ਵੀਡੀਓ ਲੈਕਚਰ

ਕੋਰੋਨਾ ਵਾਇਰਸ ਦੀ ਬਿਮਾਰੀ ਦੇ ਪ੍ਰਭਾਵ ਤੋਂ ਬਚਣ ਲਈ ਲੋਕ ਘਰਾਂ ਵਿੱਚ ਬੰਦ ਹਨ। ਅਜਿਹੀ ਸਥਿਤੀ ਵਿੱਚ ਆਨ-ਲਾਈਨ ਮਾਧਿਅਮ ਅਤੇ ਵੀਡੀਓ ਲੈਕਚਰ ਬੱਚਿਆਂ ਲਈ ਪ੍ਰਭਾਵਸ਼ਾਲੀ ਸਿੱਧ ਹੋ ਰਹੇ ਹਨ। ਵਿਦਿਆਰਥੀਆਂ ਵਿੱਚ ਕੰਪਿਊਟਰ ਬਾਰੇ ਦਿਲਚਸਪੀ ਪੈਦਾ ਕਰਨ ਅਤੇ ਪੰਜਾਬੀ ਭਾਸ਼ਾ ਬਾਰੇ ਸਾਫ਼ਟਵੇਅਰਾਂ ਬਾਰੇ ਸਿਖਲਾਈ ਦੇਣ ਲਈ ਉੱਘੇ ਕੰਪਿਊਟਰ ਲੇਖਕ ਤੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਅਧਿਆਪਕ ਡਾ. ਸੀ ਪੀ ਕੰਬੋਜ ਨੇ ਆਪਣੇ ਵੀਡੀਓ ਭਾਸ਼ਣਾਂ ਨੂੰ ਆਨਲਾਈਨ ਜਾਰੀ ਕੀਤਾ ਹੈ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਡਾ ਕੰਬੋਜ ਨੇ ਦੱਸਿਆ ਕਿ ਉਨ੍ਹਾਂ ਆਪਣੇ 50 ਤੋਂ ਵੱਧ ਵੀਡੀਓ ਲੈਕਚਰ ਆਪਣੀ ਵੈੱਬਸਾਈਟ ਉੱਤੇ ਪਾ ਦਿੱਤੇ ਹਨ। ਇਨ੍ਹਾਂ ਲੈਕਚਰਾਂ ਨੂੰ ਸੁਣ ਕੇ ਵਿਦਿਆਰਥੀ ਘਰ ਬੈਠੇ ਗਿਆਨ ਹਾਸਲ ਕਰ ਸਕਦੇ ਹਨ। ਗੌਰਤਲਬ ਹੈ ਕਿ ਡਾ. ਕੰਬੋਜ ਸੀਮਾ ਵਰਤੀ ਜ਼ਿਲ੍ਹਾ ਫ਼ਾਜ਼ਿਲਕਾ ਦੇ ਪਿੰਡ ਲਾਧੂਕਾ ਦੇ ਜੰਮਪਲ ਹਨ ਤੇ ਉਹ ਪਿਛਲੇ ਦੱਸ ਸਾਲਾਂ ਤੋਂ ਯੂਨੀਵਰਸਿਟੀ ਵਿੱਚ ਸੇਵਾਵਾਂ ਦਿੰਦਿਆਂ ਅਨੇਕਾਂ ਪੰਜਾਬੀ ਸਾਫ਼ਟਵੇਅਰਾਂ ਦੀ ਖੋਜ ਕਰ ਚੁੱਕੇ ਹਨ। ਉਹ ਹੁਣ ਤੱਕ ਅਨੇਕਾਂ ਕਿਤਾਬਾਂ ਲਿਖ ਚੁੱਕੇ ਹਨ ਤੇ ਉਨ੍ਹਾਂ ਦੇ ਖੋਜ ਭਰਪੂਰ ਲੇਖ ਰੋਜ਼ਾਨਾ ਅਖ਼ਬਾਰਾਂ ਵਿੱਚ ਲੜੀਵਾਰ ਛਪਦੇ ਰਹਿੰਦੇ ਹਨ। 
ਵੀਡੀਓ ਲੈਕਚਰ ਸੁਣਨ ਲਈ ਇੱਥੇ ਕਲਿੱਕ ਕਰੋ

ਇੰਝ ਸਾਂਝੀਆਂ ਕਰੋ ਇੰਟਰਨੈਟ ਰਾਹੀਂ ਫਾਈਲਾਂ/cpKamboj_punjabiComputer

8-4-18
   ਟੈਂਗੋ (Tango) ਸੁਨੇਹਿਆਂ ਦਾ ਅਦਾਨ-ਪ੍ਰਦਾਨ ਵਾਲੀ ਇੱਕ ਮਹੱਤਵਪੂਰਨ ਐਪ ਹੈ ਜਿਸ ਨੂੰ ਗੂਗਲ ਐਪ ਸਟੋਰ ਜਾਂ ਵੈੱਬਸਾਈਟ (www.tango.me) ਤੋਂ ਮੁਫ਼ਤ ਡਾਊਨਲੋਡ ਕੀਤਾ ਜਾ ਸਕਦਾ ਹੈ ਇਸ ਐਪ ਦੀ ਖੋਜ 2009 ਵਿਚ ਹੋਈ
·         ਇਹ ਆਈ-ਫ਼ੋਨ, ਐਂਡਰਾਇਡ ਫ਼ੋਨ, ਵਿੰਡੋਜ਼ ਫ਼ੋਨ ਅਤੇ ਕੰਪਿਊਟਰਾਂ ਲਈ ਵਰਤੀ ਜਾਣ ਵਾਲੀ ਸਮਾਜਿਕ ਐਪ ਹੈ
·         ਟੈਂਗੋ ਅਰਬੀ, ਚੀਨੀ, ਤੁਰਕੀ ਸਮੇਤ 14 ਭਾਸ਼ਾਵਾਂ ਵਿਚ ਕੰਮ ਕਰ ਸਕਦਾ ਹੈ
·         ਆਪਣੇ ਸਬੰਧੀਆਂ ਨਾਲ ਨੇੜਤਾ ਵਧਾਉਣ ਲਈ ਇਹ ਇੱਕ ਬਿਹਤਰੀਨ ਐਪ ਹੈ
·         ਇਸ ਰਾਹੀਂ ਕਾਲ ਕਰਨ ਜਾਂ ਲਿਖਤ ਸੁਨੇਹਾ ਭੇਜਣ ਨਾਲ ਤੁਹਾਡੇ ਫ਼ੋਨ ਦੇ ਮਿੰਟ ਨਹੀਂ ਕੱਟਦੇ ਤੇ ਨਾ ਹੀ ਤੁਹਾਡੇ ਐੱਸਐੱਮਐੱਸ ਪਲਾਨ ' ਕਟੌਤੀ ਹੁੰਦੀ ਹੈ
·         ਇਸ 'ਤੇ ਵਾਰ-ਵਾਰ ਲਾਗ-ਇਨ ਕਰਨ ਅਤੇ ਪਾਸਵਰਡ ਭਰਨ ਦਾ ਝੰਜਟ ਨਹੀਂ
·         ਇਸ ' ਦੋਸਤਾਂ-ਮਿਤਰਾਂ ਨੂੰ ਆਪਣੇ-ਆਪ ਲੱਭ ਕੇ ਲਿਆਉਣ ਦੀ ਸਹੂਲਤ ਹੈ
·         ਇਸ 'ਤੇ ਸਮੂਹਿਕ ਚੈਟ ਦੀ ਖ਼ਾਸ ਵਿਸ਼ੇਸ਼ਤਾ ਹੈ
·         ਇਸ ਵਿਚ ਗੇਮਾਂ ਖੇਡਣ, ਵੀਡੀਓ ਆਦਿ ਦੇਖਣ, ਫ਼ੋਟੋਆਂ ਅਤੇ ਲਿੰਕ ਸ਼ੇਅਰ ਕਰਨ, ਵੱਖ-ਵੱਖ ਸ਼੍ਰੇਣੀਆਂ ਨਾਲ ਸਬੰਧਿਤ ਚੈਨਲ ਸ਼ੇਅਰ ਕਰਨ ਦੀ ਖ਼ਾਸੀਅਤ ਹੈ
·         ਟੈਂਗੋ ਰਾਹੀਂ ਲਿਖਤ ਸੰਦੇਸ਼, ਫ਼ੋਟੋਆਂ, ਔਡੀਓ, ਵੀਡੀਓ ਆਦਿ ਦਾ ਅਦਾਨ-ਪ੍ਰਦਾਨ ਕਰਨਾ ਬੇਹੱਦ ਆਸਾਨ ਹੈ
·          ਇਸ 'ਤੇ ਤਤਕਾਲੀ ਸੁਨੇਹਾ (Instant Messaging) ਦੀ ਸਹੂਲਤ ਉਪਲਬਧ ਹੈ
·         ਜੇਕਰ ਤੁਹਾਡੇ ਫ਼ੋਨ 'ਤੇ 3-ਜੀ, 4-ਜੀ ਜਾਂ ਵਾਈ-ਫਾਈ ਨੈੱਟਵਰਕ ਦੀ ਸਹੂਲਤ ਹੈ ਤਾਂ ਇਸ ਰਾਹੀਂ ਵੀਡੀਓ ਕਾਨਫਰੰਸਿੰਗ ਦਾ ਲੁਤਫ਼ ਵੀ ਉਠਾਇਆਂ ਜਾ ਸਕਦਾ ਹੈ

Dr C P Kamboj/Assistant Professor/Punjabi Computer Help Centre/Punjabi University Patiala/Mobile No 9417455614/E-mail: cpk@pbi.ac.in/Website: www.cpkamboj.com

Previous
Next Post »