਣ: Population India
 ਟਾਇਲਡ/ਘੁੰਡੀ ਚਿੰਨ੍ਹ:
ਕਿਸੇ ਸ਼ਬਦ ਦੇ ਸਮਰੂਪ ਮਿਲਦੇ-ਜੁਲਦੇ ਸ਼ਬਦ ਲੱਭਣ ਲਈ। ਉਦਾਹਰਣ: ~ਪਾਣੀ, ਇਹ ਜਲ ਤੇ ਨੀਰ ਆਦਿ ਸ਼ਬਦਾਂ ਨੂੰ ਵੀ ਖੋਜ ਲਈ ਵਿਚਾਰੇਗਾ।
 ਮਨਫ਼ੀ ਦਾ ਚਿੰਨ੍ਹ:
ਇਹ ਚਿੰਨ੍ਹ ਉਦੋਂ ਵਰਤਿਆ ਜਾਂਦਾ ਹੈ ਜਦੋਂ ਕਿਸੇ ਮੁੱਖ ਸ਼ਬਦ ਨਾਲੋਂ ਦੂਜੇ ਸ਼ਬਦ ਨੂੰ ਨਿਖੇੜਨਾ ਹੋਵੇ ਤੇ ਨਿਖੇੜੇ ਸ਼ਬਦ ਨੂੰ ਖੋਜ ’ਚ ਨਜ਼ਰ ਅੰਦਾਜ਼ ਕਰਨਾ ਹੋਵੇ। ਉਦਾਹਰਣ: apple-tree, ਇਸ ਨਾਲ ਗੂਗਲ ਇਕੱਲੇ apple ਦੀ ਖੋਜ ਕਰੇਗਾ ਨਾ ਕਿ apple tree ਦੀ।
 ਵਾਈਲਡ ਕਾਰਡ:
ਗੂਗਲ ਖੋਜ ਵਿੱਚ ਡੌਸ ਵਾਂਗ ਅਟਕਲ-ਪੱਤਾ ਦੀ ਵਰਤੋਂ ਵੀ ਕੀਤੀ ਜਾਂਦੀ ਹੈ। ਇਸ ਨਾਲ ਉਨ੍ਹਾਂ ਸ਼ਬਦਾਂ ਨੂੰ ਵੀ ਲੱਭਿਆ ਜਾ ਸਕਦਾ ਹੈ ਜਿਨ੍ਹਾਂ ਦੇ ਸ਼ੁਰੂਆਤੀ ਕੁਝ ਅੱਖਰ ਯਾਦ ਨਾ ਆ ਰਹੇ ਹੋਣ। ਉਦਾਹਰਣ: *jabi, ਇਸ ਰਾਹੀਂ Punjabi ਸਮੇਤ jabi ਪਿਛੇਤਰ ਵਾਲੇ ਹੋਰ ਸ਼ਬਦ ਵੀ ਖੋਜ ਪਕੜ ’ਚ ਆ ਜਾਣਗੇ।
 ਟਿਕਾਣਾ:
ਸਿੱਧਾ ਅੰਤਰਜਾਲਾਂ ’ਤੇ ਜਾਣ ਲਈ। ਉਦਾਹਰਣ: Site: ***.google.com
 ਸੰਜੁਕਤ ਸਿਰਲੇਖ ਖੋਜ:
ਜੇ ਤੁਸੀਂ ਚਾਹੁੰਦੇ ਹੋ ਕਿ ਖੋੋਜਿਆ ਗਿਆ ਪਹਿਲਾ ਸ਼ਬਦ ਜਾਲ-ਟਿਕਾਣੇ ਦੇ ਸਿਰਲੇਖ ਤੋਂ ਅਤੇ ਦੂਜਾ ਸ਼ਬਦ ਜਾਲ-ਪੰਨੇ ਤੋਂ ਲੱਭਿਆ ਜਾਵੇ ਤਾਂ intitle ਇਸਤੇਮਾਲ ਕਰੋ। ਉਦਾਹਰਣ: intitle : Punjabi computer, ਇਸ ਨਾਲ ਉਹ ਵੈੱਬ-ਟਿਕਾਣੇ ਜਾਰੀ ਹੋਣਗੇ ਜਿਨ੍ਹਾਂ ਦੇ ਸਿਰਲੇਖ ’ਚ ਸ਼ਬਦ ‘computer’ ਅਤੇ ਕਿਧਰੇ ਹੋਰ ਸ਼ਬਦ ‘computer’ ਲਿਖਿਆ ਹੋਇਆ ਹੈ।
 ਜਾਲ-ਨਾਮ:
allinurl ਸ਼ਬਦ ਦੀ ਵਰਤੋਂ ਉੱਥੇ ਕੀਤੀ ਜਾਂਦੀ ਹੈ ਜਦੋਂ ਸ਼ਬਦ/ਸ਼ਬਦਾਂ ਨੂੰ ਸਿਰਫ਼ ਅੰਤਰਜਾਲ ਦੇ ਨਾਂ ਅਰਥਾਤ ਯੂਆਰਐੱਲ (”RL) ’ਚ ਲੱਭਣਾ ਹੋਵੇ। ਉਦਾਹਰਣ: allinurl Punjabi, ਇਸ ਨਾਲ ’ਪੰਜਾਬੀ’ ਸ਼ਬਦ ਵਾਲੇ ਨਾਵਾਂ ਵਾਲੇ ਜਾਲ-ਟਿਕਾਣਿਆਂ ਦੀ ਸੂਚੀ ਮਿਲੇਗੀ।
 ਮਿਸਲ ਕਿਸਮ:
ਖੋਜ ਦੌਰਾਨ ਲੋੜੀਂਦੀਆਂ ਮਿਸਲਾਂ ਦਾ ਰੂਪ ਵੀ ਦੱਸ ਦਿੱਤਾ ਜਾਵੇ ਤਾਂ ਕੰਮ ਹੋਰ ਆਸਾਨ ਹੋ ਜਾਂਦਾ ਹੈ। ਉਦਾਹਰਣ: Punjabi Language filetype :pdf, ਇਸ ਨਾਲ Punjabi Language ਸ਼ਬਦਾਂ ਵਾਲੇ ਸਿਰਫ਼ ਉੱਚਾਵਾਂ-ਮਿਸਲ-ਸਾਂਚੇ (Pdf) ਵਾਲੀਆਂ ਮਿਸਲਾ ਦਿਸਣਗੀਆਂ।
 ਔਰ:
ਜੇ ਤੁਸੀਂ ਕੁਝ ਅਜਿਹੇ ਵੈੱਬ ਪੰਨਿਆਂ ਨੂੰ ਫਰੋਲਣਾ ਚਾਹੁੰਦੇ ਹੋ ਜਿਨ੍ਹਾਂ ਵਿੱਚ (ਕੀ-ਵਰਡ ਵਜੋਂ) ਦਿੱਤੇ ਕੁੰਜੀ ਸ਼ਬਦਾਂ ਵਿੱਚੋਂ ਕੋਈ ਇੱਕ ਸ਼ਬਦ ਉਪਲਭਧ ਹੋਵੇ। ਉਦਾਹਰਣ: ਪੰਜਾਬੀ ਕਾਨਫ਼ਰੰਸ 2013 OR 2014, ਇਹ ਵੱਖ-ਵੱਖ ਵੈੱਬ ਪੰਨਿਆਂ ’ਚ ‘ਪੰਜਾਬੀ ਕਾਨਫਰੰਸ 2013’ ਜਾਂ ‘ਪੰਜਾਬੀ ਕਾਨਫਰੰਸ 2014’ ਲੱਭੇਗਾ।
 ਮੋਬਾਈਲ ਲਈ ਗੂਗਲ ਆਦੇਸ਼ਕਾਰੀ:
ਐਂਡਰਾਇਡ ਫੋਨ ਲਈ ਸਭ ਤੋਂ ਪਹਿਲੀ ਗੂਗਲ ਖੋਜ ਆਦੇਸ਼ਕਾਰੀ ਵਰ੍ਹਾ 2007 ਵਿੱਚ ਤਿਆਰ ਕੀਤੀ ਗਈ। ਅੱਜ ਐਂਡਰਾਇਡ, ਝਰੋਖਾ, ਆਈਫੋਨ ਅਤੇ ਹੋਰਨਾਂ ਫੋਨਾਂ ਲਈ ਕਈ ਆਦੇਸ਼ਕਾਰੀਆਂ ਉਪਲਭਧ ਹਨ।
 ਗੂਗਲ ਨਾਓ:
ਇਹ ਆਦੇਸ਼ਕਾਰੀ ਜੈਲੀ ਬੀਨ ਸੰਸਕਰਣ ਲਈ ਹੈ ਤੇ ਇਸ      ਵਿੱਚ ਆਵਾਜ਼-ਖੋਜ ਦੀ ਸਹੂਲਤ ਵੀ ਉਪਲਭਧ ਹੈ।
 ਗੂਗਲ ਨਾਓ ਲਾਂਚਰ:
ਇਹ ਵੀ ਗੂਗਲ ਲਈ ਇੱਕ ਮਹੱਤਵਪੂਰਨ ਆਦੇਸ਼ਕਾਰੀ ਹੈ।
 ਓਪਨ ਮਿਕ ਪਲੱਸ ਫਾਰ ਗੂਗਲ ਨਾਓ:
ਇਹ ਸਫ਼ਰ ਕਰਨ ਵਾਲੇ/ਗੱਡੀ ਚਾਲਕਾਂ ਲਈ ਮਹੱਤਵਪੂਰਨ ਆਦੇਸ਼ਕਾਰੀ ਹੈ। ‘ਓਕੇ ਗੂਗਲ’ ਬੋਲ ਕੇ, ਹੱਥ ਹਿਲਾ ਕੇ ਜਾਂ ਫਿਰ ਫੋਨ ਹਿਲਾ ਕੇ ਗੂਗਲ ਖੋਜ ਚਾਲੂ ਕੀਤੀ ਜਾ ਸਕਦੀ ਹੈ।
 ਕਮਾਂਡਰ ਫਾਰ ਗੂਗਲ:
ਇਹ ਇੱਕ ਤੀਜੀ ਧਿਰ (“hird Party) ਦੀ ਆਦੇਸ਼ਕਾਰੀ ਹੈ ਜੋ ਗੂਗਲ ਨਾਲ ਜੁੜ ਕੇ ਉਪਯੋਗੀ ਕਾਰਜ ਕਰਦੀ ਹੈ।
 ਗੂਗਲ ਗੂਗਲਜ਼ (google googles):
ਇਹ ਆਦੇਸ਼ਕਾਰੀ ਚਿਤਰ ਦੇ ਆਧਾਰ ’ਤੇ ਖੋਜ ਕਰਨ ਲਈ ਵਰਤੀ ਜਾਂਦੀ ਹੈ।
 ਤਕਨੀਕੀ ਸ਼ਬਦਾਵਲੀ:
ਥੰਮ੍ਹ: column (ਕਾਲਮ); ਥਰਥਰਾਉਣਾ, ਥਰਥਰਾਹਟ, ਥੱਰਾਉਣਾ, ਥੱਰਾਹਟ: Vibrate (ਵਾਈਬਰੇਟ); ਦਸਤਕ-ਘੰਟੀ: Phone call (ਫੋਨ ਕਾਲ); ਦੱਬਣਾ: click (ਕਲਿੱਕ); ਦਰਸ਼ਨੀ: Video (ਵੀਡੀਓ); ਦਰਸ਼ਨੀ-ਚਾਲਕ : Video Player (ਵੀਡੀਓ ਪਲੇਅਰ); ਦਰਸਾਊ, ਦਰਸਾਵਾ: Vieuer (ਵੀਊਅਰ); ਦਰਜ-ਕਰਨਾ: Register (ਰਜਿਸਟਰ); ਦਰਜਾਵਾਰੀ-ਅੰਕ: Serial Number (ਸੀਰੀਅਲ ਨੰਬਰ); ਦਰਾਮਦ: import (ਇੰਪੋਰਟ); ਦਰੀਚਾ: window (ਵਿੰਡੋ); ਦਾਅਵਤ: Offer (ਆਫਰ)ਂ
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  19-08-2016

2016-08-19

ਅਜੋਕਾ ਫੋਨ ਸੰਸਾਰ

http://kitabgah.blogspot.in/2016/08/blog-post.html
VPP ਰਾਹੀਂ ਪੁਸਤਕ ਮੰਗਵਾਉਣ ਲਈ ਲਈ ਆਪਣਾ ਪੂਰਾ ਡਾਕ ਪਤਾ ਭੇਜੋ; ਪੁਸਤਕ ਦੀ ਕੀਮਤ ਡਾਕ ਖਰਚ ਸਮੇਤ 150/-

ਪੰਜਾਬੀ ਟ੍ਰਿਬਿਊਨ/20-08-2016


2016-08-11

ਜੜੀਕਰਣ ਰਾਹੀਂ ਮਾਣੋ ਵਾਧੂ ਸਹੂਲਤਾਂ/RootingbyDrCPKamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  05-08-2016




ਜੜੀਕਰਣ (Rooting) ਇੱਕ ਅਜਿਹੀ ਪ੍ਰਕਿਰਿਆ ਹੈ ਜਿਸ ਰਾਹੀਂ ਆਧੁਨਿਕ ਮੋਬਾਈਲ ਦੇ ਵਰਤੋਂਕਾਰ ਨੂੰ ਵੱਖ ਵੱਖ ਵਿਸ਼ੇਸ਼ਤਾਵਾਂ ਵਰਤਣ ਦੇ ਵੱਧ ਅਧਿਕਾਰ ਮਿਲ ਜਾਂਦੇ ਹਨ। ਜੜੀਕਰਣ ਰਾਹੀਂ ਫੋਨ ਦੀ ਸੰਚਾਲਨ ਪ੍ਰਣਾਲੀ (ਐਂਡਰਾਇਡ) ਨੂੰ ਸੰਨ੍ਹ ਲਾ ਕੇ ਸੂਪਰ ਯੂਜ਼ਰ ਅਰਥਾਤ ਖ਼ਾਸ ਵਰਤੋਂਕਾਰ ਬਣਿਆ ਜਾ ਸਕਦਾ ਹੈ। ਇਸ ਨਾਲ ਫੋਨ ਦੀਆਂ ਉਨ੍ਹਾਂ ਸਹੂਲਤਾਂ ਨੂੰ ਵਰਤਿਆ ਜਾ ਸਕਦਾ ਹੈ ਜਿਹੜੀਆਂ ਆਮ ਫੋਨ ਵਿੱਚ ਬੰਦ ਜਾਂ ਛੁਪਾਈਆਂ ਹੁੰਦੀਆਂ ਹਨ।
ਐਂਡਰਾਇਡ ਦੀ ਜੜੀਕਰਣ ਨੂੰ ਆਈ ਫੋਨ ਦੀ ਦੁਨੀਆਂ ਵਿੱਚ ‘ਬੰਧਨ ਤੋੜੂ’ (Jailbreaking) ਕਿਹਾ ਜਾਂਦਾ ਹੈ। ਜੜੀਕਰਣ ਇੱਕ ਔਖਾ ਕੰਮ ਹੈ। ਇਸ ਨਾਲ ਸਾਡਾ ਫੋਨ ਕਬਾੜ ਬਣ ਸਕਦਾ ਹੈ। ਜੇ ਜੜੀਕਰਣ ਸਫਲਤਾਪੂਰਵਕ ਨੇਪਰੇ ਨਾ ਚੜ੍ਹੇ ਤਾਂ ਫੋਨ ਨਕਾਰਾ ਹੋ ਸਕਦਾ ਹੈ। ਅਜਿਹੀ ਸਥਿਤੀ ਵਿੱਚ ਫੋਨ ਨੂੰ ਅਣ-ਜੜ (Unroot) ਕਰਨਾ ਲਗਪਗ ਅਸੰਭਵ ਹੁੰਦਾ ਹੈ।

ਜੜੀਕਰਣ ਦੇ ਲਾਭ:
* ਇਸ ਨਾਲ ਪ੍ਰਕਿਰਿਆ-ਜੰਤਰ (ਪ੍ਰੋਸੈਸਰ) ਦੀ ਚਾਲ ਵਧਾਈ ਜਾ ਸਕਦੀ ਹੈ।
* ਜੜੀਕਰਣ ਰਾਹੀਂ ਫੋਨ ’ਚ ਪੰਜਾਬੀ ਫੌਂਟ ਪਾਏ ਜਾ ਸਕਦੇ ਹਨ।
* ਕਸਟਮ ਰੋਮ (ਰੀਡ ਓਨਲੀ ਮੈਮਰੀ) ਰਾਹੀਂ ਐਂਡਰਾਇਡ ਦਾ ਸਭ ਤੋਂ ਨਵਾਂ ਸੰਸਕਰਣ ਲਾਗੂ ਕੀਤਾ ਜਾ ਸਕਦਾ ਹੈ।
* ਐਂਡਰਾਇਡ ਨਾਲ ਪਹਿਲਾਂ ਤੋਂ ਆਪਣੇ-ਆਪ ਲਾਗੂ ਹੋਈਆਂ ਫ਼ਾਲਤੂ ਆਦੇਸ਼ਕਾਰੀਆਂ ਨੂੰ ਹਟਾਇਆ ਜਾ ਸਕਦਾ ਹੈ।
* ਯਾਦ-ਪ੍ਰਬੰਧਕ (Memory Manager) ਅਤੇ ਘੰਟੀ ਰੋਕੂ ਦਾ ਜੜੀਕਰਣ ਕਰਕੇ   ਉਸ ਨੂੰ ਆਪਣੀ ਮਰਜ਼ੀ ਅਨੁਸਾਰ ਵਰਤਿਆ ਜਾ ਸਕਦਾ ਹੈ।
* ਵਾਧੂ ਆਦੇਸ਼ਕਾਰੀਆਂ ਨੂੰ ਬੰਦ ਕਰਕੇ ਊਰਜਾ ਜੰਤਰ ਦੀ ਉਮਰ ਵਧਾਈ ਜਾ ਸਕਦੀ ਹੈ।
* ਐਂਡਰਾਇਡ ਦੇ ਮੂਲ ਸੰਸਕਰਣ ਨੂੰ ਉੱਨਤ ਕੀਤਾ ਜਾ ਸਕਦਾ ਹੈ।
ਜੜੀਕਰਨ ਦੀਆਂ ਹਾਨੀਆਂ:
* ਜੜੀਕਰਣ ਦੇ ਬੁਰੇ ਪ੍ਰਭਾਵ ਕਾਰਨ ਤੁਹਾਡਾ ਫੋਨ ਨਕਾਰਾ ਹੋ ਸਕਦਾ ਹੈ।
* ਇਸ ਨਾਲ ਫੋਨ ਦੀ ਵਾਰੰਟੀ ਖ਼ਤਮ ਹੋ ਜਾਂਦੀ ਹੈ।
* ਜੜੀਕਰਣ ਰਾਹੀਂ ਪ੍ਰਕਿਰਿਆ-ਜੰਤਰ ਨੂੰ ਤੇਜ਼ ਕਰਨ ਨਾਲ ਊਰਜਾ-ਜੰਤਰ ਦੀ ਕਾਰਗੁਜ਼ਾਰੀ ਮਾੜੀ ਹੋ ਸਕਦੀ ਹੈ।
* ਜੜੀਕਰਣ ਦੇ ਸਿੱਟੇ ਵਜੋਂ ਫੋਨ ਦੀ ਅੰਦਰੂਨੀ ਭਾਸ਼ਾ-ਸੰਕੇਤਾਵਲੀ ਗੜਬੜਾ ਸਕਦੀ ਹੈ।
* ਜੜੀਕਰਣ ਦੇ ਹਾਨੀਕਾਰਕ ਪ੍ਰਭਾਵ ਤੋਂ ਛੁਟਕਾਰਾ ਪਾਉਣ ਲਈ ਫੋਨ ਨੂੰ ਅਣ-ਜੜ ਕੀਤਾ ਜਾ ਸਕਦਾ ਹੈ ਪਰ ਇਹ ਪ੍ਰਕਿਰਿਆ ਬਹੁਤ ਹੀ ਘੱਟ ਹਾਲਤਾਂ ’ਚ ਸਫਲ ਹੁੰਦੀ ਹੈ।

ਸਾਵਧਾਨੀਆਂ:
* ਆਪਣੇ ਫੋਨ ਨੂੰ ਜੜੀਕਰਣ ਕਰਨ ਤੋਂ ਪਹਿਲਾਂ ਇਸ ਦੇ ਸਮੁੱਚੇ ਅੰਕੜਿਆਂ ਦਾ ਆਪਣੇ ਯਾਦ-ਪੱਤੇ ਅਤੇ ਪੀਸੀ ਵਿੱਚ ਉਤਾਰਾ-ਸੰਭਾਲ ਕਰ ਲਓ।
* ਟਾਈਟੇਨੀਅਮ ਬੈਕ-ਅਪ ਜਾਂ ਕਿਸੇ ਹੋਰ ਉਤਾਰਾ-ਸੰਭਾਂਲ ਆਦੇਸ਼ਕਾਰੀ ਰਾਹੀਂ ਮੋਬਾਈਲ ਦੇ ਅੰਕੜੇ ਅਤੇ ਆਦੇਸ਼ਕਾਰੀਆਂ ਦਾ ਉਤਾਰਾ-ਸੰਭਾਲ ਕੀਤਾ ਜਾ ਸਕਦਾ ਹੈ।
* ਜੜੀਕਰਣ ਸਮੇਂ ਆਪਣਾ (ਬਾਹਰੀ) ਯਾਦ-ਪੱਤਾ ਫੋਨ ਤੋਂ ਬਾਹਰ ਕੱਢ ਲਓ।
ਜੜੀਕਰਣ ਦਾ ਕੰਮ ਸ਼ੁਰੂ ਕਰਨ ਤੋਂ ਪਹਿਲਾਂ ਸਿਰਫ਼ ਭਰੋਸੇਯੋਗ ਜੜੀਕਰਨ ਆਦੇਸ਼ਕਾਰੀ ਦੀ ਹੀ ਵਰਤੋਂ ਕਰੋ।
* ਜੜੀਕਰਣ ਦੇ ਕਦਮ ਚੰਗੀ ਤਰ੍ਹਾਂ ਸਮਝ ਲਓ। ਜੜੀਕਰਣ ਸਮੇਂ ਪ੍ਰਣਾਲੀ ਆਦੇਸ਼ਕਾਰੀਆਂ (System 1pps) ਜਿਵੇਂ ਕਿ ਲਾਂਚਰ, ਸਟੇਟਸ ਪੱਟੀ ਆਦਿ ਨੂੰ ਹਟਾਉਣ ਜਾਂ ਛੇੜਨ ਦੀ ਗ਼ਲਤੀ ਨਾ ਕਰੋ।
* ਜੜੀਕਰਣ ਤੋਂ ਪਹਿਲਾਂ ਆਪਣੇ ਫੋਨ ਨੂੰ ਚੰਗੀ ਤਰ੍ਹਾਂ ਊਰਜਾਅ ਲਓ।



ਫੋਨ ਰੂਟ ਕਰਨ ਦੇ ਕਦਮ:
* ਜੜੀਕਰਣ ਲਈ ਕਈ ਆਦੇਸ਼ਕਾਰੀਆਂ ਉਪਲਭਧ ਹਨ ਜਿਵੇਂ ਕਿ- ਕਿੰਗੋ ਰੂਟ, ਸੁਪਰ ਸਿੰਗਲ-ਟੱਚ, ਅਨਮੋਲ ਰੂਟ ਪਰੋ ਆਦਿ।
ਕਿੰਗੋ ਰੂਟ ਰਾਹੀਂ ਰੂਟ ਕਰਨ ਦੇ ਕਦਮ ਹਨ:
* ਆਪਣੇ ਕੰਪਿਊਟਰ ਵਿੱਚ ਕਿੰਗੋ ਐਂਡਰਾਇਡ ਰੂਟ (Kingo 1ndroid Root) ਨਾਂ ਦੀ ਆਦੇਸ਼ਕਾਰੀ ਨੂੰ ਲਾਗੂ ਕਰ ਲਓ।
* ਆਪਣੇ ਮੋਬਾਈਲ ਨੂੰ ਸਰਬ-ਕ੍ਰਮ-ਚਾਲਕ (USB) ਤਾਰ ਰਾਹੀਂ ਕੰਪਿਊਟਰ ਨਾਲ ਜੋੜੋ।
* ‘ਸੈਟਿੰਗ’ ਉੱਤੇ ਛੂਹ ਕੇ ‘ਡਿਵੈਲਪਰ ਆਪਸ਼ਨਜ਼’ ਨੂੰ ਖੋਲ੍ਹੋ। ਸਿਖਰ ਤੋਂ ਡਿਵੈਲਪਰ ਵਿਕਲਪ ‘ਚਾਲੂ’ ਕਰ ਲਓ।
* ਸਰਬ-ਕ੍ਰਮ-ਚਾਲਕ ਡੀਬੱਗਿੰਗ ਨੂੰ ਸਾਹਮਣੇ ਬਣੇ ਬਕਸੇ ਵਿੱਚ ਛੂਹ ਕੇ ‘ਚਾਲੂ’ ਕਰੋ।
* ਹੁਣ ਆਪਣੇ ਕੰਪਿਊਟਰ ’ਤੇ ਜੜੀਕਰਣ ਵਾਲੀ ਆਦੇਸ਼ਕਾਰੀ (ਕਿੰਗੋ ਰੂਟ) ਚਲਾਓ।
* ‘ਕਿੰਗੋ ਰੂਟ’ ਦੀ ਪਹਿਲੀ ਸਤਹਿ ਖੁੱਲ੍ਹੇਗੀ। ਇੱਥੋਂ ‘ਰੂਟ’ ਬਟਣ ’ਤੇ ਦਾਬ ਕਰੋ। ਹੁਣ ਤੁਹਾਨੂੰ ਅਗਲੇ ਪੜਾਅ ’ਤੇ ਜਾਣ ਲਈ 1-2 ਮਿੰਟ ਉਡੀਕ ਕਰਨੀ ਪਵੇਗੀ।
* ਪ੍ਰਕਿਰਿਆ ਪੂਰੀ ਹੋਣ ਉਪਰੰਤ ਕੰਪਿਊਟਰ ਆਪਣੇ-ਆਪ ਬੰਦ ਹੋ ਕੇ ਮੁੜ ਚਾਲੂ ਹੋਵੇਗਾ।
* ਹੁਣ ਜੜੀਕਰਣ ਪ੍ਰਕਿਰਿਆ ਪੂਰੀ ਹੋ ਜਾਵੇਗੀ। ਇਸ ਵਿੱਚ ਤੁਸੀਂ ਆਪਣੀ ਮਰਜ਼ੀ ਦੀਆਂ ਤਬਦੀਲੀਆਂ ਕਰ ਸਕਦੇ ਹੋ। ਕਸਟਮ ਰੋਮ ਅਤੇ ਅਣ-ਜੜ ਕਰਨ ਲਈ ਐੱਕਸਡੀਏ ਡਿਵੈਲਪਰ ਫੌਰਮ (XDA Developer Form)) ਦੀ ਸਹਾਇਤਾ ਲਈ ਜਾ ਸਕਦੀ ਹੈ।

ਤਕਨੀਕੀ ਸ਼ਬਦਾਵਲੀ:

ਮਿਸਲ-ਪਟਾਰਾ: Folder (ਫੋਲਡਰ); ਮਿਸਲ-ਭੰਡਾਰ: File Storage (ਫਾਈਲ ਸਟੋਰੇਜ); ਮਿਸਲ-ਰੂਪ: File Format (ਫਾਈਲ ਫਾਰਮੈਟ); ਮੁੱਖ-ਸਤਹਿ: Home Screen (ਹੋਮ ਸਕਰੀਨ); ਮੁੱਖ-ਪੰਨਾ: Home Page (ਹੋਮ ਪੇਜ); ਮੁੱਢ: Source (ਸੋਰਸ); ਮੂਲਕਰਣ: Rooting (ਰੂਟਿੰਗ); ਮੇਲ, ਜੋੜ:  Konnection (ਕਨੈਕਸ਼ਨ); ਮੇਲ-ਜੰਤਰ: Modem (ਮੌਡਮ); ਮੋਟਾ: bold (ਬੋਲਡ); ਮੋੜਵਾਂ-ਸੁਨੇਹਾ: Feedback Message (ਫੀਡਬੈਕ ਮੈਸੇਜ); ਮੌਜੂਦ (-ਕਰਨਾ): install (ਇੰਸਟਾਲ).

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  05-08-2016

ਐਂਡਰਾਇਡ ਆਦੇਸ਼ਕਾਰੀ ਨਾਮ-ਸੂਚੀ/androidDiryDrCPKamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  12-08-2016
ਸਚਿੱਤਰ ਚਾਲਕ (Video Player):
ਐੱਮਐੱਕਸ ਪਲੇਅਰ, ਬੀਐੱਸ ਪਲੇਅਰ, ਵੀ ਪਲੇਅਰ, ਮੋਬੋ ਪਲੇਅਰ, ਵੀਐੱਲਸੀ ਬੀਟਾ, ਰੌਕ ਪਲੇਅਰ, ਜੀ ਪਲੇਅਰ, ਡਾਇਸ ਪਲੇਅਰ, ਐੱਮ ਵੀਡੀਓ ਪਲੇਅਰ ਅਤੇ ਆਰਕੋਜ਼ ਵੀਡੀਓ ਪਲੇਅਰ।
 ਚਿੱਤਰਕਸ਼ੀ ਅਤੇ ਚਿੱਤਰ ਸੰਪਾਦਨ (Photography and Photo 5diting):
ਵੀਐੱਸਸੀਓ ਕੈਮਰਾ, ਅਡੋਬ ਫੋਟੋਸ਼ਾਪ ਐਕਸਪ੍ਰੈੱਸ, ਅਡੋਬ ਫੋਟੋਸ਼ਾਪ ਟੱਚ, ਸਨੈਪ ਸੀਡ ਮੋਬਾਈਲ, ਆਫਟਰ ਲਾਈਟ, ਫਿਲਟਰ ਸਟੌਰਮ, ਫ਼ੇਸ ਟਿਊਨ, ਫੋਟੋ ਐਡੀਟਰ ਬਾਈ ਆਵੇਰੀ, ਪਿਕ ਲੈਬ ਅਤੇ ਪਿਕਸ ਆਰਟ।
 ਸਰੀਰਕ ਤੰਦਰੁਸਤੀ:
ਵਰਕਆਊਟ ਟਰੇਨਰ, ਜੇਈਐੱਫਆਈਟੀ ਐਪ, ਜੌਨ੍ਹਸਨ ਐਂਡ ਜੌਨ੍ਹਸਨ ਐਪ, ਸਵੌਰਕਿਟ, ਰਨਟੈਸਟਿਕ, ਫਿਟ ਸਟਾਰ ਤੇ ਰੀਅਲ ਬਲੱਡ ਪ੍ਰੈਸ਼ਰ ਕੈਲਕੂਲੇਟਰ।
 ਸਫ਼ਰ/ਯਾਤਰਾ ਅਤੇ ਭੂਗੋਲਿਕ ਸਥਿਤੀ:
ਰਨ ਕੀਪਰ, ਰਨ ਟੇਸਟਿਕ, ਏਂਡਓਮੌਂਡੋ, ਨਾਈਕ+ਰਨਿੰਗ, ਸਟਰਾਵਾ ਰਨਿੰਗ, ਆਈ ਸਮੂਥ ਰਨ, ਇੰਡੀਅਨ ਰੇਲ ਟਰੇਨ, ਜੀਪੀਐੱਸ ਨੈਵੀਗੇਟਰ, ਮੇਕ ਮਾਈ ਟਰਿਪ, ਆਸਕ-ਮੀ, ਯਾਤਰਾ ਡੌਟ ਕੌਮ, ਇੰਡੀਅਨ ਟਰੇਨ ਸਟੇਟਸ, ਰੇਲ ਕਾਲ, ਇੰਡੀਆ ਰੇਲ ਇਨਕੁਆਰੀ, ਲਾਈਵ ਟਰੇਨ ਸਟੇਟਸ, ਜੀਪੀਐੱਸ ਡਰਾਈਵਿੰਗ, ਜੈੱਟ ਏਅਰਵੇਜ਼ ਤੇ ਟਿਕਟ ਬੁਕਿੰਗ ਐਂਡ ਰੀਚਾਰਜ।
 ਦਿਮਾਗੀ ਕਸਰਤ:
ਦਿਮਾਗੀ ਕਸਰਤ ਲਈ ਅੱਗੇ ਦਿੱਤੀਆਂ ਖੇਡਾਂ/ ਆਦੇਸ਼ਕਾਰੀਆਂ ਵਰਤੀਆਂ ਜਾ ਸਕਦੀਆਂ ਹਨ: ਲੂਮੋਸਿਟੀ, ਫਿਟ ਬ੍ਰੇਨਜ਼ ਟਰੇਨਰ, ਈਆਈ-ਡੇਟਿਕ, ਕੌਗਨੀ ਫਿਟ, ਹੈਪੀਫਾਈ, ਪਰਸਨਲ ਜ਼ਿੱਨ, ਬਰੇਨ ਸਕੂਲ ਟਰੇਨਿੰਗ ਤੇ ਕਲਾਕ ਵਰਕ ਬਰੇਨ।
 ਪੁਸਤਕਾਂ ਅਤੇ ਹਵਾਲੇ:
ਆਕਸਫੋਰਡ ਡਿਕਸ਼ਨਰੀ ਆਫ ਇੰਗਲਿਸ਼, ਹਿਨ-ਖੋਜ: ਅੰਗਰੇਜ਼ੀ ਹਿੰਦੀ ਸ਼ਬਦ-ਕੋਸ਼, ਇੰਗਲਿਸ਼ ਸ਼ਬਦ-ਕੋਸ਼, ਇੰਗਲਿਸ਼ ਟੂ ਹਿੰਦੀ ਕੋਸ਼, ਡਿਕਸ਼ਨਰੀ ਡਾਟ ਕੌਮ, ਹਿੰਦੀ ਇੰਗਲਿਸ਼ ਸ਼ਬਦ-ਕੋਸ਼ ਤੇ ਵਿਕੀਪੀਡੀਆ ਤੇ ਵਰਲਡ ਵੈੱਬ ਡਿਕਸ਼ਨਰੀ।
 ਵਪਾਰਕ:
ਸਾਫਟਵੇਅਰ ਡਾਟਾ, ਵਾਲਟ ਹਾਈਡ ਐੱਸਐੱਮਐੱਸ, ਫਾਈਲ ਮੈਨੇਜਰ, ਬਲਯੂਪੀਐੱਸ ਆਫਿਸ, ਨੌਕਰੀ ਡਾਟ ਕੌਮ ਜਾਬਸ, ਆਫਿਸ ਸੁਇਟ-7, ਜੌਬ ਸਰਚ ਤੇ ਆਟੋਮੈਟਿਕ ਕਾਲ।
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/ 12-08-2016

2016-08-02

ਗੁਰ-ਟਾਈਪ: ਪੰਜਾਬੀ ਮੋਬਾਈਲ ਟਾਈਪਿੰਗ ਪੈਡ/GurTypeDrCPKamboj

ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  28-07-2016

ਪੰਜਾਬੀ ਮੋਬਾਈਲ ਟਾਈਪਿੰਗ ਪੈਡ ਟਾਈਪ ਕੀਤੇ ਜਾਣ ਵਾਲੇ ਸ਼ਬਦ ਦੇ ਪਹਿਲੇ ਕੁਝ ਅੱਖਰ ਪਾਉਣ ਉਪਰੰਤ ਸੁਝਾਅ ਪੱਟੀ ’ਚ ਢੁਕਵਾਂ ਸ਼ਬਦ ਸੁਮੇਲ ਦਿੰਦੀ ਹੈ। ਇਸ ਸਹੂਲਤ ਲਈ ਆਦੇਸ਼ਕਾਰੀ ਨੂੰ ਪੰਜਾਬੀ ਦੇ ਵੱਧ ਵਰਤੋਂ ਵਾਲੇ ਲਗਪਗ 5000 ਸ਼ਬਦਾਂ ਦੇ ਅੰਕੜਾ ਆਧਾਰ ਨਾਲ ਜੋੜਿਆ ਗਿਆ ਹੈ। ਕੀ-ਬੋਰਡ ਖਾਕੇ ਲਈ ਵਿਸ਼ੇਸ਼ ਕਿਸਮ ਦੀ ਮਿਸ਼ਰਿਤ (ਫੋਨੈਟਿਕ+ਅੱਖਰ ਕ੍ਰਮ) ਰੂਪ-ਰੇਖਾ ਤਿਆਰ ਕੀਤੀ ਗਈ ਹੈ। ਪੈਡ ਵਿੱਚ ਐੱਸਐੱਮਐੱਸ ਅਤੇ ਬਿਜ-ਡਾਕ (5-Mail) ਕਰਨ ਦੀ ਸਹੂਲਤ ਹੈ। ਪੈਡ ’ਤੇ ਸਹੀ ਸ਼ਬਦ ਜੋੜ ਟਾਈਪ ਕਰਨ ਦੇ ਨਿਯਮ ਪਾਏ ਗਏ ਹਨ। ਟਾਈਪ ਕੀਤੇ ਅੱਖਰ/ਸ਼ਬਦ ਨੂੰ ਅੰਕੜਾ ਆਧਾਰ ’ਚ ਲੱਭਣ ਲਈ ਦੋ-ਅੰਕੀ-ਖੋਜ ਅਤੇ ਤੀਹਰਾ ਢਾਂਚਾ ਖੋਜ ਅਤੇ ਟਰਾਈ ਸਟਰਕਚਰ ਅਪਣਾਇਆ ਗਿਆ ਹੈ।
 ਕਾਰਜ-ਵਿਧੀ: ਪੰਜਾਬੀ ਮੋਬਾਈਲ ਟਾਈਪਿੰਗ ਪੈਡ (ਗੁਰ-ਟਾਈਪ) ਉੱਤੇ ਜਦੋਂ ਕੋਈ ਅੱਖਰ ਟਾਈਪ ਕੀਤਾ ਜਾਂਦਾ ਹੈ ਤਾਂ ਆਦੇਸ਼ਕਾਰੀ ਅੱਖਰਾਂ/ਸ਼ਬਦਾਂ ਦੇ ਆਗਤ ਕ੍ਰਮ ਦੀ ਜਾਂਚ ਕਰਦੀ ਹੈ। ਪੂਰਬ-ਲਿਖਤ (ਅਗੇਤਰ ਅੱਖਰਾਂ/ਸ਼ਬਦਾਂ ਅਤੇ ਵੱਧ ਵਰਤੋਂ ਦੇ ਆਧਾਰ ’ਤੇ ਸ਼ਬਦ ਸੂਚੀ ਜਾਰੀ ਕਰਨ ਵਾਲੀ) ਵਿਸ਼ੇਸ਼ਤਾ ਕਿਰਿਆਸ਼ੀਲ ਹੋ ਜਾਂਦੀ ਹੈ। ਇਹ ਕੀ-ਪੈਡ ਪੂਰੀ ਤਰ੍ਹਾਂ ਦੋ-ਬਟਣ ਪ੍ਰਣਾਲੀ ’ਤੇ ਕੰਮ ਕਰਦਾ ਹੈ। ਫੋਨ ਯਾਦਦਾਸ਼ਤ ’ਚ ਉਪਲਭਧ ਸ਼ਬਦ ਸੂਚੀ ਤੇ ਆਵ੍ਰਿਤੀ ਵਿੱਚੋਂ ਟਾਈਪ ਕੀਤੇ ਅੱਖਰ/ ਅੱਖਰਾਂ ਨੂੰ ਦੋ-ਅੰਕੀ ਖੋਜ ਰਾਹੀਂ ਲੱਭਿਆ ਜਾਂਦਾ ਹੈ। ਅਗੇਤਰ ਅੱਖਰ/ਅੱਖਰਾਂ ਦੇ ਆਧਾਰ ’ਤੇ ਚੁਣੇ ਸ਼ਬਦਾਂ ਨੂੰ ਇੱਕ ਵੱਖਰੀ ਸਾਰਣੀਸ਼ਾਲਾ (1rray) ਵਿੱਚ ਰੱਖ ਕੇ ਆਵ੍ਰਿਤੀ ਦੇ ਆਧਾਰ ’ਤੇ ਘਟਦੇ ਕ੍ਰਮ ’ਚ ਲਗਾਇਆ ਜਾਂਦਾ ਹੈ ਤੇ ਵੱਧ ਆਵ੍ਰਿਤੀ ਵਾਲੇ ਪਹਿਲੇ 5 ਸ਼ਬਦਾਂ ਨੂੰ ਸੁਝਾਅ ਸੂਚੀ ’ਚ ਦਿਖਾ ਦਿੱਤਾ ਜਾਂਦਾ ਹੈ। ਵਰਤੋਂਕਾਰ ਜਦੋਂ ਸ਼ਬਦ-ਸੂਚੀ ਤੋਂ ਬਾਹਰ ਕਿਸੇ ਨਵੇਂ ਸ਼ਬਦ ਨੂੰ 5 ਜਾਂ ਇਸ ਤੋਂ ਵੱਧ ਵਾਰ ਵਰਤ ਲੈਂਦਾ ਹੈ ਤਾਂ ਇਹ ਸ਼ਬਦ ਅਗਲੀ ਵਾਰ ਆਪਣੇ-ਆਪ ਫੋਨ ਯਾਦਦਾਸ਼ਤ (ਸ਼ਬਦ ਸੂਚੀ) ’ਚ ਸ਼ਾਮਿਲ ਹੋ ਜਾਂਦਾ ਹੈ। ਨਵੇਂ ਸ਼ਬਦ ਦੇ ਆਗਮਨ ਨਾਲ ਸੂਚੀ ਵਿੱਚੋਂ ਸਭ ਤੋਂ ਘੱਟ ਆਵ੍ਰਿਤੀ ਵਾਲਾ ਸ਼ਬਦ ਬਾਹਰ ਚਲਾ ਜਾਂਦਾ ਹੈ। ਇਸ ਤਰ੍ਹਾਂ ਸ਼ਬਦ-ਸੂਚੀ ਦਾ ਆਕਾਰ ਹਮੇਸ਼ਾ ਸਥਿਰ ਰਹਿੰਦਾ ਹੈ। ਕੁਝ ਦਿਨ ਇਸ ਟਾਈਪਿੰਗ ਪੈਡ ਦੀ ਵਰਤੋਂ ਕਰਨ ਨਾਲ ਵਰਤੋਂਕਾਰ ਆਪਣੇ ਵਿਲੱਖਣ (ਨਿੱਜੀ) ਸੰਗ੍ਰਹਿਣ ਦੀ ਸਿਰਜਨਾ ਕਰ ਸਕਦਾ ਹੈ। ਟਾਈਪਿੰਗ ਪੈਡ ਵਿੱਚ ਟਾਈਪ ਕੀਤੇ ਸਨੇਹੇ ਨੂੰ ਬਿਜ-ਡਾਕ ਅਤੇ ਐੱਸਐੱਮਐੱਸ ਵਜੋਂ ਭੇਜਣ ਦੀ ਸ਼ਕਤੀਸ਼ਾਲੀ ਸਹੂਲਤ ਹੈ।

 ਪ੍ਰਮਾਣਿਕ ਸ਼ਬਦ-ਜੋੜ ਨਿਯਮ

ਪੰਜਾਬੀ ਟਾਈਪ ਕਰਦੇ ਸਮੇਂ ਵਰਤੋਂਕਾਰ ਤੋਂ ਕਈ ਵਾਰ ਸ਼ਬਦ ਜੋੜਾਂ ਦੀਆਂ ਗ਼ਲਤੀਆਂ ਹੋ ਜਾਂਦੀਆਂ ਹਨ। ਇਨ੍ਹਾਂ ਗ਼ਲਤੀਆਂ ਤੋਂ ਛੁਟਕਾਰਾ ਪਾਉਣ ਲਈ ਟਾਈਪਿੰਗ ਪੈਡ ਵਿੱਚ 275 ਨਿਯਮ ਪਾਏ ਗਏ ਹਨ। ਇਹ ਨਿਯਮ ਵਰਤੋਂਕਾਰ ਨੂੰ ਗ਼ਲਤ ਸ਼ਬਦ-ਜੋੜ ਪਾਉਣ ਤੋਂ ਰੋਕਦੇ ਹਨ। ਇਨ੍ਹਾਂ ਨਿਯਮਾਂ ਨੂੰ ਹੇਠਾਂ ਲਿਖੇ ਅਨੁਸਾਰ ਕੁੱਲ 16 ਸ਼੍ਰੇਣੀਆਂ ਵਿੱਚ ਵੰਡਿਆ ਗਿਆ ਹੈ: ਪੈਰੀਂ ਰਾਰਾ ਨਿਯਮ; ਪੈਰੀਂ ਰਾਰਾ ਤੋਂ ਬਾਅਦ ਪੈਣ ਵਾਲੀਆਂ ਲਗਾਂ-ਮਾਤਰਾਵਾਂ ਨਿਯਮ; ਪੈਰੀਂ ਹਾਹਾ ਨਿਯਮ; ਪੈਰੀਂ ਹਾਹਾ ਤੋਂ ਬਾਅਦ ਪੈਣ ਵਾਲੀਆਂ ਲਗਾਂ-ਮਾਤਰਾਵਾਂ ਨਿਯਮ; ਪੈਰੀਂ ਵਾਵਾ ਨਿਯਮ; ਪੈਰੀਂ ਵਾਵਾ ਤੋਂ ਬਾਅਦ ਪੈਣ ਵਾਲੀਆਂ ਲਗਾਂ-ਮਾਤਰਾਵਾਂ ਨਿਯਮ; ਬਿੰਦੀ ਨਿਯਮ; ਟਿੱਪੀ ਨਿਯਮ; ਅੱਧਕ ਨਿਯਮ; ਪੈਰ ਬਿੰਦੀ ਨਿਯਮ; ਸਵੈ-ਸੋਧ ਨਿਯਮ; ਦੂਹਰੀ ਮਾਤਰਾ ਨਿਯਮ; ਵਿਸ਼ੇਸ਼ ਸਿਹਾਰੀ ਨਿਯਮ; ੳ ਨਿਯਮ; ਅ ਨਿਯਮ; ੲ ਨਿਯਮ।
 ਪੰਜਾਬੀ ਟਾਈਪਿੰਗ ਪੈਡ ਦੀਆਂ ਪ੍ਰਮੁੱਖ ਵਿਸ਼ੇਸ਼ਤਾਵਾਂ ਹੇਠਾਂ ਲਿਖੇ ਅਨੁਸਾਰ ਹਨ:
  •  * ਹੋਰਨਾਂ ਕੀ-ਬੋਰਡਾਂ ਨਾਲੋਂ ਸਭ ਤੋਂ ਘੱਟ ਬਟਣ-ਛੂਹ ਪ੍ਰਤੀ ਸ਼ਬਦ
  •  * ਆਧੁਨਿਕ (ਬਾਇਨਰੀ) ਖੋਜ ਵਿਧੀ ਰਾਹੀਂ ਉੱਚ ਚਾਲ ਸ਼ਬਦ ਖੋਜ ਸਹੂਲਤ
  •  * ਕਸਟਮ ਖਾਕਾ (ਫੋਨੈਟਿਕ+ਗੁਰਮੁਖੀ ਕ੍ਰਮਾਂਕ)
  •  * ਪੂਰਬ-ਲਿਖਤ ਸਹੂਲਤ: ਵੱਧ ਪ੍ਰਚਲਿਤ ਪਹਿਲੇ 5 ਸ਼ਬਦਾਂ ਨੂੰ ਸੁਝਾਅ ਪੈਨਲ ’ਚ ਦਿਖਾਉਣ ਦੀ ਯੋਗਤਾ
  •  * ਸੁਝਾਅ ਪੈਨਲ ਵਿੱਚੋਂ ਇਕਹਿਰੀ ਦਾਬ ਰਾਹੀਂ ਸ਼ਬਦ ਚੋਣ
  •  * ਇੱਕ ਕਰੋੜ ਸ਼ਬਦਾਂ ਦੇ ਸੰਗ੍ਰਹਿਣ ਵਿੱਚੋਂ ਵੱਧ ਵਰਤੋਂ ਵਾਲੇ ਲਗਪਗ 5000 ਸ਼ਬਦਾਂ ਦਾ ਅੰਕੜਾ-ਆਧਾਰ (Data Base)
  •  * ਵਰਤੋਂਕਾਰ ਵੱਲੋਂ ਵੱਧ ਵਰਤੋਂ ਵਾਲੇ ਨਵੇਂ ਸ਼ਬਦਾਂ ਨੂੰ ਅੰਕੜਾ ਆਧਾਰ ਵਿੱਚ ਸ਼ਾਮਿਲ ਕਰਨ ਅਤੇ ਘੱਟ ਜਾਂ ਨਾ-ਵਰਤੋਂ ਵਾਲੇ ਸ਼ਬਦਾਂ ਨੂੰ ਬਾਹਰ ਕੱਢਣ ਦੀ ਸ਼ਕਤੀਸ਼ਾਲੀ ਵਿਸ਼ੇਸ਼ਤਾ।
  •  * ਯੂਨੀਕੋਡ ਨਤੀਜਾ, ਐਂਡਰਾਇਡ ਆਧਾਰਿਤ ਕਿਸੇ ਵੀ ਫੋਨ ਜਾਂ ਵੈੱਬ ਜਾਲ-ਖੋਜਕ (Web Browser) ’ਤੇ ਪੜ੍ਹਨੀ ਸੌਖੀ।
  •  * ਟਾਈਪ ਕੀਤੇ ਸਨੇਹੇ ਨੂੰ ਐੱਸਐੱਮਐੱਸ ਜਾਂ ਬਿਜ-ਡਾਕ ਵਜੋਂ ਭੇਜਣ ਦੀ ਸਹੂਲਤ।
  •  * ਆਦੇਸ਼ਕਾਰੀ ਵਿੱਚ ਮੋਬਾਈਲ ਫੋਨ ਜਾਂ ਟੈਬਲਟ ਪੀਸੀ ਦੀ ਸਤਹਿ ਦੇ (ਆਕਾਰ ਦੇ) ਆਧਾਰ ’ਤੇ ਆਪਣੇ-ਆਪ ਛੋਟਾ ਜਾਂ ਵੱਡਾ ਕਰਕੇ ਦਿਖਾਉਣ ਦੀ ਯੋਗਤਾ।
  •  * ਐੱਸਐੱਮਐੱਸ ਭੇਜਣ ਲਈ ਫੋਨ ਦੀ ਸਿਰਨਾਵਾਂ ਸੂਚੀ ਵਿੱਚੋਂ ਅੰਕ ਚੁਣਨ ਦੀ ਸਹੂਲਤ।
  •  * ਟਾਈਪ ਕਰਨ ਸਮੇਂ ਪੰਜਾਬੀ ਦੀਆਂ ਵਿਭਿੰਨ 16 ਸ਼੍ਰੇਣੀਆਂ ਦੇ ਕੁੱਲ 275 ਸ਼ਬਦ ਜੋੜ ਨਿਯਮਾਂ ਨੂੰ ਲਾਗੂ ਕਰਵਾਉਣ ਦੀ ਵਿਵਸਥਾ।
  •  * ਗ਼ਲਤ ਲਗਾਂ-ਮਾਤਰਾਵਾਂ ਨੂੰ ਸਵੈ-ਸੋਧ ਰਾਹੀਂ ਠੀਕ ਕਰਨ ਦੀ ਵਿਸ਼ੇਸ਼ਤਾ।

 ਤਕਨੀਕੀ ਸ਼ਬਦਾਵਲੀ

  • ਯਾਦ: Memory (ਮੈਮਰੀ)
  • ਯਾਦ-ਸਮਰੱਥਾ: Memory Space (ਮੈਮਰੀ ਸਪੇਸ)
  • ਯਾਦਦਾਸ਼ਤ: Memory (ਮੈਮਰੀ)
  • ਯਾਦਦਾਸ਼ਤ (ਯਾਦ-) -ਪੱਤਾ: Memory card (ਮੈਮਰੀ ਕਾਰਡ)
  • ਯਾਦ-ਪ੍ਰਬੰਧਕ: Memory Manager (ਮੈਮਰੀ ਮੈਨੇਜਰ)
  • ਯੋਜਨਾ: Project (ਪ੍ਰੋਜੈਕਟ)
  • ਰੱਖਣਾ: Paste (ਪੇਸਟ)
ਡਾ. ਸੀ ਪੀ ਕੰਬੋਜ/ਮੋਬਾਈਲ ਤਕਨਾਲੋਜੀ/Dr. C P Kamboj/Mobile Technology/  28-07-2016

2016-07-22

ਸਮਾਰਟ ਫੋਨਾਂ ਵਿਚ ਰੋਮਨ ਵਿਧੀ ਰਾਹੀਂ ਟਾਈਪ ਕਰਨ ਲਈ ਅਪਣਾਓ ਗੂਗਲ ਇੰਡੀਕ ਕੀ-ਬੋਰਡ-2/GoogleIndicKeyboard-Dr-CP-Kamboj

ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 21-07-2016
ਵਰਤੋਂ
ਗੂਗਲ ਇੰਡੀਕ ਕੀ-ਬੋਰਡ ਰਾਹੀਂ ਐੱਸਐੱਮਐੱਸ, ਵਟਸ ਐਪ ਸੰਦੇਸ਼, ਫੇਸਬੁਕ ਸਟੇਟਸ ਆਦਿ ਪੰਜਾਬੀ ਵਿਚ ਟਾਈਪ ਕੀਤਾ ਜਾ ਸਕਦਾ ਹੈ | ਪੰਜਾਬੀ ਵਿਚ ਗੂਗਲ ਸਰਚ ਕੀਤੀ ਜਾ ਸਕਦੀ ਹੈ ਤੇ ਸੰਪਰਕ ਨੰਬਰ/ਨਾਂਅ ਆਦਿ ਪੰਜਾਬੀ ਵਿਚ ਟਾਈਪ ਕਰਕੇ ਸਾਂਭੇ ਜਾ ਸਕਦੇ ਹਨ | ਐੱਸਐੱਮਐੱਸ ਭੇਜਣ ਲਈ ਟੈਕਸਟ ਬਕਸੇ ਵਿਚ ਟੱਚ ਕਰਨ ਉਪਰੰਤ ਹੇਠਲੇ ਪਾਸੇ ਅੰਗਰੇਜ਼ੀ ਵਾਲਾ ਇੰਡੀਕ ਕੀ-ਬੋਰਡ ਖੁੱਲ੍ਹ ਜਾਂਦਾ ਹੈ | ਪੰਜਾਬੀ ਦਾ ਕੀ-ਬੋਰਡ ਖੋਲ੍ਹਣ ਲਈ 'abc' ਦੇ ਸੱਜੇ ਹੱਥ ਵਾਲੇ 'ਅ' ਬਟਨ ਉੱਤੇ ਦੋ ਵਾਰ ਟੱਚ ਕਰੋ | ਹੇਠਾਂ ਦੋ ਕੀ-ਬੋਰਡ ਖੁੱਲ੍ਹਣਗੇ | ਇਕ (ਹੇਠਾਂ ਖੱਬੇ) ਰੋਮਨ ਵਿਧੀ ਵਾਲਾ ਅਤੇ ਦੂਜਾ (ਹੇਠਾਂ ਸੱਜੇ) ਪੰਜਾਬੀ ਕੀ-ਬੋਰਡ ਵਾਲਾ, ਇੱਥੋਂ ਰੋਮਨ ਵਾਲੇ ਨੂੰ ਚੁਣੋ | ਸਕਰੀਨ 'ਤੇ ਅੰਗਰੇਜ਼ੀ (ਰੋਮਨ) ਵਾਲਾ ਕੀ-ਬੋਰਡ ਨਜ਼ਰ ਆਵੇਗਾ ਤੇ ਇੱਥੋਂ ਰੋਮਨ ਵਿਧੀ ਰਾਹੀਂ ਪੰਜਾਬੀ ਵਿਚ ਲਿਖਿਆ ਜਾ ਸਕਦਾ ਹੈ | ਮਿਸਾਲ ਵਜੋਂ 'ਕੀ ਹਾਲ ਹੈ' ਪਾਉਣ ਲਈ ਹੇਠਾਂ ਦਿੱਤੇ ਕ੍ਰਮ ਅਨੁਸਾਰ ਅੰਗਰੇਜ਼ੀ (ਰੋਮਨ) ਅੱਖਰ ਟਾਈਪ ਕਰੋ 'ki hall hai'. ਜੇਕਰ ਤੁਸੀਂ ਰੋਮਨ ਵਿਧੀ ਦੀ ਬਜਾਏ ਪੰਜਾਬੀ ਕੀ-ਬੋਰਡ ਵਿਧੀ ਰਾਹੀਂ ਟਾਈਪ ਕਰਨਾ ਚਾਹੁੰਦੇ ਹੋ ਤਾਂ ਦੁਬਾਰਾ ਫਿਰ 'ਅ' ਬਟਨ 'ਤੇ ਟੱਚ ਕਰੋ ਤੇ ਹੇਠਾਂ ਸੱਜੇ ਹੱਥ ਵਾਲੇ ਕੀ-ਬੋਰਡ ਨੂੰ ਚੁਣੋ | ਹੁਣ ਪੰਜਾਬੀ ਵਾਲਾ ਕੀ-ਬੋਰਡ ਨਜ਼ਰ ਆਵੇਗਾ | ਇੱਥੋਂ ਇਕ-ਇਕ ਅੱਖਰ ਨੂੰ ਲੱਭ ਕੇ ਸਿੱਧਾ ਹੀ ਟਾਈਪ ਕਰਦੇ ਜਾਓ | ਭਾਸ਼ਾ ਬਦਲਣ ਲਈ 'ਅ' ਬਟਨ ਉੱਤੇ ਕਲਿੱਕ ਕਰਨ ਤੋਂ ਬਾਅਦ ਉਸੇ 'ਅ' ਬਟਨ ਵਾਲੀ ਪੱਟੀ ਵਿਚ ਤੀਸਰੇ (ਸੱਜਿਓਾ ਦੂਜੇ) ਬਟਨ 'ਤੇ ਟੱਚ ਕਰ ਦਿਓ | ਭਾਸ਼ਾ ਸੂਚੀ ਵਿਚੋਂ ਹਿੰਦੀ ਦੀ ਚੋਣ ਕਰੋ | ਹੁਣ ਤੁਸੀਂ ਦੇਖੋਗੇ ਕਿ ਰੋਮਨ ਅਤੇ ਪੰਜਾਬੀ/ਹਿੰਦੀ ਕੀ-ਬੋਰਡ ਤੋਂ ਇਲਾਵਾ ਹੇਠਾਂ ਹੱਥ ਲਿਖਤ ਕੀ-ਬੋਰਡ ਵੀ ਜੁੜ ਜਾਵੇਗਾ | ਹੱਥ ਲਿਖਤ ਕੀ-ਬੋਰਡ ਦੀ ਚੋਣ ਕਰਨ ਉਪਰੰਤ ਉਂਗਲੀ ਦੀ ਛੋਹ ਰਾਹੀਂ ਲਿਖਣ ਲਈ ਖਾਲੀ ਥਾਂ ਨਜ਼ਰ ਆਵੇਗੀ | ਉਂਗਲੀ/ਅੰਗੂਠੇ ਦੇ ਛੋਹ ਜਾਂ ਤੀਲੀ (ਸਟਾਈਲਸ) ਦੀ ਛੋਹ ਰਾਹੀਂ ਲਿਖਦਿਆਂ ਤੁਹਾਨੂੰ ਪੈੱਨ ਨਾਲ ਲਿਖਣ ਦਾ ਅਹਿਸਾਸ ਹੋਵੇਗਾ | ਬੋਲ ਕੇ ਲਿਖਣ ਲਈ 'ਅ' ਬਟਨ ਪੱਟੀ ਦੇ ਐਨ ਸੱਜੇ ਹੱਥ ਮਾਈਕਰੋਫ਼ੋਨ ਵਾਲੇ ਬਟਨ ਨੂੰ ਦੱਬੋ | ਧਿਆਨ ਰਹੇ ਕਿ ਤੁਹਾਡੇ ਸਮਾਰਟ ਫੋਨ 'ਤੇ ਇੰਟਰਨੈੱਟ ਚੱਲਦਾ ਹੋਵੇ | Speak Now ਦਾ ਸੰਦੇਸ਼ ਆਉਣ ਉਪਰੰਤ ਫੋਨ ਦੇ ਮਾਈਕ ਵਿਚ ਬੋਲੋ | ਗੂਗਲ ਕੀ-ਬੋਰਡ ਬੋਲੇ ਹੋਏ ਨੂੰ ਲਿਖਣ ਦਾ ਯਤਨ ਕਰੇਗਾ | ਬੋਲ ਵਿਧੀ ਰਾਹੀਂ ਕਈ ਵਿਦੇਸ਼ੀ ਭਾਸ਼ਾਵਾਂ ਵਿਚ ਵੀ ਟਾਈਪ ਕੀਤਾ ਜਾ ਸਕਦਾ ਹੈ | ਬੋਲਣ ਦੀ ਭਾਸ਼ਾ ਚੁਣਨ ਲਈ ਮਾਈਕਰੋਫ਼ੋਨ 'ਤੇ ਟੱਚ ਕਰਨ ਉਪਰੰਤ ਜਿਹੜੀ ਨਵੀਂ ਸਕਰੀਨ ਖੁੱਲ੍ਹੇਗੀ, ਉੱਥੋਂ (ਸੈਟਿੰਗਜ਼) ਵਾਲੇ ਬਟਨ 'ਤੇ ਕਲਿੱਕ ਕਰੋ | ਉੱਪਰ ਪਹਿਲੇ ਨੰਬਰ ਤੇ Language 'ਤੇ ਟੱਚ ਕਰੋ | ਭਾਸ਼ਾਵਾਂ ਦੀ ਸੂਚੀ ਵਿਚੋਂ ਹਿੰਦੀ, ਅੰਗਰੇਜ਼ੀ, ਫਿਲਪੀਨ, ਪੁਰਤਗਾਲੀ, ਤੁਰਕੀ ਆਦਿ ਵਿਚੋਂ ਕਿਸੇ ਦੀ ਚੋਣ ਕਰਕੇ ਬੋਲਣਾ ਸ਼ੁਰੂ ਕਰ ਦਿਓ | ਗੂਗਲ ਇੰਡੀਕ ਕੀ-ਬੋਰਡ ਦੀ ਲੋਕਪਿ੍ਅਤਾ ਸ਼ਬਦ ਟਾਈਪ ਕਰਨ ਉਪਰੰਤ ਉਸ ਨਾਲ ਰਲਦੇ-ਮਿਲਦੇ ਸ਼ਬਦਾਂ ਨੂੰ ਸੁਝਾਅ ਸੂਚੀ ਵਿਚ ਪੇਸ਼ ਕਰਨ ਕਰਕੇ ਵੀ ਹੈ | ਆਓ! ਗੂਗਲ ਦੀ ਇਸ ਬੇਮਿਸਾਲ ਤਕਨੀਕ ਦਾ ਪੂਰਾ ਲਾਹਾ ਲਈਏ ਤੇ ਆਪਣੀ ਜ਼ਬਾਨ ਦੇ ਪ੍ਰਚਾਰ-ਪ੍ਰਸਾਰ ਲਈ ਆਪਣੀ ਹੀ ਲਿਪੀ ਵਿਚ ਸੰਦੇਸ਼ ਭੇਜੀਏ |
ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 21-07-2016

2016-07-18

ਸੋਸ਼ਲ ਮੀਡੀਆ ਅਤੇ ਨੌਜਵਾਨ ਪੀੜ੍ਹੀ/socialMediaAndYouth

*** ਟੀਵੀ ਪ੍ਰੋਗਰਾਮ "ਅੱਜ ਦਾ ਮਸਲਾ"/ਡੀਡੀ ਪੰਜਾਬੀ/ਲਾਈਵ ਪ੍ਰੋਗਰਾਮ ਸ਼ਾਮੀ 6.00-6.30/ਐਂਕਰ ਸ. ਹਰਭਜਨ ਸਿੰਘ

2016-07-10

ਸਮਾਰਟ ਫੋਨਾਂ ਵਿਚ ਰੋਮਨ ਵਿਧੀ ਰਾਹੀਂ ਟਾਈਪ ਕਰਨ ਲਈ ਅਪਣਾਓ ਗੂਗਲ ਇੰਡੀਕ ਕੀ-ਬੋਰਡ-1/GoogleIndicKeyboard-Dr-CP-Kamboj

ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 10-07-2016



        ਦੋਸਤੋ, ਕੰਪਿਊਟਰ, ਲੈਪਟਾਪ, ਟੇਬਲੇਟ ਜਾਂ ਸਮਾਰਟ ਫੋਨ ਉੱਤੇ ਟਾਈਪ ਕਰਨ ਲਈ ਵਰਤੋਂਕਾਰ ਨੂੰ ਸਭ ਤੋਂ ਪਹਿਲਾਂ ਕੀ-ਬੋਰਡ ਨਾਲ ਦੋ-ਚਾਰ ਹੋਣਾ ਪੈਂਦਾ ਹੈਅਜੋਕੇ ਸਮਾਰਟ ਫੋਨਾਂ ਉੱਤੇ ਭੌਤਿਕ ਬਟਣਾਂ ਵਾਲੇ ਕੀ-ਬੋਰਡ ਦੀ ਥਾਂ 'ਤੇ ਟੱਚ ਵਾਲਾ ਕੀ-ਬੋਰਡ ਹੁੰਦਾ ਹੈ ਪਰ ਪੰਜਾਬੀ ਵਰਨਮਾਲਾ ਵਿਚ ਅੰਗਰੇਜ਼ੀ ਦੇ ਮੁਕਾਬਲੇ ਵਧੇਰੇ ਅੱਖਰ ਹੋਣ ਕਾਰਨ ਪੰਜਾਬੀ ਅੱਖਰਾਂ ਦੇ ਬਟਣਾਂ ਦਾ ਅਕਾਰ ਕਾਫੀ ਛੋਟਾ ਰੱਖਣਾ ਪੈਂਦਾ ਹੈਛੋਟੀ ਸਕਰੀਨ ਵਾਲੇ ਸਮਾਰਟ ਫੋਨਾਂ ਵਿਚ ਉਂਗਲੀ ਦੇ ਛੋਹ ਰਾਹੀਂ ਅੱਖਰ ਪਾਉਣ ਵਿਚ ਕਾਫੀ ਦਿੱਕਤ ਆਉਂਦੀ ਹੈ


ਸਮਾਰਟ ਫੋਨ ਉੱਤੇ ਪੰਜਾਬੀ ਵਿਚ ਟਾਈਪ ਕਰਨ ਲਈ ਕਈ ਵਿਧੀਆਂ ਵਿਕਸਿਤ ਹੋ ਚੁੱਕੀਆਂ ਹਨ ਜਿਨ੍ਹਾਂ ਵਿਚੋਂ ਪ੍ਰਮੁੱਖ ਹਨ- ਰੋਮਨ ਅੱਖਰੀ ਵਿਧੀ, ਪੰਜਾਬੀ ਕੀ-ਬੋਰਡ ਵਿਧੀ, ਹੱਥ ਲਿਖਤ (Hand Written) ਵਿਧੀ ਅਤੇ ਬੋਲ (Spokwe) ਵਿਧੀ

ਰੋਮਨ ਅੱਖਰੀ ਵਿਧੀ ਵਿਚ ਟਾਈਪ ਤਾਂ ਅੰਗਰੇਜ਼ੀ (ਰੋਮਨ ਲਿਪੀ) ਵਿਚ ਕੀਤਾ ਜਾਂਦਾ ਹੈ ਪਰ ਅੱਖਰ ਪੰਜਾਬੀ (ਗੁਰਮੁਖੀ) ਦੇ ਪੈਂਦੇ ਹਨਦੂਜੀ, ਪੰਜਾਬੀ ਕੀ-ਬੋਰਡ ਵਿਧੀ ਵਿਚ ਪੰਜਾਬੀ ਦੇ ਅੱਖਰਾਂ ਵਾਲਾ ਕੀ-ਬੋਰਡ ਸਕਰੀਨ ਉੱਤੇ ਦਿਖਾਈ ਦਿੰਦਾ ਹੈਇਨ੍ਹਾਂ 'ਤੇ ਟੱਚ ਕਰਕੇ ਪੰਜਾਬੀ ਵਿਚ ਸਿੱਧਾ ਹੀ ਲਿਖਿਆ ਜਾ ਸਕਦਾ ਹੈਇਸ ਵਿਧੀ ਰਾਹੀਂ ਟਾਈਪ ਕਰਨ ਲਈ ਕਈ ਕੀ-ਬੋਰਡ ਵਿਕਸਿਤ ਹੋ ਚੁੱਕੇ ਹਨਤੀਜੀ, ਹੱਥ ਲਿਖਤ ਵਿਧੀ ਵਿਚ ਉਂਗਲੀ ਦੇ ਛੋਹ ਰਾਹੀਂ ਲਿਖ ਕੇ ਟਾਈਪ ਕੀਤਾ ਜਾਂਦਾ ਹੈਚੌਥੀ, ਬੋਲ ਵਿਧੀ ਇਕ ਆਧੁਨਿਕ ਵਿਧੀ ਹੈ ਤੇ ਇਸ ਰਾਹੀਂ ਬੋਲ ਕੇ ਟਾਈਪ ਕੀਤਾ ਜਾਂਦਾ ਹੈ ਕੰਪਿਊਟਰ ਦੀ ਦੁਨੀਆਂ ਦੀ ਨਾਮੀ ਕੰਪਣੀ 'ਗੂਗਲ' ਸਮਾਰਟ ਫੋਨ ਉੱਤੇ ਖੇਤਰੀ ਭਾਸ਼ਾਵਾਂ ਵਿਚ ਟਾਈਪ ਕਰਨ ਲਈ ਇਹਨਾਂ ਤਕਨੀਕਾਂ ਨੂੰ ਵਿਕਸਿਤ ਕਰ ਚੁੱਕੀ ਹੈ

          ਗੂਗਲ ਇੰਡੀਕ ਕੀ-ਬੋਰਡਭਾਰਤੀ ਜ਼ੁਬਾਨਾਂ ਵਿਚ ਟਾਈਪ ਕਰਨ ਦਾ ਇਕ ਕੀਮਤੀ ਤੋਹਫਾ ਹੈਇਹ ਕੀ-ਬੋਰਡ ਗੂਗਲ ਪਲੇਅ ਸਟੋਰ ਤੋਂ ਮੁਫ਼ਤ ਡਾਊਨਲੋਡ ਕੀਤਾ ਜਾ ਸਕਦਾ ਹੈਇਸ ਨੂੰ ਡਾਊਨਲੋਡ ਕਰਕੇ ਵਰਤਣ ਵਾਲਿਆਂ ਦੀ ਗਿਣਤੀ 1 ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਚੁੱਕੀ ਹੈਪੰਜਾਬੀ, ਹਿੰਦੀ, ਅਸਾਮੀ, ਬੰਗਾਲੀ, ਗੁਜਰਾਤੀ, ਕੰਨੜ, ਮਲਾਇਲਮ, ਮਰਾਠੀ, ਉੜੀਆ, ਤੇਲਗੂ ਅਤੇ ਤਾਮਿਲ ਭਾਸ਼ਾ ਵਿਚ ਟਾਈਪ ਕੀਤਾ ਜਾ ਸਕਦਾ ਹੈ

ਡਾਊਨਲੋਡ ਕਰਨਾ

ਗੂਗਲ ਇੰਡੀਕ ਕੀ-ਬੋਰਡ ਨੂੰ ਡਾਊਨਲੋਡ ਕਰਨ ਲਈ ਗੂਗਲ ਪਲੇਅ ਸਟੋਰ ਖੋਲ੍ਹੋ

ਪਲੇਅ ਸਟੋਰ ਦੇ ਸਰਚ ਬਕਸੇ ਵਿਚ Google Indic Keyboard ਟਾਈਪ ਕਰੋ

ਹੇਠਾਂ ਨੂੰ ਖੋਲ੍ਹਣ ਵਾਲੀ ਸੂਚੀ ਵਿਚੋਂ ਸਹੀ ਨਾਂ ਵਾਲੇ ਕੀ-ਬੋਰਡ ਦੀ ਚੋਣ ਕਰੋ

ਹੁਣ 17.11 ਮੈਗਾ ਬਾਈਟ (MB) ਵਾਲੀ ਏਪੀਕੇ (APK) ਫਾਈਲ ਡਾਊਨਲੋਡ ਹੋਣੀ ਸ਼ੁਰੂ ਹੋ ਜਾਵੇਗੀ

ਡਾਊਨਲੋਡ ਹੋਣ ਉਪਰੰਤ ਇੰਸਟਾਲ ਹੋਣ ਦੀ ਪ੍ਰਕਿਰਿਆ ਸ਼ੁਰੂ ਹੋਵੇਗੀ

ਪੂਰੀ ਤਰਾਂ ਇੰਸਟਾਲ ਹੋਣ ਉਪਰੰਤ ਸਕਰੀਨ 'ਤੇ 'ਓਪਨ' (Open) ਦਾ ਬਟਣ ਨਜ਼ਰ ਆਵੇਗਾਇਸ 'ਤੇ ਟੱਚ ਕਰੋ

ਭਾਸ਼ਾ ਅਤੇ ਕੀ-ਬੋਰਡ ਨਿਰਧਾਰਿਤ ਕਰਨਾ

'ਓਪਨ' (Open) ਬਟਣ ਛੂਹਣ ਉਪਰੰਤ 'ਗੂਗਲ ਇੰਡੀਕ ਕੀ-ਬੋਰਡ' ਨੂੰ ਸੈੱਟ ਕਰਨ ਵਾਲੀ ਸਕਰੀਨ ਖੁੱਲ੍ਹੇਗੀਹੁਣ ਵਰਤੋਂਕਾਰ ਨੂੰ ਤਿੰਨ ਪੜਾਵਾਂ ਵਿਚ ਵੱਖ-ਵੱਖ ਕੰਮ ਕਰਨੇ ਹੋਣਗੇ

ਪਹਿਲਾ ਕੰਮ: ਸਭ ਤੋਂ ਪਹਿਲਾਂ Enable Google Indic Keyboard 'ਤੇ ਕਲਿੱਕ ਕਰੋKeyboard and Input method ਵਾਲੀ ਸਕਰੀਨ 'ਤੇ ਸਾਰੇ ਕੀ-ਬੋਰਡ ਦਿਖਾਈ ਦੇਣਗੇਇੱਥੋਂ Google Indic Keyboard ਨੂੰ ਚੁਣੋਤੁਸੀਂ Okਤੇ ਟੱਚ ਕਰਕੇ ਬਾਹਰ (ਪਿਛਲੀ ਸਕਰੀਨ 'ਤੇ) ਜਾਓਗੇ ਤੇ ਹੁਣ ਤੁਹਾਨੂੰ ਪਹਿਲੇ ਨੰਬਰ ਦੇ ਸਾਹਮਣੇ ਠੀਕ ਦਾ ਨਿਸ਼ਾਨ ਲੱਗਿਆ ਨਜ਼ਰ ਆਵੇਗਾ

ਦੂਜਾ ਕੰਮ: ਹੁਣ Select Google Indic Keyboard 'ਤੇ ਟੱਚ ਕਰੋਨਵੇਂ ਕੀ-ਬੋਰਡ ਜੋੜਨ ਵਾਲੇ ਬਕਸੇ ਤੋਂ English & Indic Language ਦੀ ਚੋਣ ਕਰੋਇਸ ਤਰ੍ਹਾਂ ਤੁਸੀਂ ਫਿਰ ਵਾਪਸ ਪਿਛਲੀ ਸਕਰੀਨ 'ਤੇ ਜਾਵੋਗੇ ਤੇ ਦੂਜੇ ਨੰਬਰ ਵਾਲੀ ਪੱਟੀ ਦੇ ਸੱਜੇ ਪਾਸੇ ਠੀਕੇ ਦਾ ਨਿਸ਼ਾਣ ਲੱਗਿਆ ਨਜ਼ਰ ਆਵੇਗਾ

ਤੀਜਾ ਕੰਮ: ਤੀਜਾ ਕੰਮ ਭਾਸ਼ਾ ਦੀ ਚੋਣ ਨਾਲ ਸਬੰਧਿਤ ਹੈਇਸ ਲਈ ਸਭ ਤੋਂ ਹੇਠਲੀ ਆਪਸ਼ਨ Select Language 'ਤੇ ਟੱਚ ਕਰੋਸਕਰੀਨ ਉੱਤੇ 10-11 ਭਾਰਤੀ ਭਾਸ਼ਾਵਾਂ ਦੀ ਸੂਚੀ ਦਿਖਾਈ ਦੇਵੇਗੀਇੱਥੋਂ ਪੰਜਾਬੀ ਦੀ ਚੋਣ ਕਰਦੇ ok 'ਤੇ ਟੱਚ ਕਰ ਦਿਓ

ਹੇਠਾਂ ਸੱਜੇ ਹੱਥ ਨੈਕਸਟ ਦੇ ਸੰਕੇਤ/ਬਟਣ ਨੂੰ ਛੂਹ ਕੇ ਅੱਗੇ ਵਧੋਸਕਰੀਨ 'ਤੇ ਇਕ-ਇਕ ਕਰਕੇ ਵਰਤੋਂ ਵਿਧੀ ਬਾਰੇ ਜਾਣਕਾਰੀ ਨਜ਼ਰ ਆਵੇਗੀਜੇਕਰ ਵਰਤੋਂ ਬਾਰੇ ਜਾਣਨ ਦੀ ਇੱਛਾ ਨਾ ਹੋਵੇ ਤਾਂ ਇਸ ਨੂੰ ਅੱਧਵਾਟਿਓਂ ਰੋਕਣ ਲਈ 'ਸਕਿੱਪ' (SKIP) ਬਟਣ ਦੀ ਵਰਤੋਂ ਕਰੋ

ਹੁਣ ਤੁਸੀਂ ਦੇਖੋਗੇ ਕਿ ਫੋਨ ਦੀ 'ਸੈਟਿੰਗਜ਼' (Settings) ਵਿਚ 'ਲੈਂਗੂਏਜ ਐਂਡ ਇਨਪੁਟ' (Language and Input) ਵਾਲੀ ਆਪਸ਼ਨ ਵਿਚ ਗੂਗਲ ਇੰਡੀਕ ਕੀ-ਬੋਰਡ ਦਰਜ ਹੋ ਜਾਵੇਗਾ।

ਹਿੰਦੀ ਵਿਚ ਟਾਈਪ ਕਰਨ ਲਈ ਲੜੀ ਨੰਬਰ ਤਿੰਨ 'ਤੇ ਭਾਸ਼ਾ ਚੋਣ ਵਾਲੇ ਹਿੱਸੇ ਵਿਚ ਪੰਜਾਬੀ ਦੀ ਥਾਂ 'ਤੇ ਹਿੰਦੀ ਦੀ ਚੋਣ ਕਰੋਹਿੰਦੀ ਵਿਚ ਟਾਈਪ ਕਰਨ ਲਈ ਚਾਰੋਂ ਵਿਧੀਆਂ- ਰੋਮਨ ਵਿਧੀ, ਹਿੰਦੀ ਕੀ-ਬੋਰਡ ਵਿਧੀ, ਹੱਥ ਲਿਖਤ ਵਿਧੀ ਅਤੇ ਬੋਲ ਵਿਧੀ ਉਪਲਬਧ ਹਨ ਪਰ ਪੰਜਾਬੀ ਦੀ ਚੋਣ ਕਰਨ ਉਪਰੰਤ ਪਹਿਲੀਆਂ ਦੋ ਵਿਧੀਆਂ ਹੀ ਵਰਤੀਆਂ ਜਾ ਸਕਦੀਆਂ ਹਨ


ਡਾ. ਸੀ ਪੀ ਕੰਬੋਜ/ਸਾਈਬਰ ਸੰਸਾਰ/Dr. C P Kamboj/Cyber World/ 10-07-2016