Posts

Showing posts from October, 2014

ਯੂਐੱਸਬੀ ਕੇਬਲ ਰਾਹੀਂ ਡਾਟਾ ਦਾ ਅਦਾਨ-ਪ੍ਰਦਾਨ ਕਰਨਾ (2014-10-31)

Image
ਸਮਾਰਟ ਫੋਨ ਅਤੇ ਕੰਪਿਊਟਰ ਵਿਚਕਾਰ ਡਾਟਾ ਦਾ ਆਦਾਨ-ਪ੍ਰਦਾਨ ਕਰਨ ਲਈ ਯੂਐੱਸਬੀ ਕੇਬਲ, ਬਲੂਟੁੱਥ ਅਤੇ ਵਾਈ-ਫਾਈ ਆਦਿ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
ਸਮਾਰਟ ਫੋਨ ਦਾ ਯੂਐੱਸਬੀ ਰਾਹੀਂ ਕੰਪਿਊਟਰ ਨਾਲ ਸੰਪਰਕ ਬਣਾਉਣਾ ਇੱਕ ਰਵਾਇਤੀ ਤਰੀਕਾ ਹੈ। ਮੋਬਾਈਲ ਨੂੰ ਪੀਸੀ ਨਾਲ ਜੋੜ ਕੇ ਮੋਬਾਈਲ ਦੇ ਐੱਸਡੀ ਕਾਰਡ ਤਕ ਪਹੁੰਚ ਬਣਾਈ ਜਾ ਸਕਦੀ ਹੈ। ਇਸ ਤਰ੍ਹਾਂ ਫੋਟੋਆਂ, ਵੀਡੀਓ ਅਤੇ ਐਪਸ ਨੂੰ ਐੱਸਡੀ ਕਾਰਡ ਤੋਂ ਕੰਪਿਊਟਰ ਵਿੱਚ ਜਾਂ ਕੰਪਿਊਟਰ ਵਿੱਚੋਂ ਫੋਨ ਵਿੱਚ ਕਾਪੀ ਕੀਤਾ ਜਾ ਸਕਦਾ ਹੈ। ਯੂਐੱਸਬੀ ਨਾਲ ਜੋੜਨਾ * ਆਪਣੇ ਮੋਬਾਈਲ ਫੋਨ ਨੂੰ ਯੂਐੱਸਬੀ ਕੇਬਲ ਰਾਹੀਂ ਕੰਪਿਊਟਰ ਨਾਲ ਜੋੜੋ।
* ਮੋਬਾਈਲ ਦੀ ਸਕਰੀਨ ’ਤੇ ਇੱਕ ਸੰਦੇਸ਼ ‘ਟਰਨ ਆਨ ਯੂਐੱਸਬੀ ਸਟੋਰੇਜ’ ਆਵੇਗਾ। ਇਸ ’ਤੇ ਟੱਚ ਕਰ ਦਿਓ।
* ਹੁਣ ਇੱਕ ਹੋਰ ਸੰਦੇਸ਼ ਟਰਨ-ਆਨ ਯੂਐੱਸਬੀ ਸਟੋਰੇਜ ਦਿਖਾਈ ਦੇਵੇਗਾ। ਇਸ ਨੂੰ ਓਕੇ ਕਰ ਦਿਓ।
* ਕੁਝ ਦੇਰ ਇੰਤਜ਼ਾਰ ਕਰਨ ਮਗਰੋਂ ਤੁਹਾਡਾ ਮੋਬਾਈਲ ਕੰਪਿਊਟਰ ਨਾਲ ਜੁੜ ਜਾਵੇਗਾ। ਕੰਪਿਊਟਰ ਦਾ ਵਿੰਡੋਜ਼ ਐਕਸਪਲੋਰਰ ਜਾਂ ‘ਮਾਈ ਕੰਪਿਊਟਰ’ ਖੋਲ੍ਹੋ। ਇੱਥੇ ਤੁਹਾਡੇ ਮੋਬਾਈਲ ਦਾ ਐੱਸਡੀ ਕਾਰਡ ਨਜ਼ਰ ਆਵੇਗਾ। ਡਾਟਾ ਦਾ ਅਦਾਨ-ਪ੍ਰਦਾਨ ਕਰਨਾ ਜਦੋਂ ਤੁਹਾਡੇ ਸਮਾਰਟ ਫੋਨ ਦਾ ਸੰਪਰਕ ਪੀਸੀ ਨਾਲ ਸਥਾਪਿਤ ਹੋ ਜਾਵੇ ਤਾਂ ਇਸ ਉਪਰੰਤ ਮੋਬਾਈਲ ਦਾ ਐੱਸਡੀ ਕਾਰਡ ਵਿੰਡੋਜ਼ ਐਕਸਪਲੋਰਰ ਵਿੱਚ ਰੀਮੂਵੇਬਲ ਡਿਸਕ (ਪੈੱਨ ਡਰਾਈਵ) ਦੇ ਰੂਪ ਵਿੱਚ ਨਜ਼ਰ ਆਉਂਦਾ ਹੈ। ਇੱਥੋਂ ਵਟਸ ਐਪ ਤੋਂ ਡਾਊਨਲੋਡ ਕੀਤੀਆਂ ਫੋਟ…

ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ -4 (2014-10-26)

Image
ਇਕ ਵਧੀਆ ਐਾਟੀਵਾਇਰਸ ਪ੍ਰੋਗਰਾਮ ਸਾਨੂੰ ਕਈ ਸੁਵਿਧਾਵਾਂ ਪ੍ਰਦਾਨ ਕਰਵਾਉਂਦਾ ਹੈ। ਇਨ੍ਹਾਂ ਵਿਚੋਂ ਪ੍ਰਮੁੱਖ ਹਨ:
ਆਟੋਮੈਟਿਕ ਅੱਪਡੇਟ: 
ਇਹ ਵਿਕਲਪ ਚਾਲੂ ਕਰਨ ਨਾਲ ਪ੍ਰੋਗਰਾਮ ਆਪਣੇ-ਆਪ ਅੱਪਡੇਟ ਹੁੰਦਾ ਰਹਿੰਦਾ ਹੈ |

ਆਟੋਮੈਟਿਕ ਸ਼ਡਿਊਲ: 
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਕੰਪਿਊਟਰ ਨਿਰਧਾਰਿਤ ਦਿਨ ਅਤੇ ਸਮੇਂ ਨੂੰ ਆਪਣੇ-ਆਪ ਸਕੈਨਿੰਗ ਸ਼ੁਰੂ ਕਰ ਦੇਵੇ ਤਾਂ ਤੁਸੀਂ ਉਸ ਦੇ ਆਟੋਮੈਟਿਕ ਸ਼ਡਿਊਲ ਵਿਕਲਪ ਵਿਚ ਜਾ ਕੇ ਇਹ ਸੁਨਿਸ਼ਚਿਤ ਕਰ ਸਕਦੇ ਹੋ |
ਪੈੱਨ ਡਰਾਈਵ ਪਾਸਵਰਡ ਸੁਰੱਖਿਆ: 
ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਪੈਨ ਡਰਾਈਵ ਖੋਲ੍ਹਣ ਤੋਂ ਪਹਿਲਾਂ ਪਾਸਵਰਡ ਲਗਾਉਣਾ ਲਾਜ਼ਮੀ ਹੋਵੇ ਤਾਂ ਤੁਸੀਂ ਇਸ ਵਿਕਲਪ ਰਾਹੀਂ ਅਜਿਹਾ ਕਰ ਸਕਦੇ ਹੋ | ਇਸ ਨਾਲ ਤੁਹਾਡੇ ਕੰਪਿਊਟਰ 'ਤੇ ਤੁਹਾਡੀ ਆਗਿਆ ਤੋਂ ਬਿਨਾਂ ਕੋਈ ਪੈੱਨ ਡਰਾਈਵ ਨਹੀਂ ਵਰਤ ਸਕੇਗਾ |
ਐਾਟੀ ਸਪੈਮ ਵੈੱਬਸਾਈਟਾਂ: 
ਜੇਕਰ ਤੁਸੀਂ ਫ਼ਾਲਤੂ ਅਤੇ ਧਿਆਨ ਭਟਕਾਉਣ ਵਾਲੀਆਂ ਵੈੱਬਸਾਈਟਾਂ ਤੋਂ ਪ੍ਰੇਸ਼ਾਨ ਹੋ ਤਾਂ ਐਾਟੀ ਸਪੈਮ ਵਿਕਲਪ ਰਾਹੀਂ ਇਹ ਮਸਲਾ ਹੱਲ ਕਰ ਸਕਦੇ ਹੋ |
ਸਕੈਨ ਰਿਪੋਰਟ: 
ਸਕੈਨ ਪੂਰਾ ਹੋਣ ਉਪਰੰਤ ਪ੍ਰੋਗਰਾਮ ਇਕ ਰਿਪੋਰਟ ਪੇਸ਼ ਕਰਦਾ ਹੈ | ਵਰਤੋਂਕਾਰ ਨੂੰ ਚਾਹੀਦਾ ਹੈ ਕਿ ਉਹ ਵਾਇਰਸ ਦੇ ਖ਼ਾਤਮੇ ਲਈ ਢੁਕਵੇਂ ਵਿਕਲਪਾਂ ਦਾ ਪਾਲਣ ਕਰੇ |
ਫਾਇਰ-ਵਾਲ: 
ਕੰਪਿਊਟਰ ਲਈ ਸੁਰੱਖਿਅਤ ਦੀਵਾਰ ਲਈ ਫਾਇਰ-ਵਾਲ ਦੀ ਵਰਤੋਂ ਕਰੋ | ਫਾਇਰ-ਵਾਲ ਜਾਂ ਫ਼ਿਲਟਰ ਦੀ ਸਹੂਲਤ ਐਾਟੀਵਾਇਰਸ ਦੇ ਮੁੱਢਲੇ ਸੰਸਕਰਨ ਵਿਚ ਹੁੰਦੀ ਹੈ ਪਰ…

ਸਾਈਬਰ ਅਪਰਾਧ (2014-10-20)

Image
ਇੱਕ ਵਾਇਰਸ ਤੇ ਹੈਕਿੰਗ ਨੇ ਜ਼ੋਰ ਪਾਇਆ,
ਦੂਜਾ ਅਸ਼ਲੀਲ ਸਾਈਟਾਂ ਦੀ ਭਰਮਾਰ ਹੈ ਜੀ।

ਮੁੰਡੇ ਕੁੜੀਆਂ ਜਿਹੜੀ ਪਏ ਕਰਨ ਚੈਟਿੰਗ,
ਅਨੈਤਿਕਤਾ ਦੀ ਜਿਉਂਦੀ ਮਿਸਾਲ ਹੈ ਜੀ।

'ਮੁੰਡੀਰ' ਇਕੱਠੀ ਹੁੰਦੀ ਨਿੱਤ ਕੈਫ਼ਿਆਂ 'ਤੇ,
ਰੋਕਣ ਵਾਲਾ ਕੋਈ ਮਾਈ ਦਾ ਲਾਲ ਹੈ ਨਹੀਂ।

ਬਹੁਤਾ ਸਮਾਂ ਜੋ ਇੰਜ ਹੀ ਗੁਜ਼ਾਰ ਦਿੰਦੇ,
ਜ਼ਿੰਦਗੀ ਤਬਾਹ ਹੋ ਜਾਊ ਅਜਿਹੇ ਸਾਈਬਰ ਲਾੜਿਆਂ ਦੀ।

ਵਰਤਣ ਬਹੁ-ਅਰਥੀ ਸ਼ਬਦਾਵਲੀ ਇਹ ਮੇਲ ਅੰਦਰ,
'ਕੰਬੋਜ' ਖ਼ੈਰ ਕਰੇ ਇਹਨਾਂ ਚੈਟਿੰਗ ਘਾੜਿਆਂ ਦੀ।

ਕੰਪਿਊਟਰ ਅਤੇ ਬਿਜਲੀ (2014-10-20)

Image
ਕਹਿੰਦੀ ਬਿਜਲੀ ਕੰਪਿਊਟਰ ਚਲਾਕੜਿਆ ਵੇ
ਕਿਉਂ ਰਹਿੰਦਾ ਤੂੰ ਆਕੜਿਆ-ਆਕੜਿਆ ਵੇ ਲੋਕ ਆਖਦੇ ਤੂੰ ਬੜੀ ਮਸ਼ੀਨ ਅਨੋਖੀ
ਕਹਿੰਦੇ ਬੱਚੇ ਸਿੱਖਣ ਨੂੰ ਲੱਗੇ ਸੌਖੀ
ਸੱਭੇ ਚਾਹੁਣ ਨਾਲ ਤੇਰੇ ਪਾਉਣ ਯਾਰੀ, ਮਿਲਾਪੜਿਆ ਵੇ
ਕਹਿੰਦੀ ਬਿਜਲੀ...... ਮੈਂ ਨਾ ਹੋਵਾਂ ਤਾਂ ਤੂੰ ਉੱਥੇ ਹੀ ਰੁਕ ਜਾਵੇਂ
ਮੇਰੀ ਉਡੀਕ ਕਰਦਾ-ਕਰਦਾ ਤੂੰ ਸੁੱਕ ਜਾਵੇਂ
'ਕੰਬੋਜ' ਕਹਿੰਦਾ ਨਾ ਮਾਰ ਸ਼ੇਖ਼ੀਆਂ, ਜਵਾਕੜਿਆ ਵੇ,
ਕਹਿੰਦੀ ਬਿਜਲੀ......

ਸਾਈਬਰ ਸੁਰੱਖਿਆ (2014-10-20)

Image
ਮਿੱਤਰੋ ਹੋਵੋ ਸਾਵਧਾਨ,
ਗੱਲ ਮੇਰੀ ਇਹ ਕਰਿਓ ਪ੍ਰਵਾਨ,
ਸੁਰੱਖਿਆ ਦਾ ਰੱਖੋ ਗੂੜ੍ਹ ਗਿਆਨ। ਸਾਈਬਰ ਸੁਰੱਖਿਆ ਦਾ ਚਲਾਓ ਅਭਿਆਨ,
ਹੋਵੇਗਾ ਨਾ ਕਦੀ ਨੁਕਸਾਨ। ਜੇ ਤੁਸੀਂ ਹੋ ਗਏ ਬੇਧਿਆਨ,
ਅਪਰਾਧਾਂ ਦਾ ਵਧੂ ਹੋਰ ਰੁਝਾਨ।
'ਫਰੀਵੇਅਰ' ਦਾ ਨਾ ਹੋਵੇ ਸਥਾਨ,
'ਪੌਪ-ਅਪ' ਦਾ ਕੱਟੋ ਚਲਾਨ। ਨੈਕਸਟ-ਨੈਕਸਟ' ਦਾ ਛੱਡੋ ਰੁਝਾਨ,
ਮੇਰੇ ਵੱਲ ਨੂੰ ਧਰੋ ਧਿਆਨ।
ਪਾਸਵਰਡ ਦਾ ਨਾ ਕਰੋ ਅਦਾਨ-ਪ੍ਰਦਾਨ,
ਹੋ ਨਾ ਜਾਵੇ ਕੋਈ ਨੁਕਸਾਨ। ਬਣ ਕੇ ਰਹੋ ਇੱਕ ਚੰਗੇ ਨਿਗਰਾਨ,
ਹੋਵੇਗਾ ਨਾ ਕਦੀ ਨੁਕਸਾਨ।
ਮੇਰੇ ਵੱਲ ਨੂੰ ਧਰੋ ਧਿਆਨ,
ਕਿਧਰੇ ਨਾ ਰਹਿ ਜਾਓ ਅਗਿਆਨ।

ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ-3 (19-10-2014)

Image
ਸ਼ਿਕਾਰ ਕੌਣ ?
ਪ੍ਰਤੀ ਦਿਨ ਹਜ਼ਾਰਾਂ ਵਿਅਕਤੀ ਸਾਈਬਰ ਅਪਰਾਧਾਂ ਦੀ ਗਿ੍ਫ਼ਤ 'ਚ ਆਉਂਦੇ ਹਨ | ਆਮ ਤੌਰ 'ਤੇ ਭੋਲ਼ੇ-ਭਾਲ਼ੇ, ਲਾਲਚੀ, ਗੈਰ-ਹੁਨਰਮੰਦ ਅਤੇ ਬਦਕਿਸਮਤ ਵਿਅਕਤੀ ਅਜਿਹੇ ਅਪਰਾਧਾਂ ਦਾ ਸ਼ਿਕਾਰ ਬਣਦੇ ਹਨ | ਕਈ ਲਾਲਚੀ ਵਿਅਕਤੀ ਲਾਟਰੀ ਨਿਕਲਣ ਦੇ ਈ-ਮੇਲ ਸੰਦੇਸ਼ਾਂ ਦੇ ਚੱਕਰਵਿਊ ਵਿਚ ਪੈ ਕੇ ਹਜ਼ਾਰਾਂ ਰੁਪਈਆਂ ਦਾ ਨੁਕਸਾਨ ਕਰਵਾ ਚੁੱਕੇ ਹਨ | ਕਈ ਤਕਨੀਕੀ ਜਾਣਕਾਰੀ ਨਾ ਹੋਣ ਦੀ ਵਜ੍ਹਾ ਕਾਰਨ ਆਪਣੀ ਖ਼ੁਫ਼ੀਆ ਜਾਣਕਾਰੀ 'ਤੇ ਡਾਕਾ ਮਰਵਾ ਬਹਿੰਦੇ ਹਨ |
ਪ੍ਰਭਾਵ : 
ਸਾਈਬਰ ਅਪਰਾਧਾਂ ਕਾਰਨ ਗੰਭੀਰ ਨਤੀਜੇ ਸਾਹਮਣੇ ਆਏ ਹਨ | ਵਰਤੋਂਕਾਰਾਂ ਨੂੰ ਅੰਕੜਾ ਤਬਾਹੀ, ਵਿੱਤੀ ਠੱਗੀ, ਨਿੱੱਜਤਾ 'ਤੇ ਡਾਕਾ ਅਤੇ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਈ-ਫਰੈਂਡਸ਼ਿਪ ਦੇ ਰਾਸ ਨਾ ਆਉਣ ਅਤੇ ਮੋਟੀ ਸਾਈਬਰ ਠੱਗੀ ਦਾ ਸ਼ਿਕਾਰ ਹੋਏ ਸੈਂਕੜੇ ਲੋਕ ਆਪਣੀ ਜੀਵਨ ਲੀਲ੍ਹਾ ਸਮਾਪਤ ਕਰ ਚੁੱਕੇ ਹਨ | ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਚੱਜੀ ਅਤੇ ਸੁਰੱਖਿਅਤ ਵਰਤੋਂ ਲਈ ਕਈ ਉਪਾਅ ਕੀਤੇ ਜਾ ਸਕਦੇ ਹਨ |
ਕੰਪਿਊਟਰ ਵਾਇਰਸ : 
ਕੰਪਿਊਟਰ ਵਾਇਰਸ ਇਕ ਤਰ੍ਹਾਂ ਦਾ ਵਿਸ਼ਾਣੂ ਹੈ, ਜੋ ਕੰਪਿਊਟਰ ਵਿਚ ਦਾਖਲ ਹੋਣ ਉਪਰੰਤ ਨੁਕਸਾਨ ਕਰ ਸਕਦਾ ਹੈ | ਇਸ (ਜੈਵਿਕ) ਵਿਸ਼ਾਣੂ ਦੀ ਪੈਦਾਇਸ਼ ਦਾ ਮੁੱਖ ਸੋਮਾ ਕੰਪਿਊਟਰੀ ਪ੍ਰੋਗਰਾਮ ਹਨ | ਕੰਪਿਊਟਰਾਂ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਕੰਪਿਊਟਰੀ ਪ੍ਰੋਗਰਾਮ ਜਾਂ ਸਾਫ਼ਟਵੇਅਰ ਤਿਆਰ ਕੀਤੇ ਜਾਂਦੇ ਹਨ, ਜਿਨ੍ਹਾਂ ਨੂੰ ਕ…

ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ-2 (12-10-2014)

Image
ਮਨੁੱਖ ਵਿਗਿਆਨ ਅਤੇ ਤਕਨਾਲੋਜੀ ਦੇ ਖੇਤਰ ਵਿਚ ਬੜੀ ਤੇਜ਼ੀ ਨਾਲ ਅੱਗੇ ਵੱਧ ਰਿਹਾ ਹੈ ਪਰ ਕਈ ਲੋਕ ਤਕਨਾਲੋਜੀ ਨੂੰ ਦੂਜਿਆਂ ਦੇ ਨੁਕਸਾਨ ਲਈ ਵਰਤ ਰਹੇ ਹਨ | ਇਸ ਨਾਲ ਅਪਰਾਧਾਂ ਦਾ ਇਕ ਨਵਾਂ ਪਹਿਲੂ ਸਾਹਮਣੇ ਆਇਆ ਹੈ |  ਅਜੋਕੇ ਅਪਰਾਧ ਨਾ ਬੰਦੂਕ ਦੀ ਨੋਕ 'ਤੇ, ਨਾ ਤਲਵਾਰ ਦੀ ਧਾਰ 'ਤੇ, ਸਗੋਂ ਇਕ ਮਾਊਸ ਦੇ ਕਲਿੱਕ ਰਾਹੀਂ ਹੀ ਅੰਜਾਮ ਦਿੱਤੇ ਜਾਂਦੇ ਹਨ | ਅਜਿਹੇ ਵਿਲੱਖਣ ਤੇ ਗੰਭੀਰ ਅਪਰਾਧਾਂ ਨੂੰ ਸਾਈਬਰ ਅਪਰਾਧਾਂ ਦਾ ਨਾਂਅ ਦਿੱਤਾ ਗਿਆ ਹੈ | ਇਨ੍ਹਾਂ ਅਪਰਾਧਾਂ 'ਚ ਕੰਪਿਊਟਰ ਜਾਂ ਇੰਟਰਨੈੱਟ ਨੂੰ ਸਿੱਧੇ ਜਾਂ ਅਸਿੱਧੇ ਤੌਰ 'ਤੇ ਨਿਸ਼ਾਨਾ ਬਣਾਇਆ ਜਾਂਦਾ ਹੈ |  ਅੱਜ ਹਜ਼ਾਰਾਂ ਹੈੱਕਰ, ਕਰੈੱਕਰ ਅਤੇ ਹੋਰ ਸ਼ਰਾਰਤੀ ਅਨਸਰ ਹਰ, ਰੋਜ਼ ਅਨੇਕਾਂ ਵੈੱਬਸਾਈਟਾਂ, ਈ-ਮੇਲ, ਫੇਸਬੁਕ ਅਤੇ ਬੈਂਕ ਖਾਤਿਆਂ ਵਿਚੋਂ ਅਰਬਾਂ ਰੁਪਈਆਂ 'ਚੋਂ ਚੂਨਾ ਲਗਾਉਂਦੇ ਹਨ | ਕਈ ਅਪਰਾਧਾਂ ਵਿਚ ਵਰਤੋਂਕਾਰਾਂ ਨੂੰ ਬੁੱਧੂ ਬਣਾ ਕੇ ਮਾਨਸਿਕ ਤੌਰ 'ਤੇ ਪਰੇਸ਼ਾਨ ਕੀਤਾ ਜਾਂਦਾ ਹੈ | ਈ-ਮੇਲ ਖਾਤਿਆਂ ਵਿਚ ਬਿਨਾਂ ਬੁਲਾਏ ਮਹਿਮਾਨ ਵਾਂਗ ਆ ਧਮਕਦੇ ਬੇਲਗ਼ਾਮ ਸੰਦੇਸ਼ਾਂ ਦਾ ਹੜ੍ਹ ਵੀ ਸਾਈਬਰ ਅਪਰਾਧਾਂ ਦੀ ਸ਼੍ਰੇਣੀ 'ਚ ਆਉਂਦਾ ਹੈ | ਖ਼ੁਫ਼ੀਆ ਤਰੀਕੇ ਰਾਹੀਂ ਕਿਸੇ ਦੇ ਈ-ਮੇਲ ਜਾਂ ਏਟੀਐੱਮ ਪਾਸਵਰਡ ਦੀ ਚੋਰੀ, ਕੰਪਿਊਟਰੀ ਡਾਟੇ ਉੱਤੇ ਝਪਟਾ ਮਾਰਨਾ ਅਤੇ ਨਿੱਜੀ ਜਾਣਕਾਰੀ 'ਤੇ ਡਾਕਾ ਮਾਰਨਾ ਆਮ ਜਿਹੀਆਂ ਹੀ ਘਟਨਾਵਾਂ ਹਨ | ਖ਼ੌਫ਼ ਕਾਰਨ ਅਤੇ ਜਾਗਰੂਕਤਾ …

ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸੁਰੱਖਿਅਤ ਵਰਤੋਂ -1 (05-10-2014)

Image
ਬੰਦੂਕ ਦੀ ਨੋਕ ਜਾਂ ਤਲਵਾਰ ਦੀ ਧਾਰ 'ਤੇ ਨਹੀਂ, ਸਗੋਂ ਇਕ ਮਾਊਸ ਦੇ ਕਲਿੱਕ ਰਾਹੀਂ ਹੁੰਦੇ ਨੇ ਸਾਈਬਰ ਅਪਰਾਧ |ਸਾਲ 1920 'ਚ ਫਰਾਂਸ 'ਚ ਹੋਇਆ ਸੀ ਪਹਿਲਾ ਸਾਈਬਰ ਅਪਰਾਧ |ਅੰਮਿ੍ਤਸਰ 'ਚ ਵਾਪਰਿਆ ਸੀ ਪੰਜਾਬੀ ਦਾ ਸਭ ਤੋਂ ਪਹਿਲਾ ਸਾਈਬਰ ਅਪਰਾਧ |ਪਾਕਿ ਹੈੱਕਰ ਪ੍ਰਤੀ-ਦਿਨ 60 ਤੋਂ ਵੱਧ ਭਾਰਤੀ ਵੈੱਬਸਾਈਟਾਂ ਨੂੰ ਬਣਾਉਂਦੇ ਨੇ ਨਿਸ਼ਾਨਾ | ਹਰ ਰੋਜ਼ ਹਜ਼ਾਰਾਂ ਹੈੱਕਰ, ਕਰੈੱਕਰ ਅਤੇ ਹੋਰ ਸ਼ਰਾਰਤੀ ਅਨਸਰ ਵੈੱਬਸਾਈਟਾਂ, ਈ-ਮੇਲ, ਫੇਸਬੁਕ ਅਤੇ ਬੈਂਕ ਖਾਤਿਆਂ ਰੁਪਈਆਂ 'ਚੋਂ ਪੈਸਾ ਕਢਾ ਕੇ ਲਗਾਉਂਦੇ ਨੇ ਅਰਬਾਂ ਨੂੰ ਚੂਨਾ |ਖ਼ੌਫ਼ ਅਤੇ ਜਾਗਰੂਕਤਾ ਦੀ ਘਾਟ ਸਦਕਾ ਕੰਪਿਊਟਰ ਅਤੇ ਇੰਟਰਨੈੱਟ ਦੀ ਸਹੀ ਵਰਤੋਂ 'ਤੇ ਲੱਗਾ ਸਵਾਲੀਆ ਨਿਸ਼ਾਨ |ਆਤਮ ਪ੍ਰਸੰਸਾ ਖੱਟਣ, ਬੇਰੁਜ਼ਗਾਰੀ ਅਤੇ ਅਮੀਰ ਹੋਣ ਦੀ ਲਾਲਸਾ ਸਦਕਾ ਵਾਪਰ ਰਹੇ ਨੇ ਸਾਈਬਰ ਅਪਰਾਧ |ਕੱਚੇ ਜਾਂ ਠੇਕੇ 'ਤੇ ਰੱਖੇ ਮੁਲਾਜ਼ਮ, ਨੌਕਰੀਓਾ ਕੱਢੇ ਨੌਜਵਾਨ, ਕਾਮੁਕ ਭੁੱਖ ਦੀ ਤਿ੍ਪਤੀ ਕਰਨ ਵਾਲੇ ਨੌਜਵਾਨ, ਦੂਜੀ ਰਾਜਨੀਤਕ ਪਾਰਟੀ ਜਾਂ ਨੇਤਾ ਨੂੰ ਨੀਵਾਂ ਦਿਖਾਉਣ ਵਾਲੇ ਰਾਜਨੀਤੀਵਾਨ, ਫਿਰੌਤੀਆਂ 'ਤੇ ਪਲਣ ਵਾਲੇ ਪੇਸ਼ੇਵਰ ਅਪਰਾਧੀ, ਦੂਸਰੇ ਨੂੰ ਫ਼ੇਲ੍ਹ ਕਰਨ ਦੀ ਭਾਵਨਾ ਵਾਲੇ ਵਪਾਰੀ, ਪੁਰਾਣੇ ਮਿੱਤਰ ਅਤੇ ਤਲਾਕਸ਼ੁਦਾ ਪਤੀ ਹੁੰਦੇ ਨੇ ਅਜਿਹੇ ਅਪਰਾਧਾਂ ਦੀ ਭੀੜ 'ਚ ਸ਼ਾਮਿਲ |ਭੋਲ਼ੇ-ਭਾਲ਼ੇ, ਲਾਲਚੀ, ਗੈਰ-ਹੁੰਨਰਮੰਦ ਅਤੇ ਬਦਕਿਸਮਤ ਵਿਅਕਤੀ ਹੁੰਦੇ ਨੇ ਅਜਿਹੇ ਅਪਰਾਧਾਂ…

ਵਿੰਡੋਜ਼ ਟਿਪਸ (14-09-2014)

Image
ਕੰਪਿਊਟਰ 'ਤੇ ਕੰਮ ਕਰਨ ਦੇ ਅਮਲ ਨੂੰ ਰਿਕਾਰਡ ਕਰੋ 'ਪ੍ਰੌਬਲਮ ਸਟੈੱਪਸ ਰਿਕਾਰਡ' ਰਾਹੀਂ ਵਿੰਡੋਜ਼ ਵਿਚ ਅਨੇਕਾਂ ਤਕਨੀਕੀ ਮਸਲਿਆਂ ਨੂੰ ਹੱਲ ਕਰਨ ਦੀਆਂ ਬੇਸ਼ੁਮਾਰ ਸਹੂਲਤਾਂ ਸ਼ੁਮਾਰ ਹਨ | ਕਿਸੇ ਨੂੰ ਕੰਪਿਊਟਰ 'ਤੇ ਕੀਤੇ ਜਾਣ ਵਾਲੇ ਕੰਮ ਨੂੰ ਪੜਾਅ-ਦਰ-ਪੜਾਅ ਸਮਝਾਉਣਾ ਹੋਵੇ ਜਾਂ ਫਿਰ ਖ਼ੁਦ ਲਈ ਕੰਮ ਕਰਨ ਦੇ ਅਮਲ ਨੂੰ ਰਿਕਾਰਡ ਕਰਕੇ ਰੱਖਣਾ ਹੋਵੇ ਤਾਂ 'ਪ੍ਰੌਬਲਮ ਸਟੈੱਪਸ ਰਿਕਾਰਡ' ਸਾਡੀ ਮਦਦ ਕਰ ਸਕਦਾ ਹੈ | ਪ੍ਰੌਬਲਮ ਸਟੈੱਪਸ ਰਿਕਾਰਡ' ਵਿੰਡੋਜ਼ ਦੀ ਇੱਕ ਬੇਮਿਸਾਲ ਸਹੂਲਤ ਹੈ | ਇਸ ਰਾਹੀਂ ਅਸੀਂ ਕੀਤੇ ਜਾਣ ਵਾਲੇ ਕੰਮ ਦੇ ਹਰੇਕ ਸਟੈੱਪ ਦਾ ਰਿਕਾਰਡ ਰੱਖ ਸਕਦੇ ਹਾਂ | ਰਿਕਾਰਡ ਕੀਤੇ ਸਟੈੱਪ ਨੂੰ ਇਹ ਪ੍ਰੋਗਰਾਮ ਵੈੱਬ ਫਾਰਮੈਟ ਫਾਈਲ (.mht) ਦੇ ਰੂਪ ਵਿਚ ਸੇਵ ਕਰਦਾ ਹੈ ਜਿਸ ਨੂੰ ਬਾਅਦ ਵਿਚ ਕਿਸੇ ਵੀ ਵਿੰਡੋਜ਼ ਬ੍ਰਾਊਜ਼ਰ ਵਿਚ ਚਲਾਇਆ ਜਾ ਸਕਦਾ ਹੈ | ਮਿਸਾਲ ਵਜੋਂ ਕੋਈ ਦੋਸਤ ਤੁਹਾਡੇ ਤੋਂ ਐਕਸਲ ਵਿਚ ਫ਼ਾਰਮੂਲੇ ਦੀ ਵਰਤੋਂ ਬਾਰੇ ਪੁੱਛ ਰਿਹਾ ਹੈ | ਤੁਸੀਂ ਫ਼ੋਨ, ਈ-ਮੇਲ ਜਾਂ ਚੈਟਿੰਗ ਰਾਹੀਂ ਸਮਝਾਉਣ 'ਚ ਸਫਲ ਨਹੀਂ ਹੋ ਰਹੇ ਤਾਂ ਇਸ ਦਾ ਸਭ ਤੋਂ ਸੌਖਾ ਤੇ ਸਿੱਕੇਬੰਦ ਤਰੀਕਾ ਹੈ 'ਪ੍ਰੌਬਲਮ ਸਟੈੱਪਸ ਰਿਕਾਰਡ' ਦੀ ਵਰਤੋਂ |  ਇਹ ਪ੍ਰੋਗਰਾਮ ਵਿੰਡੋਜ਼ (7 ਜਾਂ ਇਸ ਤੋਂ ਉੱਪਰਲੇ ਸੰਸਕਰਨਾਂ) ਵਿਚ ਪਹਿਲਾਂ ਤੋਂ ਹੀ ਉਪਲਬਧ ਹੁੰਦਾ ਹੈ | ਇਹ ਪ੍ਰੋਗਰਾਮ ਤੁਹਾਡੇ ਦੁਆਰਾ ਕੀਤੇ ਕੰਮਾਂ ਦਾ ਵੇਰਵਾ ਜਿਵੇਂ ਕ…

ਪੰਜਾਬੀ ਯੂਨੀਵਰਸਿਟੀ ਵੱਲੋਂ ਮਾਤ-ਭਾਸ਼ਾ ਦੇ ਸਾਫ਼ਟਵੇਅਰਾਂ ਦੀ ਸੀਡੀ ਜਾਰੀ (24-08-2014)

Image
ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦਾ ਪੰਜਾਬੀ ਕੰਪਿਊਟਰ ਸਹਾਇਤਾ ਕੇਂਦਰ ਵਰਤੋਂਕਾਰਾਂ ਦੀਆਂ ਸਮੱਸਿਆਵਾਂ ਹੱਲ ਕਰਨ ਅਤੇ ਕੰਪਿਊਟਰ ਦੀਆਂ ਨਵੀਆਂ ਖੋਜਾਂ ਬਾਰੇ ਜਾਣੂ ਕਰਵਾਉਣ ਲਈ ਪਿਛਲੇ ਲੰਬੇ ਸਮੇਂ ਤੋਂ ਨਿਰੰਤਰ ਕੰਮ ਕਰ ਰਿਹਾ ਹੈ | ਪ੍ਰੋ: ਦੇਵਿੰਦਰ ਸਿੰਘ ਦੀ ਅਗਵਾਈ ਹੇਠ ਚੱਲ ਰਿਹਾ ਇਹ ਕੇਂਦਰ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ: ਜਸਪਾਲ ਸਿੰਘ ਦੀ ਦੂਰ-ਅੰਦੇਸ਼ੀ ਦਾ ਸਿੱਟਾ ਹੈ | ਕੇਂਦਰ ਦੀ ਵੈੱਬਸਾਈਟ www.punjabicomputer.com ਤੋਂ ਕੇਂਦਰ ਦੀਆਂ ਵਿਭਿੰਨ ਗਤੀਵਿਧੀਆਂ ਅਤੇ ਪੰਜਾਬੀ ਕੰਪਿਊਟਰ ਬਾਰੇ ਜਾਣਕਾਰੀ ਹਾਸਲ ਕੀਤੀ ਜਾ ਸਕਦੀ ਹੈ | ਕੇਂਦਰ ਵੱਲੋਂ ਕੰਪਿਊਟਰ ਜਾਗਰੂਕਤਾ ਪ੍ਰੋਗਰਾਮ, ਸਿਖਲਾਈ ਵਰਕਸ਼ਾਪਾਂ ਅਤੇ ਪੜ੍ਹਨ-ਸਿੱਖਣ ਸਮੱਗਰੀ ਤਿਆਰ ਕਰਨ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ |
ਪੰਜਾਬੀ ਵਰਤੋਂਕਾਰਾਂ ਦੀ ਮੰਗ ਤੇ ਵੱਖ-ਵੱਖ ਕੰਪਿਊਟਰ ਮਾਹਿਰਾਂ ਵੱਲੋਂ ਤਿਆਰ ਕੀਤੇ ਪੰਜਾਬੀ ਫੌਾਟਾਂ, ਕੀ-ਬੋਰਡ ਪ੍ਰੋਗਰਾਮਾਂ, ਟਾਈਪਿੰਗ ਪੱਧਤੀਆਂ, ਫੌਾਟ ਪਲਟਾਊ ਪ੍ਰੋਗਰਾਮਾਂ, ਭਾਸ਼ਾਈ ਪ੍ਰੋਗਰਾਮਾਂ ਅਤੇ ਵਿੰਡੋਜ਼ ਭਾਸ਼ਾ ਪੈਕ ਆਦਿ ਸਮੇਤ ਕੁੱਲ 20 ਸਾਫ਼ਟਵੇਅਰਾਂ ਦੀ ਇਕ ਸੀਡੀ ਤਿਆਰ ਕੀਤੀ ਗਈ ਹੈ ਜਿਸ ਨੂੰ ਵੈੱਬਸਾਈਟ ਦੇ 'ਡਾਊਨਲੋਡ' ਨਾਂਅ ਦੇ ਲਿੰਕ ਤੋਂ ਪ੍ਰਾਪਤ ਕੀਤਾ ਜਾ ਸਕਦਾ ਹੈ |
ਡਾ: ਗੁਰਪ੍ਰੀਤ ਸਿੰਘ ਲਹਿਲ ਅਤੇ ਇੰਜ: ਰਾਕੇਸ਼ ਕੁਮਾਰ ਦੁਆਰਾ ਤਿਆਰ ਕੀਤੇ ਜੀ-ਟਰਾਂਸ ਸਾਫ਼ਟਵੇਅਰ ਨੂੰ ਗੁਰਮੁਖੀ ਤੋਂ ਰੋਮਨ ਲਿਪੀਅੰਤਰਨ ਲਈ ਵਰਤਿਆ ਜਾ ਸਕਦਾ ਹੈ …

ਸਮਾਰਟ ਫ਼ੋਨ ਵਿਚ ਰੋਮਨ ਪੰਜਾਬੀ ਟਾਈਪ ਕਰਨ ਦਾ ਆਸਾਨ ਤਰੀਕਾ (17-10-2014)

Image
ਸਮਾਰਟ ਫ਼ੋਨ ਵਿਚ ਟੱਚ ਪੈਡ ਦੀ ਸੁਵਿਧਾ ਹੁੰਦੀ ਹੈ। ਅਜੋਕੇ ਸਮਾਰਟ ਫੋਨਾਂ ਵਿਚ ਗ਼ਲਤ ਸ਼ਬਦ-ਜੋੜਾਂ ਨੂੰ ਆਪਣੇ-ਆਪ ਠੀਕ ਕਰਨ ਅਤੇ ਰਲਦੇ-ਮਿਲਦੇ ਸ਼ਬਦਾਂ ਨੂੰ ਸੁਝਾਅ ਵਜੋਂ ਦਿਖਾਉਣ ਦੀ ਸ਼ਕਤੀਸ਼ਾਲੀ ਸੁਵਿਧਾ ਹੁੰਦੀ ਹੈ। ਇਹ ਸੁਵਿਧਾ ਉਨ੍ਹਾਂ ਵਰਤੋਂਕਾਰਾਂ ਲਈ ਸਰਾਪ ਸਿੱਧ ਹੁੰਦੀ ਹੈ ਜੋ ਆਪਣਾ ਸੰਦੇਸ਼ ਰੋਮਨ ਪੰਜਾਬੀ ਵਿਚ ਲਿਖਣਾ ਪਸੰਦ ਕਰਦੇ ਹਨ। ਧਿਆਨ ਰਹੇ ਕਿ ਸਾਡਾ ਮੋਬਾਈਲ ਰੋਮਨ ਪੰਜਾਬੀ ਵਿਚ ਲਿਖੇ ਸ਼ਬਦਾਂ ਨੂੰ ਅੰਗਰੇਜ਼ੀ ਵਜੋਂ ਲੈਂਦਾ/ਪੜ੍ਹਦਾ ਹੈ, ਉਸ ਦੇ ਆਧਾਰ 'ਤੇ ਸ਼ਬਦ ਸੁਝਾਉਂਦਾ ਹੈ ਤੇ ਗ਼ਲਤ ਸ਼ਬਦ-ਜੋੜਾਂ ਨੂੰ ਆਪਣੇ ਆਪ ਠੀਕ ਕਰਨ ਦੀ ਵਿਵਸਥਾ ਕਰਦਾ ਹੈ। ਮਿਸਾਲ ਵਜੋਂ ਜਦੋਂ ਅਸੀਂ ਰੋਮਨ ਵਿਚ haal ਲਿਖਣ ਦੀ ਕੋਸ਼ਿਸ਼ ਕਰਾਂਗੇ ਤਾਂ ਮੋਬਾਈਲ ਦੀ ਇਹ ਵਿਸ਼ੇਸ਼ਤਾ ਇਸ ਨੂੰ haul ਵਿਚ ਬਦਲ ਦੇਵੇਗੀ। ਇਸੇ ਤਰਾਂ ਸ਼ਬਦ aap ਲਿਖਣ ਉਪਰੰਤ ਆਉਟਪੁਟ SAP ਆਉਣ ਦੀ ਸੰਭਾਵਨਾ ਰਹਿੰਦੀ ਹੈ। ਹੇਠਾਂ ਨਜ਼ਰ ਆਉਣ ਵਾਲੇ ਸੁਝਾਅ ਸ਼ਬਦ ਅੰਗਰੇਜ਼ੀ ਭਾਸ਼ਾ ਦੇ ਹੁੰਦੇ ਹਨ ਜਿਸ ਕਾਰਨ ਰੋਮਨ ਪੰਜਾਬੀ ਲਿਖਣ ਵਾਲੇ ਵਰਤੋਂਕਾਰ ਨੂੰ ਇਨ੍ਹਾਂ ਦਾ ਕੋਈ ਲਾਭ ਨਹੀਂ ਹੁੰਦਾ।           ਸਾਡੇ ਸਮਾਰਟ ਫ਼ੋਨ ਵਿਚ ਸ਼ੁੱਧ ਰੋਮਨ ਪੰਜਾਬੀ ਲਿਖਣ ਸਮੇਂ ਪੇਸ਼ ਆਉਂਦੀ ਸਮੱਸਿਆ ਦੇ ਹੱਲ ਦੀ ਮਹੱਤਵਪੂਰਨ ਆਪਸ਼ਨ ਉਪਲਬਧ ਹੁੰਦੀ ਹੈ। ਜਾਣਕਾਰੀ ਦੀ ਘਾਟ ਕਾਰਨ ਜ਼ਿਆਦਾਤਰ ਵਰਤੋਂਕਾਰ ਟਾਈਪਿੰਗ ਦੀ ਅਕਾਊ ਪ੍ਰਕਿਰਿਆ ਦੇ ਚੱਕਰ ਵੀਊ ਵਿਚ ਫਸੇ ਰਹਿੰਦੇ ਹਨ। ਇੱਥੇ ਇਸ ਸਮੱਸਿਆ ਦੇ ਹੱਲ ਦਾ ਸਿੱਕੇਬੰਦ ਤਰੀਕਾ ਦੱਸਿ…

ਮੋਬਾਈਲ ਫ਼ੌਨਾਂ 'ਤੇ ਟਾਈਪ ਕਰਨ ਦਾ ਮਸਲਾ (10-10-2014)

Image
ਮੋਬਾਈਲ 'ਤੇ ਇਨਪੁਟ ਦੇਣ ਲਈ ਭੌਤਿਕ ਕੀ-ਬੋਰਡ ਅਤੇ ਆਨ-ਸਕਰੀਨ ਕੀ-ਬੋਰਡ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। 12 ਬਟਨਾਂ ਵਾਲਾ ਕੀ-ਬੋਰਡ (ਬਟਨ ਪੈਡ) ਅਤੇ ਕਵੇਰਟੀ (WERTY) ਕੀ-ਬੋਰਡ ਪ੍ਰਚਲਿਤ ਭੌਤਿਕ ਕੀ-ਬੋਰਡ ਹਨ। 12 ਬਟਨਾਂ ਵਾਲੀ (ਟੀ-9) ਕੀਪੈਡ ਵਿਚ ਸਿਫ਼ਰ (0) ਤੋਂ ਨੌਂ (9) ਤੱਕ ਅਤੇ ਦੋ ਵਾਧੂ (ਸਟਾਰ ਅਤੇ ਹੈਸ਼) ਬਟਨ ਹੁੰਦੇ ਹਨ।           ਕਵੇਰਟੀ (ਮਿੰਨੀ ਕਵੇਰਟੀ) ਕੀ-ਬੋਰਡ ਵੱਡੇ ਆਕਾਰ ਵਾਲੇ ਮੋਬਾਈਲ ਫੋਨਾਂ ਵਿਚ ਉਪਲਬਧ ਹੁੰਦਾ ਹੈ। ਇਸ ਵਿਚ ਬਟਨਾਂ ਦੀ ਗਿਣਤੀ ਵੱਧ ਹੋਣ ਕਾਰਨ ਟੀ-9 ਦੇ ਮੁਕਾਬਲੇ ਤੇਜ਼ ਗਤੀ ਨਾਲ ਲਿਖਿਆ ਜਾ ਸਕਦਾ ਹੈ। ਦੂਸਰੀ ਕਿਸਮ ਦਾ ਆਨ-ਸਕਰੀਨ ਜਾਂ ਵਰਚੂਅਲ ਕੀ-ਬੋਰਡ ਮੋਬਾਈਲ ਦੀ ਸਕਰੀਨ ਉੱਤੇ ਨਜ਼ਰ ਆਉਂਦਾ ਹੈ। ਜਿਸ ਨੂੰ ਉਂਗਲ ਦੀ ਛੋਹ ਜਾਂ ਸਟਾਈਲਸ ਰਾਹੀਂ ਟਾਈਪ ਕੀਤਾ ਜਾਂਦਾ ਹੈ।           ਮੋਬਾਈਲ ਫੋਨਾਂ ਉੱਤੇ ਕਈ ਪ੍ਰਕਾਰ ਦੀਆਂ ਟਾਈਪਿੰਗ ਵਿਧੀਆਂ ਦਾ ਇਸਤੇਮਾਲ ਕੀਤਾ ਜਾਂਦਾ ਹੈ। ਇਨ੍ਹਾਂ ਵਿਧੀਆਂ ਵਿਚੋਂ ਸਭ ਤੋਂ ਪਹਿਲੀ ਵਿਧੀ ਹੈ- ਇੱਕ ਤੋਂ ਵੱਧ ਬਟਨਾਂ ਵਾਲੀ ਵਿਧੀ। ਇਸ ਨੂੰ ਅੱਗੇ 4 ਭਾਗਾਂ ਵਿਚ ਵੰਡਿਆਂ ਜਾਂਦਾ ਹੈ। ਇਹ ਹਨ- ਮਲਟੀ-ਟੈਪ, ਲੈੱਸ-ਟੈਪ ਅਤੇ 2-ਟੈਪ ਵਿਧੀ। ਮਲਟੀ-ਟੈਪ ਵਿਚ ਕੋਈ ਅੱਖਰ ਪਾਉਣ ਲਈ ਬਟਨ ਨੂੰ ਇੱਕ ਤੋਂ ਵੱਧ ਵਾਰ ਦਬਾਉਣ ਦੀ ਜ਼ਰੂਰਤ ਪੈਂਦੀ ਹੈ। ਭਾਵੇਂ ਇਸ ਵਿਧੀ ਦੀ ਵਰਤੋਂ ਸਭ ਤੋਂ ਵੱਧ ਕੀਤੀ ਜਾਂਦੀ ਹੈ ਪਰ ਇਹ ਬਹੁਤ ਧੀਮੀ ਵਿਧੀ ਹੈ।           ਮਲਟੀ-ਟੈਪ (ਮਲਟੀ-ਪ੍ਰੈੱਸ) ਵਿਚ ਟ…

ਔਂਡਰਾਇਡ ਕੀ-ਬੋਰਡਾਂ ਦੀ ਦੁਨੀਆ (03-10-2014)

Image
ਦੋਸਤੋ, ਔਂਡਰਾਇਡ ਫੋਨਾਂ 'ਤੇ ਪੰਜਾਬੀ 'ਚ ਕੰਮ ਕਰਨ ਲਈ ਅੱਧੀ ਦਰਜਨ ਦੇ ਕਰੀਬ ਕੀ-ਬੋਰਡ ਵਿਕਸਿਤ ਹੋ ਚੁੱਕੇ ਹਨ। ਅੱਜ ਅਸੀਂ ਇਨ੍ਹਾਂ ਵਿਚੋਂ ਕੁੱਝ ਕੀ-ਬੋਰਡਾਂ ਬਾਰੇ ਜਾਣਾਂਗੇ। ਇਨ੍ਹਾਂ ਨੂੰ ਗੂਗਲ ਦੇ ਐਪ ਸਟੋਰ ਤੋਂ ਮੁਫ਼ਤ ਡਾਊਨਲੋਡ ਕਰਕੇ ਵਰਤਿਆ ਜਾ ਸਕਦਾ ਹੈ। ਮਲਟੀਲਿੰਗ ਕੀ-ਬੋਰਡ
ਮਲਟੀਲਿੰਗ ਕੀ-ਬੋਰਡ ਕਈ ਵਿਦੇਸ਼ੀ ਅਤੇ ਭਾਰਤੀ ਭਾਸ਼ਾਵਾਂ ਵਿਚ ਕੰਮ ਕਰਨ ਵਾਲਾ ਸ਼ਕਤੀਸ਼ਾਲੀ ਪ੍ਰੋਗਰਾਮ ਹੈ। ਇਸ ਦਾ ਲੇਆਉਟ ਕਵੇਰਟੀ ਆਧਾਰਿਤ ਹੈ। ਇਹ ਔਂਡਰਾਇਡ 4.2 (ਜੈਲੀ ਬੀਨ) 'ਤੇ ਭਰਵੀਂ ਸਪੋਰਟ ਦਿੰਦਾ ਹੈ। ਇਸ ਵਿਚ ਦਵੋਰਕ, ਅਜੇਰਟੀ ਆਦਿ ਸਮੇਤ ਕਈ ਕੀ-ਬੋਰਡ ਲੇਆਉਟਾਂ ਦੀ ਸਹੂਲਤ ਹੈ। ਵਰਤੋਂਕਾਰ ਆਪਣੀ ਸਹੂਲਤ ਅਨੁਸਾਰ ਮਲਟੀ-ਟੱਚ ਜਾਂ ਲੌਂਗ-ਟੱਚ ਦੀ ਸਹੂਲਤ ਮਾਣ ਸਕਦਾ ਹੈ। ਇਸ ਵਿਚ ਭਾਸ਼ਾ, ਕੀ-ਬੋਰਡ ਦੀ ਦਿੱਖ, ਕੀ-ਬੋਰਡ ਲੇਆਉਟ, ਟੱਚ ਤਕਨੀਕਾਂ ਆਦਿ ਬਦਲਣ ਦੇ ਕਈ ਮਹੱਤਵਪੂਰਨ ਵਿਕਲਪ ਉਪਲਬਧ ਹਨ। ਗੁਰਮੁਖੀ ਕੀ-ਬੋਰਡ ਸੁਰਿੰਦਰ ਬਿੰਦਰਾ ਨਾਂਦੇ ਖੋਜਕਾਰ ਨੇ ਔਂਡਰਾਇਡ ਦੇ ਸੰਸਕਰਨ 4.0 ਲਈ 'ਗੁਰਮੁਖੀ ਕੀ-ਬੋਰਡ' ਤਿਆਰ ਕੀਤਾ ਹੈ। ਇਹ ਕੀ-ਬੋਰਡ ਫੋਨੈਟਿਕ ਲੇਆਉਟ 'ਤੇ ਆਧਾਰਿਤ ਹੈ। ਇਸ ਵਿਚ ਕੰਪਿਊਟਰੀ ਕੀ-ਬੋਰਡ ਵਾਂਗ ਅੱਧੇ ਅੱਖਰ ਸ਼ਿਫ਼ਟ ਬਟਨ ਦੱਬਣ ਉਪਰੰਤ ਪੈਂਦੇ ਹਨ। ਵਿਸ਼ੇਸ਼ ਚਿੰਨ੍ਹ ਅਤੇ ਕੁੱਝ ਪੈਰ ਬਿੰਦੀ ਵਾਲੇ ਅੱਖਰ ਇੱਕ ਵੱਖਰੇ ਬਟਨ (?123) ਨੂੰ ਦੱਬਣ ਉਪਰੰਤ ਨਜ਼ਰ ਆਉਂਦੇ ਹਨ। ਕੀ-ਬੋਰਡ 'ਚ ਡਿਕਸ਼ਨਰੀ ਦੀ ਸੁਵਿਧਾ ਵੀ ਹੈ ਪਰ ਸਰਚ ਸ਼ਕਤੀ…

ਸਮਾਰਟ ਫ਼ੋਨ ਦੀ ਵਰਤੋਂ ਸਮੇਂ ਸਾਵਧਾਨੀਆਂ (26-09-2014)

Image
ਸਮਾਰਟ ਫ਼ੋਨ ਦੀ ਵਰਤੋਂ ਬੜੀ ਸਾਵਧਾਨੀ ਨਾਲ ਕਰਨੀ ਚਾਹੀਦੀ ਹੈ। ਕਈ ਵਾਰ ਲੋਕ ਆਪਣਾ ਫ਼ੋਨ ਬੱਚਿਆਂ ਨੂੰ ਫੜਾ ਦਿੰਦੇ ਹਨ। ਬੱਚੇ ਉਸ ਦੀ ਦੁਰਵਰਤੋਂ ਕਰਦੇ ਹਨ। ਇਸ ਨਾਲ ਫ਼ੋਨ ਦੀ ਸੈਟਿੰਗ ਵਿਚ ਵਿਗਾੜ, ਬਕਾਏ ਵਿਚ ਕਟੌਤੀ, ਸਕਰੀਨ 'ਤੇ ਝਰੀਟਾਂ ਪੈਣੀਆਂ ਜਾਂ ਟੁੱਟ ਜਾਣੀ ਆਦਿ ਸਥਿਤੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਨੂੰ ਵਰਤਣ ਸਮੇਂ ਹੇਠਾਂ ਲਿਖੀਆਂ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ:
ਸਕਰੀਨ 'ਤੇ ਹਮੇਸ਼ਾ ਲੌਕ ਲਗਾ ਕੇ ਰੱਖੋ। ਜੇਕਰ ਘਰ ਵਿਚ ਛੋਟੇ ਬੱਚੇ ਹੋਣ ਤਾਂ ਪੈਟਰਨ ਲੌਕ ਦੀ ਵਰਤੋਂ ਨਾ ਕਰੋ। ਪਾਸਵਰਡ ਜਾਂ ਪਿੰਨ ਦੀ ਵਰਤੋਂ ਕਰੋ।ਵਾਰ-ਵਾਰ ਗ਼ਲਤ ਪੈਟਰਨ ਵਰਤ ਕੇ ਲੌਕ ਖੋਲ੍ਹਣ ਦੀ ਕੋਸ਼ਿਸ਼ ਕਰਨ ਨਾਲ ਫ਼ੋਨ ਬਲੌਕ ਹੋ ਸਕਦਾ ਹੈ। ਇਸ ਨੂੰ ਖੋਲ੍ਹਣ ਲਈ ਸਾਫ਼ਟਵੇਅਰ ਦੁਬਾਰਾ ਪਾਉਣ ਦੀ ਨੋਬਤ ਆ ਜਾਂਦੀ ਹੈ। ਹਾਂ, ਜੇਕਰ ਤੁਸੀਂ ਇਸ ਬਾਰੇ ਤਕਨੀਕੀ ਜਾਣਕਾਰੀ ਰੱਖਦੇ ਹੋ ਤੇ ਤੁਹਾਡਾ ਗੂਗਲ ਵਿਚ ਖਾਤਾ ਹੈ ਤਾਂ ਪੈਟਰਨ ਲੌਕ ਬਾਰੇ ਫ਼ਿਕਰ ਕਰਨ ਦੀ ਲੋੜ ਨਹੀਂ।ਆਪਣੇ ਮੋਬਾਈਲਨੂੰ ਹਮੇਸ਼ਾ ਸੁਰੱਖਿਅਤ ਜਗ੍ਹਾ 'ਤੇ ਰੱਖੋ। ਝਰੀਟਾਂ ਤੋਂ ਬਚਾ ਲਈ ਇਸ 'ਤੇ ਚੰਗਾ ਕਵਰ ਚੜ੍ਹਾ ਲੈਣਾ ਚਾਹੀਦਾ ਹੈ। ਸਕਰੀਨ ਦੀ ਸੁਰੱਖਿਆ ਲਈ ਇੱਕ ਖ਼ਾਸ ਕਿਸਮ ਦੀ ਲੈਮੀਨੇਸ਼ਨ ਵੀ ਕਰਵਾਈ ਜਾ ਸਕਦੀ ਹੈ। ਇਸ ਨਾਲ ਸਕਰੀਨ 'ਤੇ ਨਿਸ਼ਾਨ ਜਾਂ ਰਗੜ ਨਹੀਂ ਪੈਂਦੀ।ਸਮਾਰਟ ਫ਼ੋਨ ਨੂੰ ਸੂਰਜ ਦੀ ਸਿੱਧੀ ਰੌਸ਼ਨੀ, ਨਮੀ ਅਤੇ ਸਲ੍ਹਾਬ ਤੋਂ ਬਚਾ ਕੇ ਰੱਖਣਾ ਚਾਹੀਦਾ ਹੈ।ਇਸ ਨੂੰ ਬਕਾਇਦਾ ਚਾਰਜ…

ਔਂਡਰਾਇਡ ਫ਼ੋਨ ਦੇ ਲਾਭ ਅਤੇ ਖਾਮੀਆਂ (19-09-2014)

Image
ਔਂਡਰਾਇਡ ਸਮਾਰਟ ਫ਼ੋਨਾਂ ਵਿਚ ਵਰਤਿਆ ਜਾਣ ਵਾਲਾ ਇੱਕ ਮਹੱਤਵਪੂਰਨ ਓਪਰੇਟਿੰਗ ਸਿਸਟਮ ਹੈ। ਸਸਤਾ ਹੋਣ ਕਾਰਨ ਔਂਡਰਾਇਡ ਫੋਨਾਂ ਦੀ ਗਿਣਤੀ ਦਿਨ ਪ੍ਰਤੀ ਦਿਨ ਵਧਦੀ ਜਾ ਰਹੀ ਹੈ। ਇਸ ਦੇ ਕਈ ਲਾਭ ਹਨ।

ਲਾਭ ਔਂਡਰਾਇਡ ਫ਼ੋਨ ਬਾਕੀ ਫੋਨਾਂ ਜਿਵੇਂ ਕਿ ਆਈ ਫ਼ੋਨ ਅਤੇ ਵਿੰਡੋਜ਼ ਫ਼ੋਨ ਨਾਲੋਂ ਕਾਫ਼ੀ ਸਸਤੇ ਹਨ।ਔਂਡਰਾਇਡ ਫ਼ੋਨਾਂ ਵਿਚ ਖੇਤਰੀ ਭਾਸ਼ਾਵਾਂ ਵਿਚ ਟਾਈਪ ਕੀਤਾ ਜਾ ਸਕਦਾ ਹੈ ਤੇ ਇਹ ਮੀਨੂ/ਡਰਾਪ ਡਾਊਨ ਸੂਚੀ ਆਦਿ ਨੂੰ ਖੇਤਰੀ ਭਾਸ਼ਾ ਵਿਚ ਦਿਖਾਉਣ ਦੇ ਸਮਰੱਥ ਹੁੰਦੇ ਹਨ।ਔਂਡਰਾਇਡ ਫ਼ੋਨ ਦੀ ਨੋਟੀਫ਼ਿਕੇਸ਼ਨ ਵਿਸ਼ੇਸ਼ਤਾ ਬੇਹੱਦ ਤਾਕਤਵਰ ਹੈ। ਐੱਸਐੱਮਐੱਸ, ਈ-ਮੇਲ ਜਾਂ ਚੈਟ ਆਦਿ ਬਾਰੇ ਨੋਟੀਫ਼ਿਕੇਸ਼ਨ ਵਰਤੋਂਕਾਰ ਨੂੰ ਯਾਦ ਕਰਵਾਉਂਦਾ ਰਹਿੰਦਾ ਹੈ। ਸਾਰੀਆਂ ਚੋਟੀ ਦੀਆਂ ਕੰਪਨੀਆਂ ਜਿਵੇਂ ਕਿ ਸੈਮਸੰਗ, ਸੋਨੀ, ਐੱਚਟੀਸੀ, ਮਾਈਕਰੋਮੈਕਸ, ਕਾਰਬਨ ਆਦਿ ਔਂਡਰਾਇਡ ਫ਼ੋਨ ਬਣਾਉਂਦੀਆਂ ਹਨ। ਹਰੇਕ ਕੰਪਨੀ ਦਾ ਆਪਣਾ ਵਿਲੱਖਣ ਯੂਜ਼ਰ-ਇੰਟਰਫੇਸ ਹੈ।ਔਂਡਰਾਇਡ ਫ਼ੋਨ 'ਚ ਜ਼ਿਆਦਾ ਵਰਤੋਂ ਵਾਲੀਆਂ ਐਪਸ ਨੂੰ ਡੈਸਕਟਾਪ (ਹੋਮ ਸਕਰੀਨ) 'ਤੇ ਖਿਸਕਾ ਕੇ ਰੱਖਿਆ ਜਾ ਸਕਦਾ ਹੈ। ਔਂਡਰਾਇਡ ਫ਼ੋਨ ਦੀ ਟਾਸਕਬਾਰ ਬੇਹੱਦ ਸਮਾਰਟ ਹੈ। ਵਾਈ-ਫਾਈ ਬਲੂ-ਟੁੱਥ, ਜੀਪੀਐੱਸ, ਡਾਟਾ ਕੂਨੈਕਸ਼ਨ ਅਤੇ ਮੋਬਾਈਲ ਮੋਡ ਬਦਲਣ ਲਈ ਇੱਥੇ ਬਟਨ ਉਪਲਬਧ ਹਨ ਜਿਨ੍ਹਾਂ ਤੋਂ ਕਿਸੇ ਐਪ ਦੇ ਅੰਦਰ ਜਾਣ ਤੋਂ ਬਿਨਾਂ ਹੀ ਸੈਟਿੰਗ ਬਦਲੀ ਜਾ ਸਕਦੀ ਹੈ।ਔਂਡਰਾਇਡ ਵਿਚ ਮਲਟੀ ਟਾਸਕਿੰਗ ਦੀ ਵਿਸ਼ੇਸ਼ਤਾ ਹੈ। ਇਸ ਵਿਚ ਇੱਕੋ ਸਮੇਂ ਇੱਕ ਤੋਂ ਵੱਧ …